Yina Hawu Kabani Patogahani la Libbu Pado ihho Betesda ¹ Pojaheyaka nana, da rayini na lodo rame to Yahudi mono Maroba Yesus pone la Yerusalem. ² La Yerusalem, la bara binna bokolada bebe neni na hawu pado iho ks libbu ba hanewe Ibrani Betesda pawengo,ka limango kejawar na. ³ La kejawar -kejawar hayo, nedi todanga ka hawoli bada kalawara: to moro,to kabeko,mono to kalikku ( da remani we la pado iho bana kanonara. ⁴ Orongo, nenehinghongo rahna, Malaikat Mori bana burru la pado ihho mono bana hagoyakan nana weyo. To ka ab i tamadan nana we pado iho kole bana kanonara, patogahadi walla kalawara kanengo laihda). ⁵ Nonno, neni na toyo kalawara ka tolu kabullu podopato dongo. ⁶ Kole bana iteyai Maroba Yesus iyo bana hawoli orongo bana kalawara mono na tajaya ba longaha madeyo kalawara, Maroba Yesus na kanukka labarana, " Yim wawakadiw ba hatogahagu? ⁷ Nana to kalawara na baleha, "Mori,janekmangoya to kahaburga la we pado iho bana kanonara na weyo, tabollo kag burwa wehingkak kig hit to hawadeka burulnekidad walla yayo." ⁸ Maroba Yesus wena labarana, "Kodewla! hodloya pado majurrumu, mono halakowla." ⁹ Iwidokka nana, nana to bahatogahani, na hodloya na pado majurna, mono na halako. Taidoya, nana lodo iwido lodo rahi kawojo kataba ¹⁰ Orongo nana, to Yahudi wedda labarada to pahatogaha, " Lodo hena lodo rahi kawojo kataba, yoyo abum hodlokaya pado majurrum. ¹¹ Ta idoya, na baleha, "To kahatogahaga, Idoka kawenna labaragu, 'Hodloya pado majurrum mono halakowla."' ¹² Da kanukka labarana, "Garan na To ka wenna labaramu, 'Hodloya pado majurrumu mono halakowla'?" ¹³ Tabollo, to haboda longaha patogaha hayo jada tajakmaya bagaran Iyo orongo Maroba yesus bana panyongawungo la jonga to danga la pado nono ¹⁴ Pojaka nana, Maroba Yesus na patoboka dongan walid hit toyo la Padonna Maroba Allah mono wena labarada, "Rongo, yoyom togahawka. Abum rayikango doki jala wal tonam abna dadi yi karehi jadohha labaramu!" ¹⁵ Nana To nahalako mono na dulkoya labada to Yahudi bai Maroba Yesusya kapatogahani. ¹⁶ Orogo nanato Yahudi kapamayillai Maroba Yesus orongo Iyo na rayin ngaradukka la lodo rahi kawojo. ¹⁷ Ta idoya, Maroba Yesus wenna labarada, "Bapa-Gu nahayilpo koha ba henna, ma Ya jalla payiljalla powa." ¹⁸ Nana balehana rayid pa hit to Yahudi pa rehi kawukro donga walda kama hamateya Maroba Yesus ba wedda, ja oro lai nekmanani Maroba Yesus yina Lodo rahi kawojo kataba, tabollo oro bana tokya Maroba Allah ba iyo na Bapa-Na dagna, ka hatujani na pola tonna yilai Maroba Allah. Hatenana Maroba Allah Labaranai Maroba Yesus ¹⁹ Pojawalka, Maroba Yesus na balehayi heiyo, wene-Na,"Kahepijango, Kahepijango, Yayo weneg labarami, Lakeda jana dakma hayilli langka aha hingkango kawali la pola to-Na, bajana itekayai Bapa banahayilid; orongo ahan hayilnai Bapa, ijala pahayilna Anana. ²⁰ Orongo, Bapa kamanawarango Ana mono hamatarad Anana ngaradukkada pahayil dag Na, mono Bapa jalana na hamataran ne Iyo pahayilli-pahayilli karehi bokolo tonam kamu bangara ²¹ Orongo, kahengoi Bapa kahakode to kamate mono wodi morho kadoha, hejalango Anana na wojalango morho kadoha labara garan Iyo pa benna. ²² Bapa janekmango habutna ate langka garakan, tabolo na wo kohayaka katena la bara Anana, ²³ tonam tangada to da kangakkon Anana kahengo bada kangakkon na Bapana. To jaka kangakkon Anana, jada kangakko bani Bapana ka Hawede-Ya. ²⁴ Badoknekani Yayo weneg labaramu, to karongoya patoki-Ku mono kapatenaya Iyo kahawedewa Yayo na kolengo morho jakahadukka, mono jana tamakma la habuttu ate orongo bana dikka walla mate aro la morha. ²⁵ Badoknekani Yayo weneg labaramu, Dukinkana rahna mono dukinka bahenna, hittu to kamate da rongoho li Anana Maroba Allah mono heiyo ka rongo da morho. ²⁶ Orongo kahengoi Bapa na morho la pola to dag-Na, hejalango Na wojalaya labara Anana morho dalo la pola to dag-Na, ²⁷ monoi Bapa nawon hatena labara Anana kana pahalakoya katena orongo Iyo nana Ana To piya. ²⁸ Abum bangarakau tutna yi orongo tangada to kanengo dalo la watu hodi da rongoya li-Na ²⁹ mono heiyo da lohongo, he iyo ka longaha rayin kadoha da aro morho katolko. Tabollo he i karayngo ka bokala, da aro la morho kamayilla. ³⁰ Yayo jana dakma bagrayingo aha-ahango walla pola to dagu-Gu. Yayo gu hadukini dokuni pa rongogu mono pahaduki-Gu na janekmango ole hagobag orongo Yayo jag mayegakmango habedagu-Gu, taidoyaka habenehona Iyo kahawedewa Yayo." Padukkin Tutna Maroba Yesus Walla Maroba Allah Bapa ³¹ "Ne Yayo bag hadukkan tutna na pola to dagu-Gu, pahaduki-Gu jana tenakma. ³² Taidoya, ned hawadeka kapadukkin tutug Yayo, mono Yayo tajaya ba pahadukda labara-Na tutug Yayo na tena. ³³ Yoyo hawdemowayai Yohanes mono na padukmowan tutna na katena. ³⁴ Taidoya, pahadukki yit hahibbagu ja walla tokmana. Yayo weneg tutna yiyo tonam yomi kahatolekag. ³⁵ Yohanes nana ap weya kaderko mono ka magakaha, mono yoyom bengo magebora baneggu la magakahana. ³⁶ Taidoyaka, yi paiteg mono pahadukigu atpona walla paite mono pahaduknai Yohanes. Orongo, pahayil-pahayil hawonai Bapa labara-Gu paha togola neho-Gu, heiyo pahayil-pahayil kalewara Gurayidi nebahenna, bawo patoki mono bapadukin tutug Yayo bai Bapaya ka hawedewa Yayo. ³⁷ Mono, Bapa kahawedewa Yayo na paduk dag jalani bahan haitena tutg Yayo. Taidoyaka, jam kal rongokmahoya li-Na jedoka iteya na tujja-Na. ³⁸ Mono, li-Na ja engakmana dalo la atemu orongo yoyo jam hatenakmaya Iyo kahawede-Ya ³⁹ Yoyo hanuwaya na Hurata Hori orongo yommi jam hawonekmani ba dalo la Hurata Hori yommi makolengo morho jakahadukka bawem; mono Hurata Hori nana wojala patoki tutug Yayo, ⁴⁰ tabollo yomi jam wawakmam mayo labar-Gu tonam kam morho. ⁴¹ Yayo jag hibakmawa tagora kawalla dadi toyo. ⁴² Tabollo, Yayog tajawu, ba janengo manawarana Maroba Allah la baramu. ⁴³ Yayog mawa oro ngarana Bapa-gu, tabollo yomi jam hibakmawa Yayo. Ba to hawadeka ka ma oro ngra dagkada yomi mi hibayi. ⁴⁴ Ahanyikana yomi bam hatena, ba ne yomi kolekango masadi madaika walla hawu toheka mono jam mayegakango masadi madaika kanengo walai Maroba Allah? ⁴⁵ Abim hawonekaga Yayo enga toknaga la baranai Bapa abwenekam; katokiw nana Musa, yina toyo hamonemu. ⁴⁶ Orongo, bam hatenakayai Musa, Yomi hatena nehowa Yayo orongoi Musa na tulha tutug Yayo. ⁴⁷ Taidoyaka, bajam hatenakaya apan hatulhanai Musa, ahanyikana bam hatenaya patoki-Gu?"