1
Neni na hawu to kahatena poleka ka ngarango Nikodemus. I nana hawu to kabaddingun la parona Yahudi.
2
Na diha huddo, na mayo la barana Maroba Yesus mono wenna, "Mori, ma tajaya Yo ba To Pewe ka ma walla Maroba Allah orongo ja nenekmango hawu toyo ka dadi raingo tadko-tadko balango ne harayi Mu, ba jai Maroba Allah ka ka olegu."
3
Na baleha Maroba Yesus labarada,"Kahepijja-pijjango Ya pa tokig labaramu,baja to pahadadi habalkaya, jana kole nekmango iteya Padonna Maroba Allah."
4
Nikodemus na kanukka, "Ahanyikkana hawu toyyo bana hil wungango dadi habali ba kole bana kawedaka? Dak kado bana tama habali la hoba inyana mowal ubu hadadi habalinni"?
5
Na baleha Maroba Yesus labarada, "Kahehijango, Yayo weneg labaramu, ne ka dadi toyo baja ha dak kai walla we mono Wad, jana daknekma kana tama dalo la padonna Maroba Allah.
6
Ahan ka dadi walla kabiyo engo bana dadi kabi, mono apan pahadadi walla Wad engango bana dadi Wad.
7
Abum bangarakaw orongo Yayo baweggu labaramu, 'Yoyo hadadi habali nehogu.'
8
Gi do aro gina na haringngi wawaw mono rongoya na punyna, taidoya jam tajanekmaya ba gi dau walna mono ba gido arona. Hejalango diha to-diha to hadadi walla Wad ka teng."
9
Nikodemus na kanukka, "Aha nyikkana ngara dukkada hayo bana dadiyi?"
10
Na baleha Maroba Yesus, "Ja yokkado yi to kahanuwango to Israel,tabollo jam tajanekmayi tangkoha hi?
11
Kahe pijja-pijango, weneg labaramu ne yama bama hanewe tutna ahan ha tajama mono ma tokya tutna ahan haitema, tabollo yoyo jam hibanekmaya ahan hatokma yama.
12
Bag tok kagun tuna yi na ponutana jam hatena nekmaw, aha nyikana bam hatenaw bag tok kagun tutna yi na morha jaka hadukka?
13
Janenekmango hawu toyo ka bak ponela pado ka hoda madeta, ba ja Ika ka bak burru walla pado kahoda madeta, nana Ana Maroba Allah nei Maroa Yesus hawengo.
14
Kahengoi Musa haponeni na kaboko la maroda gilro, hejalana ananai Maroba Allah ha daika,
15
tonam tangada to kahatena labara-Nada kolengo morho kadoha
16
Orongo Maroba Allah bana manawaran na ponu tana, Iyo mana woya na ana kanaha-Na tonam hit to ka hatena la bara-Na abda podango limalara tabollo kolengo morho jakahadukka.
17
Orongo Maroba Allah bana hawedeya na ana-Na la ponu tana kana manoko la ponu tana ja wenekmana, tabollo kana hatolekan ledena Ana-Na.
18
To kaha tena la bara-Na ja wokmani li latta, tabollo to jaka hatena nedka li latta labarada orongo ba jada hatenaya na ngarana Ana kanahana Maroba Allah.
19
Ika yina li latta: Magakaha nemenka la ponu tana, tabollo toyo atnehoni beddan na kapogto be ubna magakaha orongo apan haraida ka bokalaya.
20
Orongo ngara dukkada to karayin kabokala da muhun na magahaka mono jada ma wikma la magakaha tonam hi harai-raida abhil tok-tokiy.
21
Ta idoyaka, to karayin katena da mayo lamagakaha tonam tangada harai-raida da rayin la barana Maroba Allah." Yohanes Na Tokya Tutna Maroba Yesus
22
Pojaka nana, Maroba Yesus mono anawit ana lima-Na halako la tana Yodea. No habali, bana oledi poja awaya na mahigona mono napaiho wema ringi.
23
Yohanes jalla na Paihongo wemaringi la Ainon la bara Salim orongo ba dangayi we habali. To danga da mayo mono na paihodi wema ringi.
24
Athonana, Yohanes baja hatamahonni lagolu.
25
Mono, duk elongo bada habare-barengo hittu kapirango ana wit ana limanai Yohanes mono hawu to Yahudi katajaya ka muraha.
26
Hi toyo da tobokaya Yohanes mono wedan, "To kaha nuwango, To ka oleg la habal Yordan, tuna Iyo yoyom hadukben, iteyala, Iyo jalla na pa ihongo wemaringi mono tangada toyo da ma labara-Na."
Yohanes na baleha, "Toyo jada hibakma aha-ahango, baja hawokai la barana walla pado kahoda madeta.
28
Yo dagu mu tokjalaya ne yayo ba baklongaha tokgun, 'Yayo jai Mesias,' tabollo yayo dahawede ulwa walla Iyo.
29
To ka mang mangngo da paha mawinne mo paha kabani; tabolo ole atena ka paha kabani, ka dede mono rongoya, da magebora rongoya na li kapaha kabani.Oro henenaka,na mageborada pon yaka.
30
Iyo na rehi bokolo neho mono yayo rehi moraha nehowa."
31
"Iyo kama wal deta nana deta koha nehoi, Iyo kawalla ponu tana kawalla ponu tana mai mono dahanewe tutda kanengo la ponu tana. Iyo kama walla pado kahoda madeta nana la ponu tanga kohana.
32
Iyo na tokya tutna apan haitena mono apan ha rongo-Na, tabol he toyo jada hibakmaya ahan ha tok-Na.
33
To ka hibaya na patok-Na da ngo lang pijani ba Maroba Allah i ka tena.
34
Orongo, to pahawedena Maroba Allah da hadukkin patokna Maroba Allah orongo Maroba Allah nawo Wad jaka hadukka.
35
Bapana kamanawarango Anana mono na wo kohadad ngara dukka la lima-Na.
36
To kaha tena labara Ana-Na da kolengo morho jaka hadukka, tabollo to jaka dokuni Anana jada itekmaya na morho, tabollo yinna akta majirraka Maroba Allah engadonna banenni labarana."