Kawukku Du'u
Weyo Hadadi Anggur
1
Ha tol lodo wayo, neni na Pesta perkawinan la Kana, galilea, mono inyanai Maroba Yesus neni habali.
2
Maroba Yesus mono ana wit ana limana ma wejaladadi na la pesta.
3
Kole ba pojayaka nana we anggur, inyana Maroba Yesus wena-Ni, " Dukadadi we Anggur."
4
Na Baleha Maroba Yesus, "Inya", aha nen orona la bara-Gu? ba jana dukmahongo rahi-Gu."
5
Inyana Maroba Yesus wenenadi he to kapa netngo, "Ahakan hatok Na labaramu, dokudi."
6
Ne habali, ned nomo hajalu watu, ha wa e juwada to Yahudi banekango hayil murahada. Wal heka nomongo hajalu ha wu hajalu ihna du'u jedoka tol tarobo.
7
Maroba Yesus wenna labarada hit to kapa netngo, "He hajal-hajalu haihidka we." Mono, mada haihidka hi hajalu wad weyo koha bada bon ngo.
8
Mowalka, Maraba Yesus mawenna labarada, "Nebahena, deke hoddi mono ngodya la mori tunnu."
9
Yina mori tunnu kole bana kabani yina we ha bali anggur nana, mono jada tajakmaya ba gidowallna (tabollo hit to kapa netngo ka dekeya nana wyo da taja), ma yina mor tunnu kamakodi kawali la kalibo kabani,
10
mono wenna labarada, "Tangada to kapodan na we anggur ka doha ullna mono kole bada hadukka innu ngaradukkada to , ma ubda podan na anggur kaja doha pi. Tabollo, mu bojolaya anggur dohha koha bahena."
11
Kawunga tadka balango Maroba Yesus na rayin la Kana,Galilea, mono na padukin na doha-Na, mono ana wit ana lima-Na da patenaya Iyo.
12
Pojawalka nana, Maroba Yesus na burru la Kapernaum olen na inya na, ole benna, mono ana wit ana lima-Na. Kapirra lodongo da engango habali. Maroba Yesus la Padonna Maroba Allah
13
Lodo rahi mateda to Yahudi dogetaka, mono Maroba Yesus na pone la Yerusalem.
14
La padona Maroba Allah, Na itei to kamalajango lembu, bebe,mono kawurngo merpati,mo loho hit to ka pahepango omaha ka ngodo habali.
15
Maroba Yesus na raingo toko wal la kaloro mono na wugai tangada lohongo walla padonna Maroba Allah, olejalad tangada bebe mono lembu da. Mo loho da letongo omaha wat wal hala to ka pahepango omaha mono da kabaliyi hit mejada.
16
La barada hit to kamalajango kawur merpati Maroba Yesus wenena,"Ngodi loho kohai ngara dukkada hittu wal hena! Na umma Bapa-Gu abim habalkagan paddo dagango mono pa do kahi!"
17
Ana wit ana lima-Na da apeya ba nen kama tulha:
"Manawaran na umma-Mu, ha koraga Yayo."
18
Mowalka, da baleha to Yahudi mono weda la bara-Na, "Tadko balang ahan paha dedo Mu la barama yama Mamu da ne hingkaw rayid hi-hit?"
19
Maroba Yesus na balehayi, "Hamohon yi padonna Maroba Allah mono la jonga tolu lodongo Gu hakode habalya."
20
Ma da baleha, "Enga pato kabul nomo dohho bebum hakodeya yi Padona Maroba Allah,mono Yoyom pakodeya na la kajonga tolu lodongo?"
21
Tabollo, Padonna Maroba Allah hawennai Maroba Yesus nana pola to dag-Na.
22
Orongo nana, Maroba Yesus bana kode habali walla to kamate, ana wit ana lima-Na da apei hit pa toki; mono da patena Hurata Hori mono hatokna Maroba Yesus pahadukkna.
23
Yi na Maroba Yesus ba nen la Yerusalem ba ha apen na lodo rahi mate, dangai to kahatena nan na ngara-Na orongo ba itei tadko balang ha rayi-Na.
24
Ta idoyaka, he iyo Marona Yesus jana hatenakmayi orongo Iyo bana tajai tangada to,
25
mono jana kamakmango langka garakani kana tokya tutda toyyo orongo Iyo na tajai ahan kanengo la ate to.