¹ Pilatus jekeya na Ananaha manna prehay tanam na Ananaha kaha mayilayya. ² Hetto ban mayanadad hawu heglo hatara walla boh hatarra modda hajokon nella katokna Ananaha, modda wan bor doha Labaranna. ³ He ida halako dohe kayya Ananaha maha tokda,"Maringngo, he Ngora To Yahudi!" Mahe ida kapokkan Nangorranna. ⁴ Pilatus loho piknan mahha tokna nella barada,"Itekya!" Yag marongan Ananaha lohongo labaram tanam neyom kamtajayya neyya bajag tobokawwa jalla apa ango Labaranna." ⁵ Malodongo, Ananaha lohongo newango heglo hatara mobor doha. Pilatus hatokna nela barada,"Ne Iyo itekya!" ⁶ Mahe to taghanet bokolo mahe to ban iteya Ananaha, he ika wulodad,"Ne Iyo teron, teron Iyo!"Tabolo idoka, Pilatus hatokna labarada,"Ne Iyo marongan mo terro dagun orongo ya jag tobo kakmawwa jalla apa ango Labaranna." ⁷ Hetto Yahudi balehayay Pilatus," Yamma mang ukpattamma, dokngo nenna ukpatta, ne Ina mate neho orongo ne I tokwu Dagnan Ana Nagga Kammawol Kammaray." ⁸ Ney Pilatus banna rongoyka heha newwe, ne i rehka bohnan ⁹ monna tamma nedalo la katora preha, manna kapatan na Ananaha,"Neyo gedo walim?" Tabollo idoka, Ananaha janna bale hakmayya. ¹⁰ Pilatus hatokna Labaranna," Neyyo jam wawakma hanewe dongagga? Neyyo Jam tajak mayya neyya bamang pohtog neha Tolkog molka bamang pohtog ne Terog?" ¹¹ Ananaha balehanna,"Neyyo jamang pohtokmam apa apa ango nella pola Tog, helengo nenna pohto labaram wal detanna. Oro ikyaka, toka wowwa Ya labaram reh dangahoy dokjalanna." ¹² Pojakka banna rongoy heyyo, Pilatus mayeganan laranna hatolkon na Ananaha, tabollo heto Yahudi kawulodad, " Yinna To bamha tolkon, yoyyo ja ole atek mannag na Ngora To; tanganna to kaha ngadda wunna ba ngora toya gobanan na Ngora To." ¹³ Ney Pilatus banna rongoyya heha newe, ne i maronganan na Ananaha lahabal hok, monna ngodo la hado ngodo preha, lahawu haddo kangarangoy Litostrotos, tabollo dalo laha newe Ihanuha hawel kadda Gabata. ¹⁴ Nonna lodona rah hanyanga ladan Nalodo Hor, nonna tankatut hudanan nalodo. Pilatus hatokna labara to Yahudi," Ika Yinna Ngora Tom!" ¹⁵ Mahe ika wulodad, "Ne I halin! Ne I halin! Ne I teron!" Pilatus hatokna labarada iyo, " yag tero hogun na Ngora Tom?" Hetto tagha netngo balehada," Yamma janek mango ngora tomma helengo na Ngora To!" ¹⁶ Dukngoka, Pilatus woyakka na Ananaha nella barada nekka teron. ¹⁷ Ananaha lohongo deto dagya nayay Haka Dalona aro nella hado kanga rango " Haddo Rikkatok",nella hanewe Ihanuha hawel kadda "Golgota". ¹⁸ Nohabal, he i terodan na Ananaha oled heddu to hekka, pateroda lakka wanna mo lakka lenna Ananaha, manenna Ananaha nen laha duna. ¹⁹ Pilatus domol tulhonan nahawu hatulho manna bojolayya nedeta lapon yay haka dalo. Nepa tulho punyna," Ananaha To Nazaret, Ngora To Yahudiya." ²⁰ Dangay to Yahudi bahayya neha tulho orongo hadonna Ananaha edo terodan nen labarra haronna, maneha tulho dalo laha newe Ihanuha, LATIN, Yunani. ²¹ Mahe to taghanet bokolo to Yahudi hatokda labaray Pilatus,"Abum tulho kayya, Ngora To Yahudi,' tabollo tulho neyya, Yinna To hatokna,' Yadoka Ngora To Yahudi.'" ²² Balehanay Pilatus," Apan hatul mowag, enga manna matulho!" ²³ Hetto ban, he i badda pojakka teron na Ananaha, jekenad Kalebenna modda bawenad dad pato, nahawu dagdad to ban, molka Naborna; nenna bor janek mango KELIMNYA, ton hedan wal deta duk wawa janek mango kotna. ²⁴ Hetto ban hanewe dad iha iha," Abda hirrakay, tabollo lettongo tadko nekadda pohtoya bagaran ka kolen." Yinna dad tanam kanna tubaka kamma tulho mowa dalo Lahurata Hor: "He ida bawe bawegad Kalebeg nola jongadda manenna Borug letodad tadko." Henakka heto ban badda rayid hetangadda. ²⁵ Pojakka nonno, inyanna Ananaha, angwinne inyanna Ananaha, Maria ara wennay Klopas, moy Maria Magdalena, dededad labarra yay Haka Dalona. ²⁶ Nenna Ananaha banna iteyya na Inyanna mohe anahakodo anahalolena ne hamma Nawaranna dede nohabal, ne Iha tokna labarra Inyanna, "Mawinne, itekya, yinna anam!" ²⁷ Madukngo, Ananaha hatokna labarra anahakodo anahalolena Nehamma Nawaranna," Idoka yinna inyam!" Walnakka nonna, nenna anahakodo anahalole hibayya na inyanna Ananaha engango la umanna. ²⁸ Pojakka nonna, Ananaha, katajay mahe tangkohada naha lako mowayka, tanam kanna tubakka na Hurata Hor, ne Iha tokna," Yag madowwa!" ²⁹ Nolla barada nen nahawu hajal bon ngo ANGGUR pok. Oro ikyakka, he i halomo dad BUNGA marokota pa poklo mowada nedalo la ANGGUR ASAM nella hawu HISOP mahha aronan lawo banna Ananaha. ³⁰ Pojakka banna inun nenna ANGGUR pok, Ananaha hatokna,"Pojja mowa." Maha legeyakka, ne I kahuglon naka Tokna mawoyya nalolo Ngahna. ³¹ Oro nonna lodona rah hagona dan, tanam hekka rogo karogo abda engada baned nella yay haka dalo nella Lodo Ngah, orongo Lodo Rahngah lodo bokoloyya, hetto Yahudi kareyya labaray Pilatus tanam he witda to patero katuploy molka hekka rogoda kaha burud walnella yay haka dalo. ³² Malodongo, heto ban madad madda pullakka dan nawitna toka ul matto hawadekawal, pateroda olen na Ananaha. ³³ Tabollo idoka, he i badda dukka labarra Ananaha badda ite yakka ne I banna mate mowaka, he i jadda pulakkak manad Witna. ³⁴ Tabollo, hawu nenna to ban kajjo karayya nella kurna Ananaha, manno memma, rutto mo weyo dor lohongo. ³⁵ To ka iteya nekadad idoka kaha dukin hiyo, mane paha dukda katenayya mane ina tajayya manne paha dukna kahe pijjanan, tanam neyom alla kamha tenayya. ³⁶ Orongo, hetang kohada nadadiy kanna tubaka kamma tulho mowa dalo Lahurata Hor:"Jaha wukma walhela Rinna papulla kadda." ³⁷ Ne piwalin, dalo Lahura Hor hekka kawengo, "He ida dakka durayya Iyo pakka jokarra mowadda." ³⁸ Pojja kohay heyo, Yusuf kawalngo la Arimatea, ha anahakodo anahalolena Ananaha tabollo hatet kabunynan orongo kabohid heto Yahudi, karre labaray Pilatus tanam ne i kadda halokon jekeyya naka rogona Ananaha; may Pilatus nangon. Manenne, Yusuf walla Arimatea manan manna jekeyya naka rogona Ananaha. ³⁹ Nikodemus, to athona dukin na Ananaha banna hudongo, madomol nan nengod minynya MUR mo Gaharu, butolna tankatut limma kabul KATI. ⁴⁰ Maha legeyya, he i jekedan naka rogona Ananaha madda kaboron wan kabba doha hattadda kabo burata, dokun naka nogo hatannoda to Yahudi. ⁴¹ Nolla bara hadonna Ananaha edo terodan, nen nahawu namango manella mango nen nahawu narate bayo jakka hawu hongo to hatanno habojo loda nohabal. ⁴² Oro ikyakka, lodo paha gonnadad to Yahudi, manenna rate janna marok marok mango, he i bojolodan naka rogona Ananaha nohabal.