¹ Pojakka Ananaha tokiy hihiyo, ne I halakonan oled he Ananahakodo Anahalolena atlabal lokko Kidron, haddo edo nen hawuna TAMAN manenna Ananaha tamma nedalo oled he Anahakodo Anahalolena. ² Yudas, hawu na anahakodo anahalolena kabokalla dongan na Ananaha, napewe dommo allan nenna TAMAN orongo Ananaha damma koha juwwa oled he Anahakodo Anahalolena noha bal. ³ Yudas, pojakka hibay dangalla toban motto paha wededa walhe to hanet bokolo motto Kawohoka, ma nella TAMAN nengod ap we, ap kalamakka, monob tarra. ⁴ Ananaha, katajay hetang ngadda kadad nella Baranna, halakonan nella aro mokka patad he iyo,"Garan nehamma yegam?" ⁵ He i balehadda,"Ananaha walla Nazaret ."Ananaha hatokna nella labarada,"Yadoka Ananaha." May Yudas domol, kabokalla wan Iyo, dedde oled he iyo. ⁶ Ananaha batok wenakka,"Yadoka Ananaha," hetto erdad madda boppa nella tanna. ⁷ Maha legeya, Ananaha kapata pikngo nella barada,''Garan yom hamma yegam?" He balehadda,"Ananaha walla Nazaret." ⁸ Ananaha balehanna, " Tok mowa Gunka labaram, Yadoka Ananaha. Maneyom mayega Mogga Ya, halokodka he Anahakodo Anahaloleg kadda yelango." ⁹ Hetangngadda tanam kanna bonkangka patok mowanna Ananaha:"Walhe tangada Yo hawomga Ya, Yajag bungak mawwa hawu ak." ¹⁰ Simon Petrus, kangod hagga kito lok, nalohya nakitona manna lokka tayya nenna to tahhanet Bokolo, madukngo rahtan nakkatil kawananna; ngaranna nenna to taghanet Bokoloy Malkhus ya. ¹¹ Manehha tokna Ananaha labaray Petrus, "Pahoppe habalin nenna kito! Ha in pawo mowanay Bappa Labarag, may YaJag inkahhon?" ¹² Mahe legeyya, hettoban Romawi molka toban Madeta dukwalngo to taghanet to Yahudi wopayya Ananaha monne Ida pingon, ¹³ modda ngod ulya Ananaha labaray Hanas, Yeranay Kayafas, to taghanet Bokolo nonna. ¹⁴ May Kayafas kawon paha ngadda hetto Yahudi kadohayya banna matekka hawunna to tutna to danga. ¹⁵ Simon Petrus hawu anahakodo anahalolenna hawadekawal kadokun na Ananaha. He anahakodo anahalolenna datajay hetto Taghanet Bokolo. Manne iyo tamma dobbanan olen na Ananaha nedalo lakka jonganna kattora To Taghanet Bokolo. ¹⁶ Tabolo idoka, Petrus dedenan lahabal hok, labarra binna. Maha legeyya, anahakodo anahalole kaha wadengo, katajay hetto Taghanet Bokolo, baldad lohongo monna hanewe dongan nenna mawinne kaha mattaran nabinna, manna marongan ney Petrus tamma. ¹⁷ Maha legeyya, mawinne kaha mattaran nenna binna kapatanan labaray Petrus,"Jayo alla kaddo hawu walhe anahakodo anahalolena walnenna To?" Balehannay Petrus,"Jedokma!" ¹⁸ Pojakka rayngo ap bogora, hetto tagha netngo molka toban madeta dedde nohabal orongo nonna rahna rereha mayogalla pijja, mahe i jerdad. Petrus domol oledan, dedde mo jerngo. ¹⁹ Maha legeyya, To Taghanet Bokolo kapatadan Ananaha tutda he Anahakodo Anahalolena motutna Lihanuwanna. ²⁰ Ananaha baleha nan,"Yagha newwe lurho wakka nella pontanna. Yag engangngo hanuwwango la umma umma dokawojo monella Umma Kammawol Kamaray, haddo makohanna tangkohanna to Yahudi. Ya janek mango bagha newwe kabunywa. ²¹ Abba mamka patango Labarag? Kapatadka nella he ika rongo mowa yakka apan Hatokig nella barada; he ida tajayya apan hatok Mowag." ²² Nenna Ananaha bannatok hengo, hawwu kappa horango dedde nonna kapokan na Arona maha tokna,"Henenna Hadam balehayya nenna To Taghanet Bokolongo?" ²³ Ananaha balehayya iyo, " Neyya Bagtok Kayya ahan kajalla, hatingogan najallanna; tabollo Bagtok Kayya katuba, aba yoyyo mamka pokagga Ya?" ²⁴ Maha legeyya, Hanas hangodnan Ananaha nella mapingo labaray Kayafas To Taghanet Bokolo. ²⁵ Pojakka no, Simon Petrus enga honna dede manyirngo ap. Mahe i kapatadad labaranna,"yo allal ja anahakodo ana haloleknag nenna To?" Petrus janna ngokman monna baleha," Jedokma." ²⁶ Hawunna to anawit analimmanna To Taghanet Bokolo, ka oleben nenna to katilna hakka tuplonnay Petrus, hatokna,"Jag itedow yo bam olen nella mango?" ²⁷ We pilnay, Petrus banna jedon, manno memma, naman kuk nan. ²⁸ Maha legeya, he i marongadan Ananaha walla hadoney Kayafas nella katora preha, nonna kukman marohongo, mahe idag jadda tamakma nedalo la katora preha tanam he i abda MENAJISKAN DIRI, tanam kadda dukngo mu Lodo Hor. ²⁹ Maney Pilatus lohonan he i dukid monna kapatango,"Apan pahha jalamin nella baranna Yinna To?" ³⁰ He ida baleha mohatokda labaranna,"Yinna To bajja to bokalla kayya, yamma jammahil Marongakman labaram." ³¹ Pilatus hatokna labarada iyo,"Marongan Iyo dolun jalanna dokkun nahadam."Hetto Yahudi balehadda,"Janna tubakma na ukpattamma yamma dolun jalla matenna hawwu to." ³² Yinna dak kannabon kangka hatokna Ananaha, kahha tingon namatenna aha nyina ne Ibanna mate. ³³ May Pilatus tamma habalnan nedalo la katora preha mokka makon na Ananaha, manna kapatango Labaranna," Neyyo Ngora To Yahudi hijaw?" ³⁴ Ananaha baleha," nakka patam walla pola to dagmun, molka nengo to hekka katokgun tutug Ya?" ³⁵ Pilatus hatokna,"Neyya To Yahudiwwa? To motto taghanet Bokolo dagum dawow Yo labarag. Apan Neyyo haray mowam?" ³⁶ Ananaha hatokna,"Kappa Rehag jawal manna yilla pontanna. Nakappa Rehag bawal kanna yilla pontanna, hetto Taghanetug hiwronna daha goba tanam Neyya abda wowwa hella to Yahudi. Tabollo idoka, Kaparehag jawal manna yilla pontana." ³⁷ Pilatus hatokna, "Manne Yo hawuw ngora to?" Ananaha baleha,"Yodoka katokya Neyya bangora towa. Oro ikyakka Ya bag dadwa, oro yikyakka Ya bagmawwa nella pontana, nekag tokya tutna katena. Tanganna to kawal latena narongogan Nalig." ³⁸ Pilatus hatokna Labaranna,"Apan nenna tenna?" Mapojakka batokhed, Pilatus loho pikngo tobokay hetto Yahudi, mahha tokna labarada,"Ya jag tobo kakmawwa jalla apa ango Labaranna. ³⁹ Tabollo, yom mangnengo hawunna hadda kadoma neyya bagha tolkongo hawu to lagol nella Lodo Hor. Mane yom wawam tanam neyya kagha tolkon 'Yinna Nangora To?" ⁴⁰ He i baleha pikdad wangka wullo,"Abum hatolkon yinna To, taboloy Barabasne!" Barabas hawuya to karebo.