¹ He idoyka panewenna Ananaha, maha legeya ne I tangaranan nela langto moha tokna,"Bappa narahna dukinka, hamma nadan na Anam tanam na Anam kanna hamma nada domolig Yo. ² Hamera Neyo wonka Iyo mangli prehanna nella tanganna kadad to, tanam nella tanganna kadad to Neyo hawom Labaranna, ne Inadad wongngo morho jakkaman dukango. ³ Yi idoka morho jakkaman dukango, he ibadda tajaw Yoyyo, iwa hengo Kamawol Kamaray katena, mo tajayya Ananaha nepaha wede mowam Yo. ⁴ Yag hamma nada mowag Yo yilla pontanna nepojay pakka rejja Neyo hawom Labarag nekka rejjad. ⁵ Nebahenna, oh Bappa, hamma nadaga Ya oleg Yo nenna manadango neha Dagug oleg Yo bajjanna kapokeho napontana. ⁶ Yag hatingo mowagun Nangaram hella to hawom Neyo Labarag wal yilla pontanna. He iyo Dagmud Mayowal wo mowagadka he i Labarag, mahe idomol dadok mowa ganka nali Hanuwag. ⁷ Nebahenna, he i data jayya matang kohada Heyyo pawom Labarag walda Labaram. ⁸ Orongo, Yagwo mowa dadka hella barada naliha nuwa Neyo hawom Labaram, mahe ida hibba mowa yakka modda tajja tepijayya Neyya bawalgun walla Yo, mahe i daha tenayya Bayodoka kaha wedewa Ya. ⁹ Yagka wojowa tutda iyo, Ya jagka wojok mawwa tutna pontanna, tabolo dagda he i Neyyo pawo mowam Labarag; orongo, he i Dagmud. ¹⁰ Tangkohada heppa Dagug dag allakmud Yo, matang kohada heppa Dagum dag Allakgud; Mayyawal daha manada mowa yakka hella tangkohada. ¹¹ Ya jahil yikma gakka lapontanna, tabollo he iyo enga hodda baned yilla pontanna, Mayag mawwa labaram Yo. Bappa Kamuraha, he i pamattarra kid nedalo la Ngaram, ngarra Neyo hawo mowam labarag Ya, madukngo he i dadha wungo hamera ne Ita. ¹² Neyya bag ole juwad he iyo, Yag hamattarra mowad he i dalo Langaram Yo Neyyo hawwo mowam Labarag Ya. Yagha mattarra mowadka iyo majja nekmango hawu akto walhella i kabunga helen nalla kedda tudngo lokko, tanam Nahurata Hor kanna tubakka. ¹³ Tabollo nebahena, Yag nemmeg mawwa Labaram; mahi tangkohada Yag dulkoy yilla pontanna tanam he i kadda dag mangngo Lagaharag papon kadda nedalo lapola todda iyo. ¹⁴ Yagwo mowa yakka Nali Hanuwag hella iyo, manenna pontanna he i buttud orongo he i jawal madda lapontanna, hamera Neyya jakkawal lapontanna. ¹⁵ Ya jagka Rekmaw ne jekkey he i lapontanna, tabollo tut golluy he i walka bokalla. ¹⁶ He i jawal madda lapontanna, hamera Neyya jakka walngo lapontanna. ¹⁷ Hamurahad iyo dalla latenna; Nalihanuwam katenayya. ¹⁸ Hamerra Neyyo hawede mowa wakka Ya dalo lapontanna, hedomolngo Ya hawedey iyo nedalo lapontanna. ¹⁹ Dagdan iyo, Yag hamurahan napola Tog tanam he idomol daha murahad dallo latena. ²⁰ Ya ja ibelekma kawojo tutda iyo, tabollo domol tutda hetto kahatena Labarag ledena he paha dukda, ²¹ tanam he i tangkohada dadha wungo, hamera Neyyo, oh Bappa, neg dalo la Ya ma Yawal nedalo Layyo; tanam he idomol dadha wungo nedalo la Ita madukngo napontanna hatena oro Bayodoka kaha wede mowa wakka Ya. ²² Manadango Neyyo hawo mowam Labarag, Yagwo mowa danka hella iyo tanam he i kadda dad hawungo, hamera Neyyo mane Yawal hawun. ²³ Ya nedalo la iwa Mayowal neg dalo la Ya, tanam he i dadha wungo pijango. Oro bahengka, pontanna natajja neyya Bayodaka kaha wedewa Ya, mane Yowal he manawarad, hamera Neyyo manawa ragga Ya. ²⁴ Ngo, Bappa Yag kab ated he iyo, pawwo Mowam Labarag, molka nen Olegga magballa geka Ya eddo negga, tanam he i kadda itegan Namma Nadag, pawwo Mowam Yo Labarag Ya, orongo Yo manawa ragga Ya bajakka wore pontanaho. ²⁵ Oh Bappa jakka buto hagoba, magba pontana janna tajaw Yo, tabollo Yag tajaw Yo, mahe ida tajayya ba Yodoka kaha wedewa Ya. ²⁶ Yagtok mowa gunka Nangaram hella iyo mahha kitagun dulkoya tanam manawarra oro idoyka Neyyo bam Manawa Ragga nen nedalo la iyo, Mayyawal nen nedalo la iyo."