¹ " Hetang kohada Yagtok mowayka labaram tanam neyom abum gedongo. ² He ida wuganem walla uma dokawojo. Nella, enga dukin narahna tangana to kaha matew naha ngada nen he iba kawojodad nella barra Kamawol Kamaray. ³ Mahe tangkohada he ida raynen orongo he i bajadda tajayay Bappa mo Yawal. ⁴ Tabolo idoka, tangkohada heyyo Yagtok mowa gudka labaram tanam badukkan narahna, yom apeyya Neyya bagtok mowayka labaram. Mahi hiyo Yajagtok magun labaram kawungana orongo Ya ba enga hoda ole. ⁵ Tabolo idoka, Ya nebahenna halako gunka nella I kaha wedewa Ya, majja hawukma to walla yom kapatagga Ya,'Lageneg Yo edo halakom?' ⁶ Orongo, Yabagtok mowayka hetangngadda labaram, milla ate dukgunka narim. ⁷ Tabollo idoka, Yagtokgun katena labaram: nadoha nehho natutkam Neya bagha lako kawwa yelango orongo nebajag halako Kawwa yelango, neka Tulgim jannahil manekma labaram yom; tabollo Neya bagha lako kawwa, Yag hawede Neyya labaram. ⁸ Manne Kammatul banna makka, ne I ha apenan napontanna tutna dokjalla, katena, mo pohto jalla tenna; ⁹ tutna dokjalla, orongo he i bajadda hatenna Labarag; ¹⁰ tutna katena, orongo Ya bagha lakowwa nella baray Bappa mayomwal jannahil dadmakka itewa Yawal, ¹¹ matutna dolngo jalla tenna, orongo hi kapareha pontana daha jalla mowayka. ¹² Dangngahoy heppakab Ateg tokiy labaram, tabollo yom janna dadma tagun bahenna. ¹³ Tabollo, ne Ina, Wadkatengngo banna makka, ne I naha netug nedalo latangkohanna katena. Orongo, ne Ijaha newe nekmanan tut hakab ate Dagna, tabollo tangnga tangana Heppa rongona idoyka Heppa tokna; mane Ina dulko negud hemme kadad. ¹⁴ Ne I nahamma nada negga Ya orongo ne I hibba nenad heppa Hibbag, ma nemmela nadulko negud labaram. ¹⁵ Tangada ney Bappa hadagna nedag alla Gud. orok nanka, Yag dulkoya tutna Wadkakatena nahadukgun labaram apan Pahibbanna walla Ya." Mayilla Dadnan Lagahara ¹⁶ " Hok pimoka, mayom jannahil dadmakka itewa habalwa Ya, hokmokka, mayom bam itewa Ya." ¹⁷ Hawu du he anahakodo anahalolena Ananaha hakka patta wudad,"Appan Gonna ne I bannatok hen labarada itango,'Hokpingo, mayom jannahil dadmakka itewa Yawal; mahha dakkapig, hokmokka, mayom bam itewa Ya?' orongo Ya halako negun labaray Bappa'?" ¹⁸ Mahe kapatadad,"Apanen nehakab atena mawe nelna,'hokmonka'? Ita jadda pewekman apan ne I hadulkonna." ¹⁹ Ananaha napewen he Anahakodo Anahalolena kab atedad kapatango Labaranna, mane I hatokna labarada,"Hakka patta wumin nola yomdag tutna ne Hakab Ateg neba Weneg Tokya,'Hokmonka mayomwal jannahil dadmakka itewa Yawal; mahha dakkapil, hokmonka, neyom bam itewa Ya'? ²⁰ Nekka hepijango, Yagtokya labaram, yom dukgim hu mokka lol, tabollo napontanna nalla gebora; yom mayillamin, tabollo namma yillam naduknen dad lagahara lagebora. ²¹ Hawu namma winne ha ananan, ne i mayillanan orongo narah ha anana dukmowanka; tabollo pojakka na anana dad, ne i bulanan namma yillanna kabuto oro mayillanna hawuna to hadad mowanka nella pontanna. ²² Kahe domolngo yom podan mayilla bahenna, tabollo Yawal tobokka pihow monna atem nalla gaharra, majja nekmango hawu akto kajekeyya nalla gahara walla baram. ²³ Nona lodona, yomjamka patak mango apa ango Labarag. Neka hepijango, Yagtokya labaram, apadon nehakka rem nela Bappag wan Nangarag, ne Ina woneg labaram. ²⁴ Duk nebahenna, yom janekma hongo bam karre aha ango wan Nangarag. Karem, mayom hibba neyya tanam nalla gaharam kanna dukngoka bon ngo." ²⁵ " Yag dulko mowayka heyyo labaram wango litujja; rahna duknen Yajaghil dadmakka hanewe labaram wango litujja, tabolog hanewe newwa labaram wango ih ate tutnay Bappa. ²⁶ Atna lodona, yom karre nemin wan Nangarag, Mayya jagtokik mayya labaram Mayag reynog kawojo nelay Bappa tutkam. ²⁷ Orongo, Bappadag manawarra gimyom orongo yom manawarra mowagga Ya moha tenayya Neya bamma walgun labaray Bappa. ²⁸ Ya magun wallay Bappa mamowa wakka nella pontana; bahenna, Ya ujakka negun napontanna mobal labaray Bappa." ²⁹ Anahakodo Anahalolena hatokda," Bahenna Yo hanewe muraha ate majjahil wakmangka lituja piwal. ³⁰ Bahenna, yamma pewen Neyo pewen tangnga tangana majek ngoka to kapatango Labaram. Ne oroknan, yamma hatenayya Neyyo bamamun walla Kamawol Kamaray." ³¹ Ananaha balehanad, "Patenamka neyom bahenna? ³² Itekya! narahna nemen, mo nemenka labaram neppa hey heygim, iha iha bal nella haddowal dagda madda yelagga Ya mehha. Tabolo idoka, Yajag mehakma orongo ney Bappa Olegun. ³³ Hi tangkohada Yag tokiy labaram tanam nedalo Ya, yom dagmin mol ate. Nella pontana, yom podanen namma yilla, tabollo hakulhon na atem! Yagha boken napontana!"