¹ Ananaha hatokna,"Yadoka punge ANGGUR kahe pijango mo Bappa gunka kaha madiy. ² Tangngadda kahanganna Labarag jakkamang wuna, Letonad mo tangadda kahanganna kamang wunna, naha Murahad, tanam hekka kahanganna mangwuna reh dangay. ³ Yom pojja pijakka hamurahad orongo naliha nuwa hatok Mowag labaram. ⁴ Engam nedalo la Yayo Mayya nedalo layom. Hamera nenna kahanganna janna dadma wuyo walla pola to dagna, helengo yom engango nedalo la Yayo. ⁵ Yadoka punge ANGGUR mayom dokka kahanganna. Tangnganna to ka engango nedalo la Ya, ma Yawal nedalo iyo, ne i dukin wu dangalla orongo hilpongo walla Ya, yom janna dadma rayngo aha ahango. ⁶ Hawuna to janna engango nedalo la Ya, ne i letto nedan hamera kahangana mo dukin marokota; matto kahadan moda wewya nedalo la ap, mamutnan. ⁷ Neyom bam enga kango nedalo la Ya moheppa Neweg engango nedalo la yom, karem magba apakan nehakab atem, manenne naha wolgim labaram. ⁸ Bappag hamma nadadan wango hiyo, neyom bamang wu dangam mamolka, yom Anahakodo Anahalolegim." Li Preha Ananaha ne Hamma Nawara Wungo ⁹ "Hamera ney Bappa manawarra mowaga Ya, hedomolngo Ya manawarra mowagka; engamla dalo lamma Nawarag. ¹⁰ Neyom bamdokkad tangngada li Prehag, yom enga nemin nedalo lamma Nawarag hamera Neyya dokmowanka nali prehanay Bappa mo engango nedalo Lamma Nawaranna. ¹¹ Heheyyo Yagtokya labaram tanam nenna lagaha Rag nen dalo layom, tanam nenna lagaharam kanna bon ngoka. ¹² Yinna li Prehag: yom hamma nawara wuhom, hamera Neyya manawara mowa gimka yom. ¹³ Janek mango manawarra kareh bokolo ubwal nenna manawa ranna hawuna to kawoya nalolo ngahna tutda he ole atena. ¹⁴ Yom Ole Ategim neyom bamka rejjakan apan nepaha Rehagim labaram. ¹⁵ Yajaghil tokmamka yom tola umma orongo tola umma janna tajak mayya apan hakka rejanna nenna morna. Tabolo idoka, Yagtokim yom Ole Ate orongo tangkohada heppa Rongog wallay Bappa, Yagtok mowa gimidka labaram. ¹⁶ Jayom nekma kapiddewwa Ya, tabollo Yaneho kapide mowa molka pide mowamka yom tanam neyom kamha lako mokka mang wum, mohewum engadda malodongo magba apadon neyom hakkarem wallay Bappa wan dalo Nangarag, ne Ina wogim labaram. ¹⁷ Yi idoka nali Prehag: Yom hamma nawara wuhom!" ¹⁸ " Nenna pontanna butkag, yom tajayya napontanna nabut mowa gakka Ya bajjanna buthog. ¹⁹ Neyom bawal lapon tanaw, tubana napontanna namma nawaran dag hijanna; tabollo orongo yom bajjawal lapontanna, tabollo Ya pidde mowamka walla pontanna, oro ba idoyka napontanna butgim yom. ²⁰ Apekiy panewe heppatok mowagug labaram: 'Hawu tola umma jannareh bokolokma ubwal morna'. He i badda hamma yilla mowa kawwa Ya, he idomol daha mayillanem yom. He i badda dokkan nali Prehag, he idomol dadokgun naha newem. ²¹ Tabolo idoka, hetangngadda hedda raygimin labaram, orongo na Ngarag. Orongo, he i jadda tajak mayya ne I kaha wedewa Ya. ²² Neya Bajag makawwa mo tokiy hetangngadda nela barada, he jadda kolek mango dokjalla. Tabolo idoka nebahenna, he i jahil nekmangka ahada tutda hedok jalada. ²³ Tanganna to kabudga Ya, ne idomol budnan ate na Bappag. ²⁴ Newettoda Ya jagka rejjakmad nola jongada iyo ray ulla jaharay memadda toha wadeka, he idomol janek mango dokjalada. Tabolo nebahena, he ida ite mowaka tabolo engango budga Ya moy Bappag. ²⁵ Tabolo, naliha nuwa kamma tulho dalo la Ukpattada iyo dapon hoya: 'He ida budga Ya jamang ahango.' ²⁶ Nekamma Tul banna makka, nepaha Wedeg labaram wallay Bappa, nena Wadkatena kawalngo lay Bappa, ne Ina talaran tutug Ya. ²⁷ Mayomwal talara domolin orongo yom ole mowagga Ya walka wungango."