¹ "Na atem ab alha hangam, hatenag labarra Kammawol Kammaray, patena domolig Labarag. ² La umma Bapag dangalla haddo; bajja hekanna, Ya enga dulko mema gunka labaram orongo Yag halla kowa nehawu haddo dagum. ³ Manne Bagha lako kawwa mahha gonag hawu haddo dagum, Yag bal pikwa mamma rongagim Labarag tanam lagge Neya edo dog, yom domol kanogim. ⁴ Yom tajja neya nella haddo edo Halakog." ⁵ Maha legel yakay Tomas hatokna Labaranna,"Mori, yamma jamma pewekman lagge Neyo edo halakom, aha nyina yamma bamma tajayya nena larra?" ⁶ Ananaha hatokna labaranna,"Yakka nalarra, katena moka morho. Janek mango hawu akto kamma labaray Bappa, bajja ledeg Ya. ⁷ Neyom bam tajja mowa wakka Ya, yom domol pewe mowa minka Nabapag; halege neba henna, yom tajja mowa yakay Bappa mone Iyom ite mowa yakka." ⁸ Filipus hatokna Labaranna,"Mori, ney Bappa patingo gaman labba ramma, manne tutngoka yama." ⁹ Ananaha balehana,"Filipus, madde pijakka Ya bag oleg yo, mayyo jam pewe alak mahoga Ya? Garran ka ite mowa wakka Ya, ne iyo itte mowa nankay Bappa, aha nyina yom bamha newe hem,'Hatingo gaman ney Bappa labaramma yamma?' ¹⁰ Maneyom jamha tenak mawwa Ya banegga dalo lay Bappa maney Bappa nen dalo la Yayo? Heppa newe heppa tokig Labaram, Yajag tokikmay walla pola to Dagug, taboloy Bappa ka engango dalo la Yayo kapaha lakoy hepakka Rejanna. ¹¹ Patenam Labarag, mane Ya negga dalo lay Bappa moy Bappa nen dalo la Yayo; banna modahe, patenay orongo hepakka rejja dag. ¹² Nekka hepijango, Yag tokgun labaram, tangnganna to kaha tenna Labarag, hepakka rejja Harayig, ne idomol nakka rejay; he pakka rejja kareh bokola walhe tangada orongo Yag halakowwa lay Bappa. ¹³ Magba apakan hakkarem wango dalo la Ngarag, Hegka rejaned tanam ney Bappa kamma nadango nedalo la Anana. ¹⁴ Nebam karekam magba apakango Labarag wan dalo Nangarag, Neyag raynen. ¹⁵ "Neyom bamma nawara kagga Yayo, yom doknegad tangad li Prehag. ¹⁶ Yagka rekawwa labaray Bappa, mane I nawogim labaram ka Olegim hawadeka, tanam ne I kanna ole hakitagim, ¹⁷ nena Wadkatena, jappa hibadda pontana, orongo napontana janna itek mayya Iyo molka pewen Iyo; taboloyom pewen ne Iyo orongo ne I enganna olegim ma enga nenna nedalo layom. ¹⁸ Yajagdad nekma ujakkagim yom kahengo lakeda analalo; Yagma pikwa labaram. ¹⁹ Jannahil madek makka, napontanna jaddahil itek pikwa makka Ya, tabolloyom itte newwa Ya; orongo Yag morhowa, yom domol morho domol. ²⁰ Atna lodona, yom pewenen mane Ya negga dalo lay Bapp, mayomwal negim dalo la Yayo, ma Yawal nedalo Layom. ²¹ Garakan kahha monogad heli Prehag mo kappa halakoy, ne i manawa nagga Ya, manena to kamma nawa ragga Ya namma nawara domolin nenna Bappag, Mayya domol manaran iyo may Yag hadedo Wug labaranna." ²² Yudas, jakka Iskariotngo, hanewenna Labaranna,"Mori, ahanyi nenna Yoyyo bamha dedowum nella barramma yamma majjalla pontanna ne?" ²³ Ananaha baleha moha tokna labaranna," Naha wunna to banna manawarra kagga Ya, ina dokgan naliha Nuwag; mona Bappag namma nawaran iyo, ma Yamma nemme gamma ma labaranna mo engango olen. ²⁴ Tabollo idoka, to jakka manawa ragga Ya, mo janna dokmagan nali Hanuwag. Mona liha nuwa neha rongom jawal manna Labarag, tabollo walna lay Bappa kaha wedewa Ya. ²⁵ Hetang kohada Yagtok mowayka labaram kahe kallango Ya bag ole hogim. ²⁶ Tabollo idoka, neka Tulngo, nena Wadtengngo, ney Bappa paha wedena dalo Langarag, ne Ina hanuwag tangnga tanganna labaram, mona ha apeg hella tangkohada heppatok mowagug labaram. ²⁷ Mol ate Guha engan olegim; mol Ateg Guwogun labaram, janna hamerakma hawo napontanna Nehawog labaram. Abum halokon na atem gelagoga molka geddo. ²⁸ Yom rongo mowa yakka Neyabag tokya labaram,' Ya halako gunka, Mayag ma piwwa labaram.'Neyom bamma nawara kagga Ya, yom lagaharam orongo Ya halakogun labaray Bappa, orongoy Bappa nareh bokoloho walla Yayo. ²⁹ Yagtok mowa gunka labaram nebahena hetangngad bajanna dadho tanam he banna dadka, yom kamha tenna. ³⁰ Yajag hanewe hadangak mango labaram orongo he kapareha pontana tongroda ma. Ne I janna preha nekmawwa ya langka hokka Labarag. ³¹ Tabollo idoka, tanam nenna pontanna kanna tajayya Neya bagama nawaraniy Bappa, Yag rayin katuba kahengoy Bappa paha rehanna Labarag. Kodekka, madakka kadda halako walhena."