¹ Bajjadukhon narahna Lodohor, Ananaha natajayya nena Rahna duknanka mane I ujakka nanka yinna pontanna labaray Bappa, pojakka hama nawarad hepa Dagna mehana nela pontana, ne I nama nawara iyo dukngo ladikrah. ² Tongrongo bamu huddo banna halako, namortana natamakka la atenay Yudas Iskariot, anay Simon, ne jekke bedoyya Ananaha. ³ Ananaha, nebanna tajja yakka nena Bapanna nawo mowayka tangnga tangana nela Limanna, mane I bamanan walla Kamawol Kamaray, ma balnan nela barra Kamawol Kamaray, ⁴ Ne I dedenan walne badda mu huddo manna halin Naborna, manna jekeyya nena kabba doha manna pingon nela Bogena. ⁵ Maha legeya, ne Ina biwngo we nela hawu tarobo manna halegeyya bahay he witda Anahakodo Anahalolena ⁶ Madukngo, ne I duknan nela baray Simon Petrus mane iha tokna labara Ananaha," Mori, Yom bahagad witig?" ⁷ Ananaha balehana maha tokna labarana,"Apan neha Rayig, yomjam pewekman nebahena, tabolo nemurna yom ubum tajayya." ⁸ Petrus hatokna, "Yo jannadad memakma bambahagad witig!"Ananaha baleha, " Neya bajag baham yom, yomjam kolekmango hadagum nedalo la Ya." ⁹ Simon Petrus hatokna Labarana," Bahekanna Mor, ab ibelekay witig, tabolo domol limmag moka tokug allag!" ¹⁰ Ananaha hatokna labarana,"Toka iho mowa witna ihe ha bahanna, tabolo pojaka hamuraha kohay. Yom muraha mowaka, tabolo jatang kohak mango wallayom muraha." ¹¹ Orongo na Ananaha natajayya neka jekke Bedoyya, idoyka oroda Mawenna tokya,"Jatang kohakmam wallayom muraha." ¹² Manenne, pojaka na Ananaha banna bahay witda he Anahakodo Anahalolena, tahha balya Naborna, manna bal laha Donna, ne Iha tokna labarada iyo,"Neyom tajayya apan neha Rayig labaram? ¹³ Yom tokwa Ya Gur monno Mor domol. Nena tubba orongo Ya Gur monno Mor. ¹⁴ Mane Ya, Mor monno Gur, bahha mowa midka witim, yom domol ha bahha wuhom witim. ¹⁵ Orongo, Yagwo mowa gimka tujja labaram tanam neyom alla rayin kahengo neha Rayig labaram. ¹⁶ Nekahepijango, Yag tokya labaram, hawuna tola umma jannareh bokolo nekma ubwal nela morna, modomol hawu nato pahawede jannareh bokolo nekma ubnekaha wedeya. ¹⁷ Maneyom bamtajakayka hitangngadda, yom maringngo neyom bam raykan. ¹⁸ Yajag dulkok mayya tutkam neyom tangkoham. Yag pewen magba garakan hepa pidde Mowag, tabolo yinna lihor ponhoya,' Toka mugan Nakababag nakeketa mowawka na ir wayna nela Barag.' ¹⁹ Yag tokgun nebahena, hetangngadda bajanna dadhoy tanam hebanna dadkay, yomkam hatenayya mane Yadoka ne Iyo. ²⁰ Neka hepijango, Yag tokya labaram, tangnganna to kahibay to hepaha Wedeg, hibawa Yayo; mahe toka hibawwa Ya, hibayya Iyo kahawedewa Ya." ²¹ Pojakka Ananaha banna tokhen, ne I janna kadaha rakmakka dallo lawad Tengngo neha tajanna, "Kahe pijja pijango Yagtokya labaram, nahawu walhena lajongam nama laja negga Ya." ²² He anahakodo anahalolena pahora hora wudad iha iha mojadda pewekmanka tutna ne Iha dulkona. ²³ Hawuna Anahakodo Anahalolena ngodo hodde belle lakurna Ananaha. Idoka na anahakodo anahalolena hamma nawarra pijanna nenna Ananaha. ²⁴ Mahalegeyya, Simon Petrus nawon tadko labaranna nekanna kapatan nela Ananaha tutna ne garan ne Ihakab atena. ²⁵ Manenna anahakodo anahalolena kahode lakurna Ananaha kapatango Labaranna,"Mori, garan nenna to?" ²⁶ Ananaha baleha,"Nenna to idoka nella baranna Eddo wogud hika dipko baba, Ananaha wo nella baray Yudas, ananay Simon Iskariot. ²⁷ Mapojakka ney Yudas hibayya nenna kababa, Namortana natamanka. Ma oronanka, Ananaha hatoknan labaranna,"Apan neha rayim, raymemanka bahenna!" ²⁸ Jaha wukma to walhella iyo hekka tongrongngo muyo tajayya aba nenna Ananaha tokhennan labaray Yudas. ²⁹ Hawu duyo walhella iyo hangadada orongoy Yudasya kaketen nenna haburra omaha imatok henna na Ananaha labaranna,"Kahihka ne apa apan nekab ateda tutna nalodo hor," molka tanam kanna wod ba apan nella barada to milla. ³⁰ Manenne, pojakka hibay heka baba, Yudas lohonan lahabalhod no memma; manonna huddo nanka. ³¹ Pojakkay Yudas banna yelango, Ananaha hadulkona,"Nebahenna ika narahna Ana Kadad To bahamma nadan ma Kammawol Kammaray hamma nadan ledena Iyo. ³² Kammawol Kammaray bahamma nadan ledena dalo la Iyo, Kammawol Kammaray domol nahamma nadan Iyo nedalo lapola Tonna, manne Iyo damma lewarra hamma nadan. ³³ Nebag Anagim, Neya bag olegim hoddi monka. Yom nemma yega nehingga Ya, kahengo atha dulko mowag nella to Yahudi, nebahenna Yag dulko mowa allagun labaram,'Lagge Eddo halakog, yom janna dadma bam mam.' ³⁴ Hawwu nali preha ba Yag wogun labaram, neyom kam hamma nawarra wum, hamera Neyya bag manawarra mowagim yom, kahe domolngo yom hamma nawarra wum. ³⁵ Bahe kangka, tangnganna to datajja neyya maneyom ba Anahakodo Anahalolegigum, nebam hamma nawarra wum." ³⁶ Simon Petrus kapatanan na Ananaha,"Mori, legenne Neyyo edo halakom?" Ananaha baleha nan,"Laggenne Edo halakog, yom janna dadma bamdokka Ya bahenna, tabollo nemme la yom ibam dokga Ya." ³⁷ Petrus kapapin Labaranna,"Mori,aba neya janna dadma dokug Neyo bahenna? Yag woneya nalolo ngahug tutkam Yo!" ³⁸ Ananaha balehana,"Yo womun nalolo ngahum tutug Ya? Neka hepijango Yag tokgun labaram, man janna kukuk mahoy yo badda hadol moga Ya bam jeddo."