¹ Nommo lodo bajja dukhon narahna Lodo Hor, Ananaha halakonan la Betania, edo donnay Lazarus, ne I paha kode mowanna walla mate. ² Nohabal, daha gona mowanka hakulla hudoya dagna Ananaha; may Marta tongronna hanetngo, tabolloy Lazarus i nahawu natto walhela iyo kangoddo nella aro olen Ananaha. ³ Mahalegeyya, Maria jekke hakab kobba minynya Narwastu dohha kabuto wolna, malodongo oran nawitna Ananaha mohamma yarran wan logena. Manenna umma nabonngo bo langtona nena minynya. ⁴ Tabollo, Yudas Iskariot, hawuna Anahawedena, nekka woho kayya Iyo, hatokna, ⁵ "Abba nenna minynya bo burata ne jamma lajjan nekka wolnan tolngah DINAR makka woy nella to milla?" ⁶ Ne I tokhenad oro ne i jamma nawarra nekmanad heto milla, tabollo, ne i baha wuyya tokek, orongo ne i ngodnan kalek omaha, ne i nadom makka jekke juwwa omaha hepaha tamadda nedalo lapat. ⁷ Malodongo, Ananaha balehanna,"Halokonka nenna mawinne, ne inna nappa hadayya neppa gonna nan nebada Tan Ga. ⁸ Orongo, to milla doma nengo bam ole juad, tabolo Ya janna engak mangngo bag oleg. ⁹ Hekka dangalla to Yahudi badda rongoya nena Ananaha banen la Betania, he i halakodad at habal, ja oro i belekma na Ananaha, tabollo domol hakab ateda iteyay Lazarus ne I paha kode mowanna walla jonga toka mate. ¹⁰ Lodongo, tohanet bokolo kujlodan nekaha matte domol yay Lazarus. ¹¹ Orongoy Lazarus, dangay to Yahudi he i ujakad iyo mahha tenna nela Ananaha. ¹² Dellango natanna, to danga kadokngo nella tun, nebadda rongo yakka manenna Ananaha nemenan malla Yerusalem, ¹³ he i jekedad ro PALEM mahha lakko lahabal hok lotobo kayya Iyo mahha leggenan hanewe,"HOSANA! Daha maringin Iyo kammayo wanna nangaranna Mor, Ngora To Israel!" ¹⁴ Pojakka hakolen nahawu na KELEDAI bod, Ananaha ngodonan laponna, hengngo kamma tulho: ¹⁵ "Abum kabohka, he bowinne SION! Itekya! Nangora Tom manan, ngodonan nedeta lapon KELEDAI bod," ¹⁶ Kawunganna, he Anahakodo Anahalolena jadda tajakmay hetang ngadda, tabollo nena Ananaha badda hamanadayya, he iyo ubda tajayya bahe tangkohadda datulho mowayya tutna Iyo, mahe iyo daray mowadka hetangngadda tutna Iyo. ¹⁷ Manenne, hetto kamma rongan nenna Ananaha ne I banna kamakon ney Lazarus lohongo walla rate mahha kodeyya ne i walla mate enganna tokya. ¹⁸ Ne orok nanka, dangay to tobo kayya na Ananaha orongo he iyo badda rongoyya ba Ikka karay mowan ne jakka moda. ¹⁹ Mahe to kawohoka hanewe dad iha iha,"Yom iteyya, apan neha kujloda janna dadma. Itekya, tangkohanna pontana dadok mowanka ne Iyo!" ²⁰ Nonna, ne alad heto Yunani nola jongada i kahha lako ne lokka wojo nella lodohor. ²¹ He i lodukdan ney Filipus, kawalngo la Betsaida nela Galilea, mahha tokda labaranna,"Mori, yamma kab ateman tobo kayya nena Ananaha." ²² Filipus halakonan lotoknan ney Andreas; lodongoy Andreas moy Filipus halakko lotoknan nena Ananaha. ²³ Ananaha he ina balehay,"Narahna dukmowanka tutna Anna Kadad To nehamma nadan. ²⁴ Neka hepijango, Yag tokya labaram, helengo nenna wat kamogeha kanad nella tanna monna matte, nena win enganna bahawun; helengo nenna win banna matte, ne i mangdangana wunna. ²⁵ To kamma nawaran nangahna, naporhoyya nangahna, tabollo to jakka manawaran nangahna yilla pontanna, nakka rawo neyya lamorho jakaman dukango. ²⁶ Hawuna to naha netga Ya, ne ina dokhoga Ya; lagge Neya edo dog, lano domol edo dog Hanetngo; hawuna to hanetga Ya, ha Bappa ne i naha akan. " ²⁷ "Nebahena, Nangahug janna kadaha rakma. Apanen neha Tokig? ' Bappa, hatolkoga Ya walyiba henna?' Tabollo idoka, oro tut yikyakka nebag Mawwa nebahena. ²⁸ Bappa, hamma nadan Nangaram!" Lodongo, rongoyya nalli kawalngo la Hoylo,"Yag hama nadanka Nangarag ma Yag hama nada pidon." ²⁹ To danga kadede nonno karongoyya dulkodan manenne puny kagurkoyya, tabollo heha wadeka hatokda, " Hawuna Anahawedena naha newe mowakka Labaranna!" ³⁰ Ananaha balehana moha tokna, " Nenna li barongoyya jatut Dagukmagun, tabollo tut dagnemin yom. ³¹ Bahennakka, doldad jalla tenana yinna pontanna, bahenakka kapareha pontana badda wugay. ³² Manne Ya badda hamma detagga yilla pontana, Yagting kohay hetto tangkohada Labarag." ³³ Ananaha dulkoy heyyo neha tingonan ne matte aha nyinengo ne I banna matte. ³⁴ Hetto danga ne I balehadan,"Yamma rongo mowa yakka walla Ukpatta manenna Ananaha enga hakittanna banen koha anamur; aha nyikkanna Neyo bamtokya,' nena Ana Kadad To ba hamma detahon?' Garanen nenna Ana Kadad To?" ³⁵ Ananaha he ina balehay,"Hokpi mokka nena Magakahha banen olegim. Halakomka nena Magakaha banehon tanam nenna kapogto abna prehaw; orongo to kahha lako nedalo laka pogto janna pewekman lagge ne i edo halakonna. ³⁶ Tongrom nena Magakaha bam dagun, patennayya nena Magakaha tanam neyom kamdad ba ana nagim Magakaha." Pojakka hatok hey, Ananaha halakonan pahil wunna walhela iyo. ³⁷ Magba na Ananaha naray mowangka dangalla tadko jamoda nela aroda, he i engada jaha tenna Labaranna. ³⁸ tanam kanna bonkangka hanewe paha dukna ney Anawitnay Yesaya,"Mori, garaned kaha tenayya ne pahadukma yamma? Manella garra baranna limmanna Mor edo hatingon? ³⁹ Idoyka orona, he i janna dadma hatena orongo Yesaya domol hatokna, ⁴⁰ " He I naha morodad matada mo hakka tudad ateda, tanam he i abda ite wango he matada moda taja wango wanna ateda, modakka balwango dukngo Yag hatogahad he iyo." ⁴¹ Yesaya natokiy hi tangkohada orongo ne i na ite mowa yakka nama nadana Ananaha manne i hanewenan tutna Iyo. ⁴² Magba domol, dangnga domoliy kapareha kaha tena nela Ananaha, tabolo orongo kaboh hella to Kawohoka, he i jaddatok pahiwrokman orongo kaboh daka heluy nela uma dokawojo. ⁴³ Orongo, he idareh bengo hibayya nama nadango walla kadad to ub mana dango kawalngo Lakamawol Kamaray. ⁴⁴ Maha legeya, Ananaha kawulonan, Hatokna,"Tanganna to kaha tenna Labarag, jakka hatenna Labarag, tabollo nella I kaha wedewa Ya. ⁴⁵ Matangnganna to ka ite mowa wakka Ya, na ite mowa yakka Iyo kaha wedewa Ya. ⁴⁶ Yagma mowa wakka ledena Magakaha yilla pontana, tanam tangana to kaha tena Labarag abna engango dalo laka pogto. ⁴⁷ Hetto badda rongogan Hatokig, tabolo ne i janna dokukman, Neya jag dolukman jalla iyo; orongo Yag mawwa jatut hajalak mayya napontana, tabolo tut hatolkon napontana. ⁴⁸ Garan katulla ragga Yayo mojakka hibagad Hatokig, manena linnamor neha Tokig naha jalayya iyo nemme lakaweda tana. ⁴⁹ Orongo Ya jagha newekmawwa dokngo habbe Dagug, taboloy Bappa kaha wedewa Ya wogga li Preha tutna apa nehon Hatokig moha Dulkog. ⁵⁰ Mayag pewen tutna li Prehana tut morho jakaman dukana. Oro idoyka, hepa Tokig, Pahadukig hengo patoknay Bappa Labarag."