Matenai Lazarus ¹ Neni na hawu lakeda kabani ka kalawara, ngaranai Lazarus wali la Betania, haronai Maria mono angmawinena,Marta. ² Maria yiyo mawinne kalongaha kali hawelengha naddi witnai Maroba Yesus wango welengha bo burata mono aboradi wit-Na wango logena, yina olebe kabanina,Lazarus,atnana bana kalawara. ³ Oronngo nana, kadungo ka ha angmawinengo da hangodin li labara-Na, kawengo, "Mori,yina to hamanawaram Yoyo kalawaranani." ⁴ Taidoya, nei Maroba Yesus bana rongoya yina liyo, I wenena,"Nana kalawara jaha mate dongakmaya, tabolo na hadedon kawojo kataba nai Maroba Allah tonam Anai Maroba Allah kakawojo katabani ledena." ⁵ Maroba Yesus na manawarani Marta, mono olebe mawinnena,monoi Lazarus. ⁶ Mo iyaka, Maroba Yesus bana rongo yitui Lazarus bana kalawara, Iyo na hawinni na engango du lodo walli la padoyo Iyo padonna. ⁷ Pojaka nana, Maroba Yesus wena labarada lakeda pahawede-Na, "Ma kada halakowali la Yudea." ⁸ He lakedana weneda labara-Na, "Mori, he to Yahudi jana madekmaho bada kawukro kama wewuya bawedagu Yoyo wag watu, engadojalahongo Yoyo bam halakow habali?" ⁹ Maroba Yesus nabaleha, "Ja kabullu du weker kado ne diha lodo?nena hawu to bana halako wakango lodo, jana widdakma orongo bana ite magakaha ponu tana. ¹⁰ Taidoyaka, nena hawu to bana halako wakango huddo, na widda orongo nena magakaha janekmango labarana." ¹¹ Koleka bawenai Maroba Yesus, Iyo wena labarada,"Oleda ida, Lazarus,da majurka,tabolo Yayo halakowa hakodeyi he iyo." ¹² He lakeda pahawede weneda labara-Na, "Mori, ba bodaha majurkaka, iyo togahayaka." ¹³ Maroba Yesus ba dokkani patokina tuttu matenai Lazarus, taidoya lakeda pahawede pahawodda Iyo patokna tuttu majurru ne ngahu nani hawengo. ¹⁴ Orongo nana, Maroba Yesus wena bana palurhoya labarada heiyo," Lazarus na mateka, ¹⁵ mono Yayo na ege ategu oro habemmu yoyo, Yayo janekmaga habali tonam kam hatena. Ma iyaka, ma lada halako labarana." ¹⁶ Mowalka, Tomas,Didimus hawengo, wenena labarada he lakeda pahawede hawadeka, "Ma kada halako jalla ida tonam kada mate donga-Ni." ¹⁷ Kole bana dukki Maroba Yesus, na dukini Lazarus bodda longaha dalo mowayaka la watu hodi ka pato lodongo. ¹⁸ Loko Betania banedunni kabullu lima ngo stadia marongo wali la Yerusalem. ¹⁹ Dangai to Yahudi ka badda logaha mayo tobokaya Maria monoi Marta, kama hamageboradi heiyo tutnaa yina ole beda. ²⁰ Kole badda rongo Maroba Yesus ba nemeni, Marta na halako mono na tok-Ya, taboloi Maria na engango la uma. ²¹ Marta wenena labarai Maroba Yesus, "Mori, ne atnana Yoyo baneheg hena, ole beggu enga jana matekma. ²² Taidoyaka, nebahena yayo tajaka langka ahakan pakarem Yoyo wali lai Maroba Allah, Maroba Allah nawoyo labar-Mu." ²³ Maroba Yesus wenena labarada, "Olebemu na kode." ²⁴ Marta nabalehaya Iyo, "Yayo tajaya ne bana kode nala lodo pakode hadukka doyo." ²⁵ Maroba Yesus weneda labarana, "Yadokala napakode mono na morho; garakan kapatena labara-Gu, na morho loko bana longaha mate, ²⁶ mono ngaradukkada to ka morho mono ka patena labara-Gu jana hil matekma. Engam hatenakakya yiyiyo?" ²⁷ Marta wenena labara-Na, "O Mori, yayo patenawa ba Yoyoi Kristus, Anai Maroba Allah, kamala ponu tana." Maroba Yesus Na Huyo ²⁸ Koleba wenaka nana, Marta nahalako mono kamakoni Maria, angwinena, mono wenena tutna pola tonna, "Mori neni hena mono na I kamakogu." ²⁹ Narongoyaka nana, Maria na kode mono tobokayai Maroba Yesus. ³⁰ Tongro nana, Maroba Yesus jana dukho la kalibbo, tabollo la pado tobokana-Ni Marta. ³¹ He to Yahudi ka oleni Maria nala uma, kahamageborani iyo, iteyai Maria bana kode mono halako lohongo; he iyo da dokuni iyo orongo pahawoda iyo na halako la watu hodi lo huyo habali. ³² Kolebana dukki Maria la padonai Maroba Yesus, na iteyai Maroba Yesus mono na kadukto la wit-Na, ma wena labara-Na, "Mori, ne Yoyo baneheg hena atnana, oelbeggu enga jana matekma." ³³ Nei Maroba Yesus bana iteyai Maria kahuyo, mono he to Yahudi ka oleni da hu hadok jala,na kahugla Maroba Yesus dalo la Wad mono na marogo na atena. ³⁴ Maroba Yesus na kanukka, "Gini Lazarus do tanmini?" He iyo da balehaya Iyo, "Mori, ma hadoku mono iteyala." ³⁵ Maroba Yesus na huyo. ³⁶ Ma, he to Yahudi weneda, "Iteyala! Nena hada manawaranani Lazarus!" ³⁷ Taidoyaka, kapirango to la jongada, "Jana dakma I kalongaha bugerad matada to ka moro kana rayini Lazarus abna mate?" Lazarus Pakodeya wali la Mate ³⁸ Ananaha, kaha dakka pikngo kanguro dalo lapola Tonna, halako nela rate. Nena rate hawuya lingo, mahawu nawat bojolayya ton ya. ³⁹ Hatokna Ananaha,"Pahilpon nenawat!" Marta, ole benna nenato kamate, hatokna Labarana, "Mori, bahena tubana nengo bo kahito orongo ne i namate mowaka pato lodo madena." ⁴⁰ Ananaha nabale haya iyo,"Jaktok mowa gunka iyo labaram maneyom bamha tenakka, yom ite neya manadana Kamawol Kamaray?" ⁴¹ Manenne, he ida keketayya nena wat. Halege yakka, Ananaha MENENGADAH maha tokna," Bappa, Yag BERSYUKUR nella Baram orongo Yom rongo mowa wakka Yayo. ⁴² Yag taja jayya Neyom rongo juawa Yayo, tabolo orongo hetto kadede nella Barag, Neyag tokiy heyyo tanam he i kadda hatenaya Bayoka kaha wedewa Yayo." ⁴³ Pojakka hatokiy heyyo, Ananaha kangura wango lika wodkalla," Lazarus, lohongka!" ⁴⁴ Nenato kamate mowa lohongo, limma mo witna enga honna mapingo kaloro kabba, manna mattanna enga honna maton kabba kaka. Ananaha hatokna nella barada, "Halid he kabba walla barana mahha lokon ne i kanna halako." ⁴⁵ To Yahudi kamma lodukiniy Maria, ma iteyya apan haray mowanna Ananaha, madukngo hatenna Labaranna. ⁴⁶ Tabolo idoka, hawu du walhela iyo dukdad hetto kawohoka mahha dukkin nela iyo apan haray mowanna Ananaha. ⁴⁷ Mahe rato hanet bokolo mo toka wohoka raydad makoha SANHEDRIN mahha tokda, "Apan nehha rayda? Orongo, yinna to rayngo dangalla tadko jakamoda. ⁴⁸ Ne ita badda jejuan ne I yikka hejuango, tangkohanna to patenna nedad Labaranna mahe tola Roma nemedad mayo nekka raman yinahha do mohe todda. " ⁴⁹ Tabolo idoka, hawuna to walhella jongada kangarangoy Kayafas, kadad tohanet bokolo nonna, hatokna nela barada,"Yom janekmango apa apango pahatajam, ⁵⁰ mobam hangadda hen nareh dohha neho hawunna to mate tut tangkohanna to, ub tangkohana to dukngo jalla. ⁵¹ Ne I janna tokmayya walla pola to dagna, tabolo neba to Taghanet Bokoloyya nonno, ne ina tokya Ananaha namattenne tutda hetto. ⁵² Majja i belekma hetto Yahudi belle, tabollo domol nekka kohay dad hawwu ananna Kamawol Kamaray hatka tanya larra. ⁵³ Ma, walnakka nona lodona, he i pohto danka nekahha mateyya Ananaha. ⁵⁴ Orok nanka, Ananaha jannahil halakok makka neha tingngo wungo nola jonga to Yahudi, tabollo ne I yelanan walno atlakka lingorra maroda gilro nela hawu harona kangarangoy Efraim; mane I engana habbal oled he Anakangotena. ⁵⁵ Nonna, Lodo Horda to Yahudi nadohekka, ma dangalla to walnonno halakko la Yerusalem bajja dukhon narah Lodohor neha murahad he pola todda. ⁵⁶ Malodongo, he i mayegadan na Ananaha madda hanewe ihha iha mahe i dagwal dededad nedalo la Umma Kamawol Kamaray, he i hakka patta patta wudad,"Aha nyinna pahha ngadam? Manne I jannahil mahing mangka yi lala gahara lodohor?" ⁵⁷ Mahe i wal heto hanet bokolo motto kawohoka dapa lohoyakka nali preha maba nekango hawu to katajayya lagge ne I edo donna, nena to natok nehoyya tanam he i kadda wopayya Iyo.