¹ Lodo kawungango atna migna, Maria Magdalena kukman marro halakonan atla ratena Ananaha, banna kapogto hongo, badda iteya wat ton rate dappahil yakka walnella rate. ² Mane i planan lodukiniy Simon Petrus mohe anahakodo anahalolena hawadeka hamma nawaranna Ananaha, mahatoknad labaradda,"He ida jeke yakka Namor walla rate, mayamma jamma tajak mayya he i edo Bojolodan." ³ Maney Petrus molka he anahakodo anahalolena heha wadeka halakodad hella rate. ⁴ He ika dungo pla dobbadad, tabollo he anahakodo anahalole hawadeka pla reh bongata ubwal nelay Petrus madukngo ne i dul ul nella rate. ⁶ Mapo jakka, Simon Petrus manan dukid iyo, manna tamma nedalo larate mane ina iteya kabba doha pakka boro wayo mawidalla nohabal. ⁷ Mona kabba paton wanna matanna kaboron naka tokna Ananaha janna mawida lakma olen nenna kabba doha pakka boro wango wananna, tabollo namma loptoka nella hado heka. ⁸ Maha legeyakka, anahakodo anahalolena hawa deka wananna, kaduk ul nella rate, datamma domol. Ina itey monaha tenna. ⁹ Orongo, nebajja nehongo kadad, he i jadda tajak mahoya Nahurata Hor, manenna Ananaha natolko habalho walla mate. Ananaha Hagakarra Wungo nella Baray Maria Magdalena ¹⁰ Mahe, kadungo anahakodo anahalole baldad la umma. ¹¹ Tabollo idoka, Maria dededad lahabal rate mo hudad. Tongrongo huyo, ne i gelokanan nedalo larate, ¹² mane i itenad kadungo anahawedena wango kalebbe kakka tongro ngododad nella haddonna karogonna Ananaha edo bojolodan hadak kanna. Nahawu ngodonan latabbarra katokna monahha hawuwal lahaddo witna. ¹³ Heka dungo anahawedena kapattadad labaray Maria," Mawinne, abayom mamhum?" Maria balehanan nenna anahawedena,"He iyo jeke mowa danka naka rogona Morig mayya jag tajak mayya lagge he i edo bojolodan Iyo. " ¹⁴ Pojakka bannatok hen, Maria gillakkanan laka bedo manna iteya na Ananaha dedenan nonno, tabollo janna tajak mayya neba ika na Ananaha. ¹⁵ Ananaha kapatanan labaranna, " Mawinne, abayom mamhum? Garan hamma yegam?" Orongo ne I hatanna katut kappa horan nenna mango, Maria hatokna Labaranna,"Mori, bayoka Mor kahadik Mowan, tokgan labarag lagge Mor edo Bojolomun, mayya kaglo Jekeyya." ¹⁶ Ananaha hatokna labaranna,"Maria." Maria domol gillakka nan mahhatokna Labaranna wango hanewe Ihanuha," Rabuni", hiwrona" Gur". ¹⁷ Ananaha hatokna labaranna, "Yom abum ketegga Ya orongo Ya jagha lakok mahowa labaray Bappa. Tabollo idoka, halakom labarra ole Beg mahe i dulkodan labaradda,' Ya halako negun labarra Bapag molla Bapam, labarra Kamawol Kamarayig molla Kamawol Kamarayim.'" ¹⁸ Maria Magdalena halakonan mallo tokdan anahakodo anahalolena,"Yag ite yakka Namor,"ma Ananakka katokiy hetang kohada labaranna. ¹⁹ Atna lodona hudongka, kawunga lodona nonna mig, mahe binna hadodda he anahakodo anahalolenna edo makohadda matoniy orongo he i kabohdad hetto Yahudi, Ananaha manan monna dedde nolla jongadda iyo mahhatol walna," Mol ate dagmin!" ²⁰ Pojakka bannatok henna, Ananaha hatingod limmanna monna Kabna labarada. He anahakodo anahalole dalla gaharra pijja he i badda iteyya Namor. ²¹ Maha legeyakka, Ananaha hatok piwalna labaradda, "Mol ate dagmin. Kahengo ney Bappa banna hawede mowa wakka Ya, hedomolngo bahenna Yag hawedem yom." ²² Mapojakka ne I bannatok henna, Ananaha he i hammaring nad moha tokna,"Hibayya Nawadtengngo! ²³ Neyom bamhawal kango dokjalanna hawu to, mahedok jalanna nennato hawalnad. Banekango to hedok jalanna bajam hawalkad, mahedok jalada jaha walmad." ²⁴ Tomas, hawu walhekabul dungo anahakodo anahalolena, Didimus hawel kadda, janekman oled he i na Ananaha banna mayo. ²⁵ Mahe, anahakodo anahalole hawadeka dulkodan labarana," Yamma ite mowa yakka Namor." Tabolloy, Tomas ne ihatokna labarada," Helengo yabag itey oro pako la Limmanna mobag hatamad karak limmag nedalo la orona nenna pako, molka hataman nalimmag nedalo Lakabna, yajag hatenak mayya. ²⁶ Podo pato lodo murna, he anahakodo anahalole balpidad makoha nella uma, maney Tomas he i ole dobadan hatokwalna,"Mol ate dagmin!" ²⁷ Maha legeyakka, ne I hatokna labaray Tomas," Hanyokatan karak limmam hehena ma itekiy Limmag; maha nyokatan nalimmam hehena mabojoloyya Lakabug. Abjam hatenayya, tabollo hatenaw!" ²⁸ Tomas balehayya Ananaha,"Ngo, Morig mo Kammawol Kammarayig!" ²⁹ Ananaha hatokna labaranna," Yobba henna hatena orongo yo bam ite mowa wakka Ya? Damaring kango he i jakka iteya, tabollo hatena." ³⁰ Dangahoy tadko jakka moda hawadeka harayna Ananaha nela aroda Anahakodo Anahalolena, jakka matulho yilla hurata hor. ³¹ Tabollo idoka, tangkohada hiba tulhoy tanam neyom kamha tenay manenna Ananaha idoka Namor Anananna Kamawol Kamaray, tanam ledena nenna hatenam, yom kolengo morho nedalo la Ngaranna.