¹ Olebeg, abdangaka nola jongam kadad gur orongo yom tajaya mane ita kaha nuwango daha jalada ne ukro kareh buto. ² Ita tangkohada mangjalada dalo kadangala. Banekango to jakane memango jalana dalo laha newena, ne i toyya katuba, kadad domol podwunan napola tonna. ³ Ita banadan rah nela woba jarra tanam he i kada dokda ita, ma itadomol podya tangkohana na jarra. ⁴ Itekiy he tenna tenna, magba he ida bokolo pijja moda hagedon wan rereha ka kulho, nena tenna dapodya heka ngodya kahoda morahak. ⁵ Kahe domolngo, naloma ika hoda moraha lapola toda, tabolo naloma nadad kawohowad heka bokolola. Itekya luro pijjana kadaw kamud oro ap kamoraha wik. ⁶ Ne itekya, hamera na ap, hawuna pontana jadoha, paha wonada nola jonga pola to kadad MENAJISKAN tangkohana pola to. Ne ina tunuy tangkohana aro morho ita tabolo ne idag datun ya wan ap jaboda. ⁷ Orongo, tangkohada tangnga ngara haranga uta, kawurngo, halako wangkab, heharanga kamorho labon damapo mo daha mapod he kadad to. ⁸ tabolo janekmango hawu akto kadad hamapon naloma. Naloma kaboka laya jakadad kadona, bonngo wun hamate donga. ⁹ Naloma iha wadda MEMBERKATI Morda mona Bapada ita, tabolo oro ne i alla wal ne i dapod to, paha hadana hamera nena Kamawol Kamaray. ¹⁰ Walla woba kahamera lohongo sakdeika mono pod. Olebeg, badokkan neja henekmanna. ¹¹ Mane hawu matta we nadad kado luango we kama golo moweka pok nerah kahamera? ¹² Olebeg, nadad kado yay ara mangwu Zaitun, molka yay ANGGUR mangwu arana? Kahe domolngo , namata we mohngo jana dadma mangwena weka mayogala doha. ¹³ Garan nola jongam yom kapewe moka taja? Magba nena hadana kadoha, ne inaha tingod hepa rayna dalo kamaw mola taja. ¹⁴ Tabolo, neyom bam mangkango hoq ate, kahito tepija mo hakamak meham nedalo la ate, abum kabobka mo abum kawohoka goban katena. ¹⁵ Nena tajja kahengo jabur waldetak manna, tabolo walla pontanana, jana langikma, mona bokala. ¹⁶ Bane kango hoq ate mokolen hajab ate meham, nonna nen jakadoha matangnga ngara haray jakadoha. ¹⁷ Napewe kamma waldeta, neka wungana tepijango, bengo manawara, maw ate, tok lurhoya, bonngo manawara, dohanek, jaha wate watekmango, jadoha detakma. ¹⁸ Katenaya pahobba ranna dalo lamol ate heka bengo mol ate.