¹ He olebeg, abum hatingon naha tenam dalo Lamorda kamanadango, Ananaha, neha wate watengo to. ² Bane kangngo to kamma nela uma doka wojom newango tawur omaha rara moka lebbe kabuto wolna, nerah kahamera, namma alla toka dengo kawango kalebbe metengo, ³ mayom won hamad kaheka hogngo nena to kawang kalebbe butowol maha tokim labarana,"Ngodow yila haddo kadoha," tabolo nela to kamilla yoha tokim,"Dedew nehabal!" monel" Ngodow nella barra witig!" ⁴ Mayom jaha wate wate kakhomun nola jongam yom madad prehay wango pahangada jakadoha? ⁵ Olebeg hamma nawarag, rongokiy! Mane Kamawol Kamaray janna pidedoy toka dengo neha itena pontana tutdad pote dalo lahatena mo keten naka lingora preha Kamawol Kamaray neha Ngona nela barada he i kamma nawaran ne I ? ⁶ Tabolo idoka, yom podyakka nato dengo. Majja to potedo ka MENINDAS kawerag nela kapareha madeta? ⁷ Majja ikak kapodya Nangara doha, oroknan yom badda pagelam? ⁸ Neyom bampaha lakokay na ukpatta kahapunge dokun Nahurata Hor*, ne" Manawarrakin na olem to hamera napola to dagum,"yom pahada mowamun katena. ⁹ Tabolo, neyombam hawate wate kango to, yom raymun dokjalla maha tingon neka layya na ukpatta tutna ukpatta. ¹⁰ Magba garakan kadokud tangkohada ukpatta, tabolo nadojalan dokun nahawu ak, ne i jalanan nela tangkohada. ¹¹ Orongo, Ikawenna," Abum paltoka wedomolna tokya,"Abum hamatew." Manenne, maneyom bajam raykan napalto, tabolo yom pamatew, yobada TELAH MENJADI PELANGGAR HUKUM ITU. ¹² Hanewe moraykin kahengo batow paha doldag jalla wango ukpatta hatolko wayo. ¹³ Orongo, nebada dolug jalla janna manawa rakmango nela to jaka hatingon nama nawara; manawara natalone nebada dolug jalla. ¹⁴ Olebeg, ahan gonna hawu to banna tokya ne imang hatenana, tabolo ne i janek mango harayna? Nadad kaddo nena hatena banna hatolkon? ¹⁵ Nena hawuna olebem mola winne janekmang kalebbena mokab atenan kalebe malo lodo, ¹⁶ mahawu lajongam tokya labarana,"Halakow dalo lamaring, magbaka na ihim namut wakango moboh wakango," tabolo yom jamwokman labarana apan hakab atena ihna, apad ne gonna? ¹⁷ Kahe domongo nahatena, nahatena baja dokkad heparay, pungena nena hatena matenan. ¹⁸ Tabolo, enga nengo to magara kawenena,"Yom manghatenam, mayayo mangha rayig."Mayag baleha neya,"Hatingon nahatenam jakamang harayna, mayag hatingon nahatenag wango haray." ¹⁹ Yom hatenaya nena Kamawol Kamaray hawuhen. Nena tenane. Wad wad japata domol hatenaya moda karekngo. ²⁰ He toka bonga! Yom wawak podan nena hatena bajjamang haray kango jamanggok manna? ²¹ Ney Abraham*, bapada ita, natenawan oro heparay ne ibana hamanutan ney Ishak*, anana, nedeta la aro ²² Itekya nena hatena karejja doba wadhepa rayna, ma oro heparay, hatenana natubawan. ²³ Pon kiyya apan hatokna la Hurata Hor*, Abraham patena Lakamawol Kamaray, mane dayapnan labarana katenaya," mane i weldan". ²⁴ Manene, yom iteya mawal hepa raykana, jawal lahatena belekma. ²⁵ Kahe domolnan, janey Rahap, natewan oro parayna ne ibana hibay to kaha tetngo walla Israel mahe i tulud pla kabuny ledengo lara heka? ²⁶ Menene, hamera kahengo nakarogo jamang ngahukmana matenan, kahe domongo hatena jamang harayngo ne matel.