¹ Gedo walna banna mayo nena patango moha berre berrengo kadad nola jongam? Nejja walkakna walla dadaram kapatango nedalo la polatom? ² Yom kab atengo ahango, tabolo jam kolekman, mayom hatamin moha berre berrengo. Yomjam kolengo orongo yomjam karekma. ³ Molka, yom karre, tabolo jakolen orongo yom wango hanewe kajalla, pon ya nena but atem. ⁴ He, yomka palto, jamtajak mahoya yom nebada ole aten nena pontana merak nanka badda muhun Nakamawol Kamaray? Manene, magba garakan kakab atengo ole aten nena pontana, ne i hadadnan napola tonna muh Kamawol Kamaray. ⁵ Yobam hangadan Nahurata Hor* tokya janna hapungekma,"Wadtengngo*nopaha wonana Kamawol Kamaray nedalo lapola todda ihakab Atena wang CEMBURU."? ⁶ Tabolo, Kamawol Kamaray wodda kanyur kareh widikho. Ne orok nanka, Hurata Hor hatokna,"Kamawol Kamaray gobad tokka elle, tabolo wod kanyur nela to kahali wawa wungo." ⁷ Ne orok nanka, woyakka napola tom nela Kamawol Kamaray. Goban naha jode, mane i naplane walla yo. ⁸ Dohek nela Kamawol Kamaray, mane Ina nadoheka labaram. Hamurahakid limmam, he to dokjalla, pahiwro kiya na atem, he toka dubungo atena. ⁹ PRIHATIN, mayilla, kaloluk, magba na maktom hajelngo dad kalol mola gahara dad mayilla. ¹⁰ Hali wawakin na atem nela aro Mor, mane I naha madetag. ¹¹ Angwu, abum tokkay kabokala tutna olebem, molka hajalay angwuna, tokya goban na ukpatta moha jalaya na ukpatta, moha jalayya na ukpatta. Maneyom bamha jalayya na ukpatta, yomjaka paha lakokmam ukpatta tabolo katagngo pohto jalla. ¹² Neha wuhen kawo Ukpatta moka dolngo Dokjalla, ne I kaha tolkod moka pudahay; tabolo gara negimyom madukngo yo hajalay olem to? ¹³ Nebahena, rongoya he yomka tokya,"Hena lodo molka meraha neyama halakoman yilla harona yiyo monenne, engango nohabal madena iha do, dagango, makolengo pa ut," ¹⁴ badok kangngo yomjam pewekman apan nekadad meraha. Apan gonna morhom? Nena morhom kahengo UAP kahuda hoq, maha legeya molaha. ¹⁵ Manenne, yom badokkan tokhoya,"Namorda bannakab aten, neyama mamorhone moray ulad hi mo hehabal. ¹⁶ Tabolo nebahena, yom kabob dalo la elem; kabob neka hengo kaboka layya. ¹⁷ Manenne, hawu nato bana taja kayya aha nyina rayngo kadoha, tabolo ja rayman, ne raynan dokjalla.