¹ Duru we iino'o nami Lahatala e uududunu mong eyknewe uukarang. ² Weseng uukarang om mi mong wede'e Kristus piring uukarang med yowaha yohiri a'lorong aboyl med tohadana yano'o uukarang med dang waloyn o maneme ma Lahatala o hadana. ³ Bo ha'ay we labi kro'o-kmayl ayrnu med maro'o aring dopo uubang didi jihe. Wede'e aring dopo nami m'dulung ani hama miyaha. ⁴ Ha'ay we mating kro'o matingpa'a yaha med panene aten binanta du'uyn aa nami no'odang dopo ara hama dang mi no'o le mahene we puyn. ⁵ Du'uyn eyle ii ahol abul-abulu wede'e nami yelobi, nami m'dulung dang med nami maro'o wuy ti a'aha duru eybisi kwasa du aa Kristus med Lahatala o pnene om mi dang. ⁶ Ha'ay nami dene iiara klu'uy ma mating lurung om mi na ahowo we uumating du eyle Lahatala ari'ing wayl med eyknewe ba no'o pnene yaha o hadana. ⁷ We, yuwunun ara o'bongmi wosong dang. ⁸ Turu mi iiring kuu-parang bo we do iiring du ma Tuhan o lele miang. Wosong o rupu mong wede'e lele eyknewe. ⁹ Wede'e lele o piri duru barrpi no'o, abulu-abulu, atino'o, ¹⁰ dan o piri lap ahol naba we Tuhan om ara hama. ¹¹ Ha'ay aaring med pnene aten ku'u-parang aring du aa o piri ta dang, aaboro o hing pnene aten du. ¹² Wede'e uubang na ayrnu ba yuwunun uukreyeng uu poro-poro di ano'o mala eyaha. ¹³ Bo barrpi wu hing du lele o lele du'uynhe dunu ahol. ¹⁴ Wede'e barpii du yano'o ara uulele. Duru eyle o uubang toho o iiring moling, tara. A'tele toho ma mini o ani hama mi ee du'uyn ee Kristus pa yolo med aaring ta. ¹⁵ We edunu uutra'a no'o tro'oyn uurng iiwosong ha'ay mong wede'e nami aholdang, ano'o omhulu. ¹⁶ Yel oyndo puyn no'o no'o wede'e wedhele lalmi oyndo yaha. ¹⁷ Duru eyle ha'ay we y'no'o bodo bo na ahol pnene toro urung Tuhan om alolo. ¹⁸ Ha'ay we anggur mi labowo dang wede'e dopo aa abuldang mi no'o le ma homi m'dulung we om mi. ¹⁹ Iiarmating Mazmur om mi, dala om mi, med dala m'dulung dala med panene dala uutra'ayn med Tuhan o'hadana ara om du alolo. ²⁰ Uubang uutara'ayn iiey masang-masang ma na ayrnu timi Lahatala o hada pi Tuhan Kristus Yesus om mi. TAYOM TAPAHANG MA OBO-LOTI OHADANA ²¹ Ni iiewar ma nu wa nu ohadan ma nu ohadana ma Kristus elmala elb'ros om mi. ²² Obo hining nun iiloti du ewar mong wede'e Tuhan o hadana du'uyn. ²³ Wede'e loti duru we k'pal ma obo hining ohadana mong wede'e Kristus duru jemaat o kpal duru obo'o ey duru yolo Ey teyl nami turu. ²⁴ Bo toro'oyn jemaat wa Kristus ewar du'uyn didi obo uyl-uyl yo loti ewar ma leleng ayrnu om mi. ²⁵ Iiring lotihining iibo'o du uukarang, mong wede'e Kristus jemaat uukarang du'uyn med yo bo'o didi alorong aboli med jemaat ohadana ²⁶ Ano'o m'dulung ohadana yuwunun yawili yahop yipuyn med ampa'a puyn. ²⁷ Doporow we Kristus jemaat atele med Yereng e yo m'dulung om mi o kro'o ardang, opongma'a yetrowi dang, med leleng den-den. Ee du'uyn ee jemaat ye'abulu med den oyaha ardang. ²⁸ Du'uyn didi iiring loti hihing uyl-uyl oo obo uukarang mong wede'e y'obo ukarang ey ba y'obo uukarang du, yobo bomo aaring uukarang. ²⁹ Du'uyn eyle nami oyolo yobo yohiri yowaha ebit he dang. Bo ey yo na uukri'ing uupa'a bala du'uyn he biasa Yesus ma yo jemaat ohadana. ³⁰ Wede'e piring oyndorowe O atang O ewe. ³¹ Duru eyle, nami lotihini yo yom atayn ohowe yo ob ara piri nu pa'a nu y'no'o no'o. ³² Na tawuni oyndo mati we na uubang dang. Iiaring ha mowo ma Yesus med jemaat om mi. ³³ Bo iiey lami he iing nu nu obo uukarang mong wede'e iibobomo iiuukarang med iiring obo uyl-uyl iiloti du ewar.