KRISTUS O BO'O PIR NU ¹ Ee duru eyle, naring nami ba spiri mi wede'e Tuhan eyle. IIring tu'uy, ee du'uyn ee weseng Amapa'a du alolo, bo iimedang ² IIom lama-lama, iiom bala lamoni, ii na troyo didi iiuuhama-hama uukarang ara om mi. ³ iikua'a du puyn kereyeng. Wede'e Roh du pa'anu duru eyle uuntu weseng om du mi, ⁴ wede'e t'waha pirnu woy med homi m'dulung didi pa'anu mong wede'e aaring du arahama iiolowi nami uudumi iilowi pa'a eyle. ⁵ Tuhan pirnu nu uudumi, baptisan nu ⁶ Lahatal pir nu med pi barrpi timing, barrpi yow mi lewen, barrpi om nu. ⁷ ee du'uyn dee, pi uu pir nu nu uuntu weseng ba Kristes mi didi pi med tene. ⁸ Aring duru eyle uubang, "yel nu mihi Ey leng lawen lamidi Ey nami hukung apuyn no'ohi uuntu weseng med nami no'o ene ⁹ aring du ara hama, Ey midi ee du'uyn hi Ey dunu hele pli'i mati e war hele. ¹⁰ Ey ba hele du Ey duru we pa midi, yom mi lawen bulung e mot ta du'uyn he naleleng ayrnu ano'o ana ¹¹ Ey ba nabi-nabi, rasul-rasul, aanghi nami Injil uu mating ey woy med bu'ung eni, du'uyn didi nami o uutubu ey. ¹² Ee du'uyn ee, ano'o mi ana nami ba m'dulung ba uukreyeng uublente he du woy med Kristus o boo du puyn toho ¹³ Yang pi barrpi nami pirnu uudumi du medang.Woy med dil ahol na me'ehe ba Lahatala om mi du aring duru we yolo toho no'ang. ¹⁴ Ee du'uyn we ha'ay we nami beng eyknewe bobo adoyl yang adoyl ho'o moyn dopo ho'o oyndo mi, hu'u du puyn Kristus om mi ana ¹⁵ No'ohi Ey woy uubang na abulu ba uupakarang om mi du na leleng den-den mi weseng ma oho adana. Ey ba pi long pir ey duru we Kristus. ¹⁶ Ey duru uubang, "Bo'o barrpi du med iiaring tameng no'ohi apese ano'o nu pi hama-hama tu'uy mi yebeng ohowe nu nu iiey uu toho du'uyn bo'o ee toho kua'a yo bo bomo ara uukarang du om mi." WESENG O ASALA ABULU DU KRISTUS WE OM MI ¹⁷ Du'uyn we, na iiarmating, nami ba ara Tuhan om mi didi barrpi na iiarmating Ha'ay weseng mong wede'e nami ba uudumi dang du'uyn ey mong wede'e nami ba weseng o t'nut didi parsum ¹⁸ O na ahol du kuwu-parang, no'ohi wesemg didi lahatala aradang. O weseng du tahi'i ta weteng wede'e dil ahol na me'ehe dang wede'e om p'luhu du eyle. ¹⁹ Yuwunun o p'nene ma no'o du ara hama du no'o dang. Yuwunun du hu'u to'ong. Na kro'o na k'mayr we pnene he, no'ohi maro'o mkakang. ²⁰ Ee du'uyn dee aaring hu'u du, puyn oho we Yesus du uuskoldang. ²¹ Miyebeng oho we Yesus du ii ey me'ehe Yesus om mi weseng na ba abulu, atino'o du iiuusaka. ²² Iinami no'o turu du med we ba weseng turu mi du ba iipuyn ii hu'u to'ong puyn uurus uuwa'a tipi-daya. ²³ Iit'nut ano'o habara. Homi m'dulung du puyn. ²⁴ Ii nami no'o habara we puyn ba Lahatala uubang ohowe, ara Lahatala o rupu puyn o atino'o we med, o m'dulung we mi. ²⁵ Ee du'uyn na parsum du wewe ma ee barrpi mating abulu du puyn pi beng aramating wede'e pi hama-hama bo'o du o atang o a'beli ano'o. ²⁶ Iiari'ing dee dosa arleng ey. Ari'ing yang wed ara muyu ey. ²⁷ Yel med seteng ene ey. ²⁸ Nami ba na ta'auang du, woy na ta'au ey. Mi no'ohi yahalimi kreyeng no'ohi kreyeng no'o we uukreyeng, iiantang duru puyn kreyeng, ee du'uyn ee iiaa na ara, ya d'lam med nami ba o ene ey du ene. ²⁹ Ha'ay we mating kro'o du iiata mi hele ey. Bo mating no'o we puyn. Ee du'uyn ee, oo mating oo lurung du y'no'o berkat ano'o med ma nami ba me'ehe lepeng du ta. ³⁰ Ha'ay we Lahatala o homi m'dulung du ano'o susu ey. Wede'e homi m'dulung du eyle iimatrey med yel ba y't'teleng hele du mi. ³¹ Ma'ala mahit du aalayl wewe. Y'aweheng adi, Ymu'u lene, med ariing wayl, tahi'i-t'weteng, no'ohi mating puyn nami ano'o yaha-yaha, du'uyn di o ba yaha du barrpi aa elete. ³² O panen du te mi tawoyl, bala-lamoni du pi med pi beng arahama, Om pa'abala du puyn no'ohi ii mi iiahala ampun. Mong wede'e lahatala Kristus Om mi iiring ampunang