¹ Sianglah, negiri-nedang namung, ning Latala gom mi ibango etang i brito niabung mi med egu ing er tarang gi i wat gu gang Latala gom gedano, si egula wangkriang trus. ² Latala ge wado ge gaing -gaing ning mi i broto egu ing di wangkurang sei. ³ ega Latala gom-gom, i mosoing gu si yas gasainglah mi i olo, ⁴ tarang gi ge mosoing mi ge wad gu gang tom ming egu ing egat wangkurang . ⁵ aki ping tom diro pas uyackhi gelah Latala wangkurang bingo, ⁶ e mach uyackhi dang aki tayayo ta gegiri ging akal. Latala gamata egat wang gobo, pas nila turmi i tutuk etang i brito gu etatabo. ⁷ Latala gang pi pekang gu piso na yaso arang gu na mosoing . ⁸ egula yamickhailah ge sur ge dar gotobung gu, egu gang uyackhi gotobung bingo, asi gala Latala lah gotobung, gang la ge mosoing gu met mi ping. ⁹ Etang te sasanang egu, ing uyackhi dang etang gesei mi i brito bingo egu ing inuckhai Latala gang ing tianing sei ¹⁰ i giri dang la Makedonia ming gu egat ing mi wangkriang sei. Asi ne giri - ne dang namung, ning ibangit amara - amara e ing wangkriang trus. ¹¹ I wat gu er gang molo - molo, nadang si inuckhai wang kriang ing la inuckhai itang gu mi kriang, pas nila i britang gu gedaning. ¹² E ui baning gapaning ming si ing di i wat gu molo etang na ge titai dang wang bingo. ¹³ Ne giri - ne dang namung, ning nigayo ing uyackhi ge nimin gining namung gu ing tau bingo etang ing di aki moling masa ing ta gi paas uyackhi ge nadang gang wang binang ge daning. ¹⁴ Ping di etab ersu Yesus gang nimino etang obot e wat, etang ping di ersu etab Latala gamata uyackhi mosoing ge la niminang namung gu gamata mutuang e sa samung mi gang unang. ¹⁵ Ning Latala ge sur dar ga wang i tutuk, esu ping ge la yedi e wat, sampai Latala gang re, ping mata etut uyackhi ge la niminang namung gu ging ta yayo bingo, ¹⁶ Latala gamata surga mi gamang ya, Malaikat di gamang, Latala ge Tubu di gamang egusi uyackhi mosoing ge la nimin gining gu egat tut ewat taso. ¹⁷ Ta ping ge la yedi ewat, ge yedi we ega am ping osit bnab gom mi mit e sa samung ging mi Latala unang guangba. Ta ping Latala la gabung e sa samung. ¹⁸ Egula ping egat ge sur dar ga mi te brito etang wang kriang e sa samung.