¹ Ne giri-ne dang, wer ge wekit maning gu perlu suro mi iming bino, ² Sing egat wangkurang Latala ge erening gu emung uyackhi ickhani natackhawang ge daning. ³ Am biasa wangtutuk '' Tom nuko tas nuko '' yes-yes si susa lala ula ma, emung umuckhwal gang kunang wang miso gala ge rasa gu gedaning, ui dang ge bir gasaing. ⁴ Asi ne giri-ne dang ing ckhanigomi wat bingo la wer ge eguwekit gang ma si ing emung uyackhi na tackhawang gedaning. ⁵ ing egat ler guackh etang iler guackh. ping ega ickhni bae ckhanigom ge menak bingo. Egula ping aki tet biang pas ui baning gedaning, la ma ping wang urung wang paling ⁷ uyackhi ge biang, gang ickhani tet biang, etang uyackhi ge buno, ickhani di gang buno. ⁸ Asi, ping ega iler guackh ong, la ma ping wang tom meyo, kono wadi mi tang kono, tom ckhuno, ckhowo alus, etang blokot ge ckhai mi tong tang. wat gemaning gu wang tom meyo. ⁹ Latala gang pisoi susa lala guamba bingo, asi pi latala Yesus Kristus gang wat la mi piming. ¹⁰ Wang gang ta nimino egu sei gi ping ga, ge get lero etang ge biang ping egat esa-samung gatang gom mi wat. ¹¹ La ping egat tom nuko tas nuko, kriang esa-samung, emung pila ala wang kriang ega. ¹² Negiri-nedano, ning ibango ing ging ge ula ituang mi kriang ge moling wang binang gu ging wang griang, ging la ping wang tudumung pi brito piat Latala gatang gom ming. ¹³ gi kriang gu ing ging wang giriang ckhun-ckhuno. ing wat i tom nuko i tas nuko. ¹⁴ negiri-nedano, ning ibritit mi ibrito, ging ge wat mut-mut gu wang tudumung, ge gom susa si muding sackhal wang ga tutuk, ge moling si guang mulag, uyackhi egat gabung ming si apang gamayo. ¹⁵ Wang urung wang paling uyackhi dang aki yasi mi geyasi wang gobo. la ing ge ckhowi la wangkriang i tuag ming etang uyackhi gebaning. ¹⁶ Om ckho ckhowige yes ge meyang! ¹⁷ Amur ge yes gemeyang, ¹⁸ Nabla ang guamba di ang bangit gen amara-amara, egula Latala gom gadano mi emeng ula Kristus Yesus gang ming. ¹⁹ Aki ckhew mosoing gu getena! ²⁰ aki gi nubuat-nubuat gu mi gamayo. ²¹ Asi nab-nab gu wang uji gi! ge ckhowi gu wang pino! ²² Ge yas gasaing gu egat mi pi olo. ²³ semoga Latala ge ering ckhowo gu ge mosoing gu mi ping egat ping ming. ²⁴ Gang ula pi pekang gu muruyang, Ganglah ma wangkriang. ²⁵ Negiri-nedano, ning di ning wang amur, ²⁶ Egiri-edang egat wang tudumung ge ckhowi mosoing gula mi ging egat gumuni. ²⁷ Nang eta-tabit Latala geni mi abango, ang surat ga lalit wang pi giri iguming gi tutuk. ²⁸ pi Latala ge anugerah, Kristus Yesus, ula ang unang.