¹ Egula, ning wang niomeyit gasing sei, la ning wang tutuk ning ninuckhai Atena mi miso, ² etang Timotius gang gaing gi, nikau mi Latala ge uyackhi, mi ge giri namung mi ning ula Injil Kristus gom ming, mi ing e ing muding etang i wom geno emung iomgom ge daning, ³ urang gi aki emung uyackhi baning ge i dir gu gedaning. Egula, ing egat tau ersu ge e gula am wang pi tang. ⁴ E gusi, ning at e sa samung, ning wang e tutuk ta gbo- ta gbo esu i dir gu mata ping ta ma, egu emung ila tur mi lalang gedaning. ⁵ E gula, nang di sanang bino, nang ang gaying esei om gom gu lalo. Nang reckho, yas gasaing gang iom mi kiriang egusi nikiriang gu mata gai wang bino . ⁶ Egu,seigi,Timotius gang iabung mi obot nidan ere, gang i wat ge ckhowi ret wang niatutuk gang esu, i ckhowigu ula giom-goming egula ning sanang ret niwamba, etang nindi niom sanang git iwamba. ⁷ Egula, negiri nedang, susa lala ge tamadi gang ma di niom ckho-ckhowo egat egu ula iyomming. ⁸ Wekiga, ing Latala gapaning mi wat molo-molo si nindi ma ni wat. ⁹ Egusi, nabla pingmi pembrianggen mi Latala geng egu ing, emung ckhowi alus nila Latala gpaning mi wat ga egat egu ing? ¹⁰ Ckhani ler ning amur etatabo ping etang tuamba, ge ckhowi tala yedi tom goming bedisi ping wang gackhanap. ¹¹ weki ega, wangkilang Latala etang Pimam, etang Yesus pi Tuhan gangla ni yugut mi itaring. ¹² Egula Latala gang iwatgu tomnuko tasnuko ui nuk mi ui baning unang etang mi uyackhi egat unang, emung nila wang kriang mi ing unang gedaning. ¹³ egugi Gang om gom ge ckhowi gu er yasi bino mi Latala gapaning ming etang Pimam gereninggu pi Tuhan, Yesus, Ge uyackhi mosoing gat esasamung.