Er 4
Wat Ugugi Ckheu Modoing ge Yugut Goyo
1
Kristus ba mi idir guamba, egusi ing egu met mi ing ming ing iom egat esamung, egu uyackhi ge ula idir gunang baning gu, gimg igai ge yas wang kriang
2
egu sei gi gi wat ckhackhung mi par ga ta amar, gang etang uyackhi geg gumurung bino, gang Latala geg la gumurung.
3
Egat sei ogoi e masa tur geg ging ge yas wang kriang emung uyackhi - uyackhi ging Latala wang kurang bino, mutuang ge ningang ckhayo, tockh na - tockh na, etang war teibackhi gemelo, etang ge yasit molo.
4
Wedi ga, ging etabit wang ada etabit ge yas gasaing gu wang kriang bino. Egu sei gi, ging uyackhi gesei wang tutuk.
5
Egu si tarang, ging la met mi wang Latala ge tutuk Latala la ma giwang takani uyackhi ge ewat etang ge niminang.
6
egu sei gi, ler gu mi uyackhi ge tutuk weki ga etang ge niminang sei egu sei gi uyackhi am guang takani, ging i wat ula ckheu mosoing gom ming geng ula Latala ge ongat gom ming.
7
Nab - nab egat ge wer peng sei. Egu si tarang, wang urung wang paling urang gi i iom oso.
8
Egat egu, ing egat i tang wang giriang etatabo e ckhowi gu gang mi e yas gasaing wang tering.
9
E ckhowi gula mi e giri namung gi taring aki etang wang tutuk.
10
Egu gi ta uyackhi egat ckheu mosoing giom - giom ming, egu wang giriang met mi uyackhi ge baning di geng nuk met mi ge baning etang pelayanan ge ckhowo egat Latala ge ckhowo:
11
Yami la wang tutuk, wang kilang gang wang tutuk met mi uyackhi la Latala ge ckheu mosoing wang tutuk; etang yamila melayani, wang kilang gang melayani egat egu Latala ge muding sackhal gang mi ping egu gi ta ita ming ckhayi di, ging Yesus Kristus gemelo. Gang sei gi ge ler gu gang ge glola - glola wang biningo. Amin.
12
Ne gir - ne dang nang ing tianing, aki yas gasaing gu wang ida gang mat, pi tang geno emung na dang la er apang ging lali bedo.
13
Egu sanang ging egat gumurung ckhas met i ge gom Kristus ging egat sanang wang eleckh egu am met meyo am souk.
14
Ging sanang am gi yas wang tutuk egu Kristus geni, ckheu mosoing egu egu ta graung souk etang Latala ga graung ukuru piom ming.
15
Asi, aki ula ging gang i gang tabar, na tackhawo, ge yas gasaing uyackhi egu gang am ge nadang wati si gang di wang tutuk.
16
Urang asi yami la gang i gang ersu gang uyackhi kristen, gang aki riyai, lebai ckhowi la Latala gemelo egu egat ge gamang.
17
Sei gama su gang la gu am ugugi tuang takani pin Latala ge uyackho. Etang, am piwang takani pi Latala gang etang piwang takani, eta tarang uyackhi - uyackhi ge ewat Latala ge ler ging gumurng bino?
18
gang uyackhi gang ge ckhowo wang kriang ba mi gang surga abang mi gi biningo, etang uyackhi ge numui etang uyackhi ge ula yas gasaing wang kiriang?
19
urang si, wang kilang ging egu Latala ge wayang tor mani gang Latala gumurung gemelo, etang ge ckhowila wang kiriang.