Er 5
Latala Guackh Garat wang Griang
1
Egula, ping Penatua namung ping e gat la Kristus ge i gu lalo. Egu sei gi ping egu gumurung met mi sur mosoing goming wang Penatua ula abung ming gu ge tutuk.
2
Latala ge guackh garat, ge ula abung ming gu wang giriang!
3
aki e diri geleso. Esu ang la, ang kriang ge ckhowi gula mi e giri e dang namung gu gitaring.
4
Egu gi wekit sang Gembala Agung gang re, ing makota ge ckhowi gang ckheli binang egula ig.
5
Urang di ing ge muda - muda namung. I diri gu gamayo met mi ge bo bom namung ang ing egat i diri gamayo nuk met mi nuk unang. Uyackhi ge sombong egu, Latala gang agayo. Gang Berkat anugerah gu met mi uyackhi e diri gamayang gu geng.
6
Egula e diri gamayo met mi Latala ge Kuasa gu gom ming egusi am mata ang os geleso.
7
Aki gang wang reckho, gang Latala la ping wang giriang.
8
Iblis gu la wat gi mat gi la wang urung wang paling.
9
Iblis gu getero! e diri gu gamayo ckheu mosoing gu gang om gom gu ming
10
Ang. Yedi ula i dir gom ming la Latala gala ula ang ta urung ge wedo ge meyo, Kristus gang om gom ming.
11
Gang egula. Sur ge mosoing ge glola wang bino. Amin
12
Nang surat gom mi suro tuko met mi Silvanus geng. Gang ping egat tom gom nuko e sa samung.
13
Ping ge ula Babilonia ming egu. Egat egu Latala ge uyackho. Gang Markus ge tutuk, Kristus gang salam met mi guackh geng.
14
Ping egat tom nuko tas nuko. Kristus gatang gom ming. Amin