¹ Urangdi ing am ge Umuckh-umuckh,ipang gamaimi emasik,erisi inggu dang ula Laatala Gamang gumurung bino. ² Iyomgom namunggu ckhowit talalu, ³ Emalasgu ula omgom ming bino ula geblelinglah ming,onglah ang iko ang anting masla mi uar ming,inackhsi gai mackhila tayo. ⁴ Etang,emalasgu om gomla mida,emalasgu gang sisit gasaing,egatgu chkeu mosoing la gatang gom ming. ⁵ Kunang umuchk tur geggu ,ging ckheu mosoingla giomgom ming,ging latalala gamang wati. ⁶ Sara gang gemasik Abraham gamang wati,gang gepekit esu Tuan.ing egat Sara guachk si ge chkowi la wang kriyang si imata reckhi bino. ⁷ Urangdi ing ge masik-masik,ging egu moling masa ging mingla,ging wang griyang ging wang sayang,ging egat wang gri yang emung gigiri gedang. egula ahli waris dalam menerima Anugerah.iwat mi iamur egu aki wang asaing ⁸ Seila maping egattomnuk tasnuko,chowi alus,etang tom gamayo. ⁹ Aki ge yas miyas gedano,ningisi tesuro ta tesuro,eta gbo ningisi ge khowila miging egula am pipeko,uranggi ing ge khowi gula guangba ¹⁰ Egula sur mosoing gang wang brito,ang yamila ewat wang rechko etang wer-wer ge chkowigu lalo,gang gleb wang griyang e geyasmi mi ge olo,etang guatupa mi tutuk ge puangyai, ¹¹ gandi geyasigu mi ge bading getlogogita gechkowila wang 1212kriyang. ¹² ge chkuni gula latala gang get guachk gumurung etang uyackhi ge egula gi amur gang guar miwati,asi uyackhi geyas wang kriang gu gapang migi. ¹³ Ang muriang ge ckhowi ckhai wang kriang si yamila mata ang wang silaka. ¹⁴ Ila idr guangba egu ila ge ckhowila wang kriang.uyackhi inggen susagu aki ging wang reckho aki biring. ¹⁵ Egula Kristus ge mosoinggu mi elaatala gu mi omgomming,idiri wang siap gita gedano,yamila ipang pinigi gita Pengharapan ula om ming. ¹⁶ Egula ge wang kriyanggu,lema lembut toku hormat egugita iyomgom gang ckhowo,malas egigi weki siweko si dang om idiro,am isuro miwatgu gong ckhowo Kristus ge gom mi gimata wang riyai. ¹⁷ Geckhowi wang kriyang idir guangba di ckhowo,egula latala gom gadano. ¹⁸ Pila piyas wang gasaing wang kriyang seigi Kristus gang idir guagngba ,gang guangbat mi nuku khayo egula egat ping ming gang gesaing wang nimino egugi gang yat Laatala gapaning mi am gabar egu emung uakh ma nusia,aki gang ewatla ckhu mosoing gegom ming. ¹⁹ ckheu mosoing gegomo gang git gekhowila wang gila penjara gugia tutuk. ²⁰ Ging ge igu tur Laatala wang bningo gila sman nuk garing egu sman Noh.egu Noh ula Bahtra wang kriyang.bahtra egula uyahki titai ,yeg wado ula seranggu uckhai nam yantug ula ewat. ²¹ Yeg wado egu gang mipitaring Baptisan wekiga wat guangba,Baptisan egu pibakhi ula kotor ging wang yamo,ge egu emung tom osmi Laatala geng,tom gom egu etabit mosoing ula Yesus Kristus gala ²² ewat ge gegomi,Egula wekiga gang ekeng sorga ming ,gala Laatala gatang tenei wang miso,egula Malaikat egat,ging perinta etang Penguasa egat apang gamai mi megeng.