O BANGSA MA SOMOA YA HAKIMI ¹ Giki Moi Awi bicara. Jou Awi demo ma Hadrakh de o Damsyik ma daerah ka, kia ka done asa i madadi o dodogu ma riho. sababu, o bi nyawa ya ngodu manga lako de o Israel manyawa ya ngodu i ma ginano, ma meto o JOu ka. ² Komagena lo o Hamet kia ka ima teke kadate dede ona, de lo o Tirus de o Sidon, ngaroko ona magena yo cawaro de yo barija ³ O Tirus benteng yo magaka de o salaka ya topu maro koloko o ga'apo de o guraci matero koloko o pepeke. ⁴ i gogou ma Jou asa wasi dadi yo miskin de wa ngapo manga buturu o teo ka de asa i dadi o uku ma ino. ⁵ Askelon wa kelelo, de ya modo i carawa, o Gaza i ma si datirineke, komagena lo o Ekoom sababu manga ngongano tirihi ka. Gaza ma kolano done asa wo binasa o Askelom lo o nyawa yo dogogr kawa. ⁶ O bi nyawa i rupa-rupa o Asdod, yo do goge de ngohi asa ta sisa o Filistin ka manga pade. ⁷ Ngohi asa ta tinga o au manga uru no de o fafaja manga ingi ma raba ka no. ona i gogoge ma so ohu yo dadi nanga Jou Awi arata i matero maro o Yehuda manga tutuda o Ekron manyawa done asa imatero maro o Yebus manyawa. ⁸ ngohi asa o dadaru toma gaka Ai tahu ma date kala upa moi lo ya ka hika ya ka hino kawasababu o orasi manena, ngohi masirete ta nanano eko to jaga. O DAME MA KOLANO DONE ASA WA HINO ⁹ Ni ma nenere de ni ma to to'ore o Sion ma jojaru! ni ma nenere o Yerusalem ma bi jojaru! nia nano, nia kolano, ngini no wa hino; Una n tiai de aku wona si salamati, Awi sininga ka i ma hadoku de wo bane o keledai moi, o keledai ma goho moi. ¹⁰ Una asa wa sis o kereta-kereta o Efraim no de o jara-jara o Yerusalem no. O parangi ma ngangami ma awa asa wa tepi. Una asa wosi hakawaro o dame de o sanangi o bi bangsa ka. Awi kuasa ma riho gena i tau o teo ma bati o teo, o selera Efrat ka de ma bati dunia ma ngogu. MA JOU ASA WA SI SALAMATI AWI UMATI ¹¹ Ma ngale ngoona, ma sababu Ai au ma jaji dede ngona, ngohi asa ta palako ani bi nyawa tatawan o gusu ma ake i hihiwa. ¹² ni kahino ma beteng no, hei o tawanan de nia ngongano i lalamo o wange manena ti si ngangasu ngini ka kia ka ngohi asa ta ta fangu nia kerugian to si lape ma sinoto! ¹³ I gogou ngohi asa o Yehuda ta pelu i matero maro o ngangami ma awa de marabaku to ngado o Efraim. ngohi asa ta si momi ana ngopa-ngopa he Sion la ya lawangi ngini o Yunani ma ngopa-ngopa. ngohi asa to ni aka matero matero mato o nyawa wi paputuru moi awi sumarang. ¹⁴ Ma Jou asa wo masi mane ona ka, de awi ngangami ma doto i soso matero o tatawi. ma Jou asa o sangkakala wa wu, de wo ma dagiwa ngika o koresara ma paro da sosihilo maraba no. ¹⁵ M a Jou o bi alam wosi dadadika done asa ona wa taru. Ona asa ya mata de yosi dodipito o gatapel. Ona asa manga lawangi manga au ya udo koloko o anggu de ma bati i wedo i matero o gogopola ma bokor i matero maro o suba ma ngihi. ¹⁶ manga Jou Gikimoi asa wasi salamati o wange magena i matero awi umati manga duba. i gogou ona i matero koloko o para mata oh mahkota de ka i sisiru Awi tona ka. ¹⁷ i gogou, i jame i carawa de da loha i carawa ! o bi goho asa i oho da capati ma sababu o gandum de o jojaru ma boro ma sababu o anggur.