O JOUWO JAJI O YERUSALEM WA BARAKATI ¹ Ma Jou awi dedemo ngohi ka i kahino, o dunia wa pareta, i temo, ² "Komanena ma Jou Awi dedemo o dunia Wapareta : ngohi tini duhudu mangale Sionde ma duhudu i lalamo, ai duhudu ona ka de ma gangamo i lalamo. ³ komanena ma Jou Awi dedemo, "ngohi asa to ma bulutu o sion ka de to goge o Yerusalem manga soa ka. O Yerusalem asa yo temo o kota i kaeli, la mangale ma Jou Awi dedemo o dunia wapareta asa itemo o tala da tetebi." ⁴ Komanena o Jou Awi dedemo o dunia wa popareta, "o de gena o bereki yanau de o bobereki ngopetdeka yo goge kuo Yerusalem manga bi ngeko ka, de ona lo moi-moi-gena o didiki ya coho sababu ya bi pereki ka. ⁵ o ngeko-ngeko o kota kama gena asa i wedo de manga ngopa ya nau de ngopetdeka mangale yo u'ule ka gena." ⁶ komanena ma Jou Awi dedemo o dunia wa pareta, nako koma gena o bangsa maso so ohuku ya anggap o hali manena yo hairan, nako so ngohi lo ta anggap hairani ? ma Jou Awi dedemo o dunia wa pareta. ⁷ Koma nena ma Jou Awi dedemo o dunia wa papareta, "Igogou, ngohi asa to si salamati Ai umati sidago wange ma nyonyie sidago wange ma dumu. ⁸ ngohi asa ta ngaho ona gena yoliho, mangale ona yo goge o yerusalem manga sao-soa ka. de, ona asa yo dadi Ai umati de ngohi asa to dadi ona manga Jou de ka eli de itetero." ⁹ komagena ma Jou Awi dedemo o dunia wa pareta, "nia sininga ni si puturu, o nyawa-nyawa ma deka manenaai dedemo yo si gise, ode o demo yo singangaso o bi nabi no, ma orasai ma Jou Awi tahu ma sosotde ya aka de yo si goko gena. ¹⁰ I gogou ma orasi magena, o nyawa yo momanara manga gaji i hiwa, de lo o haiwani ka. De o nyawa moi wa i supu de lo moi wa i wosa, sababu ngohi ta aka Ai umati i maka ngamo moi de moi. ¹¹ Duma de magena, ngohi to holu ta si kudubu Ai umati ma soso'ohu ku, koloko ma orasi i tdotdoma, komanena ma Jou Awi dedemo o dunia wa paret. ¹² O gisisi asa yo si biau mangale o dame, o anggur ma hutu asa i sopo, o Lo ma tona ka lo asa de ma hasil ka, de o dipa asa o gagi ya gtura, ngohi ta aka o bangsa ma so ohuku o dunia ya kuasa. ¹³ de komagena lo koloko ngininin tdotdoma kama tero o bi bangsa, he , o Yehuda de o Israel, la da boloku manena, ngohi asa to si salamati mangale ngini ni dadi o barakati. upa ni modo, la nia sininga nia si puturu !" ¹⁴ koma nena ma Jou Awi dedemo o dunia wapareta, "ngaroko ngohi Ai edekati ta si diado o bahala ngini ka sababu nia ete de nia topora muruka ya momi, ngohi to ma toduba wa," Giki Moi Awi dedemo o dunia wa pareta. ¹⁵ komegena lo o wange manena, ngohi ai edekati da loloha o Yerusalem de o Yehuda ka, upa ni modo ¹⁶ O bi hali manena asa nia aka : ni temo nia totiai onyawa moi de moi ka, de nia aka o bobita i totiai de lo de nia edekati mangale o dame o ngora i lalamo no. ¹⁷ upa na aka ani niati da totorou ani sininga ma raba ka o nyawa moi de moi ka, de upa o sasima dorpu na mote, sababu, dangodu magena to dohudu," komonena ma Jou Awi dedemo. ¹⁸ O Jou Giki Moi wo temo ngohi ka. ¹⁹ komagena ma Jou Awi dedemo o dunia wa pareta, "ma orasi o puasa mango'osa iha, mango'osa motoha, ngo'osa tumudingi, de ngo'osa mogi owo, asa i dadi o nali de o more, de wange ma rarame de manga wange yo si rarame o Yehuda ka. sababu magena , o banari de o dame ni dupa." ²⁰ Komanena ma Jou Awi dedemo o dunia wa pareta, "done asa yo kahino kali o bi bangsa de o doku ma duhutu. ²¹ o doku ma duhutu moi asa yo kahika o doku ma somoa ka de yo temo, hino la ngone po tagi pa golo o Jou Giki Moi Awi dodara de o Jou Giki Moi pawi sari ! de ngohi lo done to mote !. ²² O bi suku bangsa ya dadala de o bi bangsa da poputuru asa i masi diado ma Jou Awi sari o Yerusalem de to masi bogo unaka. ²³ Komanena ma Jou Awi dedemo o dunia wa pareta, "ma oarasi magena, o nyawa ya mongiowo o bi bangsa no de o demo asa ya coho ya poputuru o punca juba kagena de o Yahudi manyawa o dedemo, ngomi mi mau mi mote mini dodiao, sababu ngomi mio ise ka o Jou omi tiao ngomi !"