¹ Ma taungu ma iha ka, ma kolano Darius wo pareta, Jou wo temo ma Zakaria ka, ma orasi ma gegeto ma iha ka ma ngo'osa sio kaena gena o ngo osa Kislew. ² orasi magena, o kawasa Babel yo sulo o Sarezer de o Ragem-Melekhde o nyawa-nyawa, mangale yo golo o Jou Awi galusiri, ³ de yo ma sano o bi Imam ka o Jou Awi tahu ka de o bi Nabi ka, so ngomi bilasu mi aride mio dinga ka mango osa ma motoha ka, koloko ngoni mia a'aka ka taungu ipapasaka ? ⁴ De o Jou Giki Moi Wo temo kali ngohi no, wo temo, ⁵ "ni si ngangasu o kawasa ya ngodude lo o bi Imam : ma oarasi ngini ni puasa de nia si gogiou, de ni dorifa ma ngo'osa matpha de ma ngo'osa tumudingi, ma deka o taungu moti tumudingi, ngini ni puasa mangale ngini wa ? ⁶ ma orasi ngini ni otdo de ni utdo, magena mangale ngini wa ? ⁷ O Jou Awi demo manena i tdotdoma o bi nabi i si nganagsuka ma oarasi ona yo gogoge o Yerusalem ka de yo sanangi si, de o bi kota i si giloli, o tona Neged de o daerah i tdotdoku ka yo do goge si ? ⁸ Jou wi demo ya hino o Zakaria ka itemo, ⁹ " komanena Giki Moi Wo temo, ni si dagi o tita itetero, ni si dumu nia kaeli de nia dodara moi de moi ka ! ¹⁰ upa ni foriki o ba balo, ngopa-ngopa go'osi, o nyawa i tatagi no de yo sususa, upa o niati ma dorou nia aka nia sininga ma raba ka moi de moi. ¹¹ duma ona yo sigise yo holu, de manga guluhi ya tibako de manga ngau ya poku la mangale upa yo ise. ¹² ona manga sininga ya togoi koloko o teto intan, la mangale upa yo ise o bobita, de o Jou giki moi Awi demo, kia ka o bi Nabi yosi ngangasuka de o gurumi da tetebi i tdotdoma sababu dema gena , o bahala i lalamoya hino o Jou Giki Moi no. ¹³ 'koloko ona yo iisewa ma oarasi ya aso, komagena lo ngohi to ise ma orasi yo masi gaso. ma Jou Giki Moi wi demo. ¹⁴ Sababu magena, ngohi done to si koki tinga ka ona, koloko o paro rato so o doku yo do biau o bangsa ya nanakawa. o daerah yo dodongosa magena asa i sunyi, de moi wa asa ya kahika, ya ka hino, kadoka. komagena o daerah de lo laha ma gena i dadi, o riho ya aka.