1
Ngohi to ma ginano, de ta kelelo li, o goroba yosi poparangi ngai iha ku o tala ngai sinoto ma soa ka. O bi tala magena na o tabaga ma tala.
2
kereta i tdodtoma o bi jara da sosawala ya tau, o kereta ma sinoto ku o bi jara da tataro ya tau.
3
kereta ma sa'ange ku o bi jara da a'are ya tau, de kereta ma iha ka o bi jara da babalanga ya tau -- dangodu magena da poputuru.
4
De o malaikati mi mari jojarita de to ma sano, " o kia mangale da ngodu manena, ai tuan ?"
5
O malaekati magena woi sango, " o kereta ngai iha magena i supu paro ma gola iha no, ma Jou laha ta'al Awi risima da biloku de."
6
de o kereta o jara da tataro ya tau gena i supu o koremie no, de kereta o bi jara da a'are ya tau duduno ya momote de o wange ma dumu ka i ka hika, de kereta o bi jara da babalanga ya tau i supu de o kore sara ka i ka hika.
7
de, o bi jara da sosawala i supu, de i manako wa so i tagi dunia yo dagi-dagi. Una wo temo, " ni tagi la o dunia nia dagi-dagi !" de ona lo ya tagi o dunia yo dagi-dagi.
8
de, o malaekati magena i temo ngohi ka, " na nano, ona ya ka hika o koremie ka la yo si sanangi ai gurumi o koremie ka."
MA IMAM YOSUA O TUWALA WA MAKE
9
ma jou Awi demo ngohi ka i ka hino, komanena :
10
na tdehe o bi nyawa o gogumu no mang susuba, ena gena o Heldai no, o Tobia, de o Yedaya no, asaka o Babel no de ya hino, de mana da bolo o Yosia o Zefanya ma ngopa ka no tagi.
11
o salaka de o guraci na tdehe la, o tuwala na aka, de daboloku de ma ma Imam wi lalamo o Yosua, o Yozadak ma ngopa awi sahe ku no si tiba ku.
12
No wi si ngangasu, komagena lo ma Jou Giki Moi Awi demo, 'una nena na awi ronga o Tunas. una asa wo oho awi riho no , de asa ma Jou Awi tahu wa aka li.
13
de done Una ma Jou Awi tahu asa wa aka, de o mulia wa mamake de una asa wo ma tame de wasulo sababu wo kolano. awi girina ka done asa ma Imam moi de o dame asa i ma oko mangale ona ya sinoto ku.
14
O Tuwala megena kaganaga ma Jou Awi tahu marabaka yo si aka mora o nanako moi o Heldai ka, o Tobia ka, o Yedaya ka, de o Yosia, Zefanya ma ngopa ku.
15
O bi nyawa soa i kukuru no asa yo kahino la ma Jou Awi tahu da tetebi ya aka. Ngona asa na nako ngohi na ma Jou laha ta'ala woi sulo ngona ka ta kahino. O hali manena asa i dadi, nako la ngona no totiai ma Jou Giki Moi Awi ili no si gise.