MA JOU AWI JAJI
1
Nigolo ma JOU-ka o muura o tutudu ma orasi ma dodogu!
Ma JOU ode waaaka o bi lobi o muura dasosihilo yaaaho, de o muura ilalamo done onaka yahike de o bi goho o nyawa moi-moika.
2
Sababu, o terafim yodedemo o dorou, o lawe yoaaka o gogelelo datotodamatoko yakelelo, de o doguruga ikokulai yosijarita, de o buturu ma feda ihihiwa yahike. Igogou, o bangsa magena yokadagi maro ka o doba de isangisara sababu o sowohi yahiwa.
3
Ngohi o bi sowohika duruhe tadoosa de ngohi done o kabi ma bobolu tasangisara!
Ma JOU o dunia wapopareta done watailako Awi kabi ma bobolu, ena gena o Yehuda manga ngopa-ngopa,
de ona done wasidadi Awi bi jara daloloha o gudoti ma rabaka.
4
Toona manga risoano o teto itdotdoma done ibao de onano done ibao o dadaru ma bebelo,
onano done ibao o ngangami ma awa ma ngale isikudoti,
onano done isupu imakokangaho yangodu yopopareta.
5
Ona maro ka o bi nyawa yapoputuru ode manga saturuka yasidodipitoku, maro ka o pepeke o bi ngekoka.
Ona done yokudoti, sababu ma JOU de de ona,
de ona done o bi nyawa o jaraku yopapane yasimamatde.
6
Ngohi done taaka o Yehuda ma nyawa manga ngopa-ngopa yaputuru,
de ngohi done o Yusuf awi ngopa-ngopa tasisalamati.
Ngohi done ona tasigiliholi,
Igogou Ngohi ona tadodara,
ona done yodadi o bi nyawa koloko ma moiwaasi taumo
sababu Ngohi toona manga JOU Gikimoi, de ngohi done ona tasango.
7
O Efraim done koloko o nyawa yapoputuru moi,
manga sininga done imore koloko wimoi o anggur waudo.
Manga ngopa-ngopa done yakelelo de ka yaomore-more,
manga sininga done ka danali-nali sababu ma JOU.
8
Ngohi done ona taaso de tomatoiliwa de ona tapolu,
sababu Ngohi ona tatupuka.
Ona done idogo idala maro ka itdotdoma ona manga dala.
9
Ngaroko Ngohi ona tasisarahaka o bi bangsaka,
o bi riho ikukuruka, ona done Ngohi isosininga.
ona done yooho imakokangaho de manga angopa-ngopa,
de ona done yomakiliholi.
10
Ngohi done ona tangaholi o Mesir ma tonano,
de Ngohi done ona tatolomu o Asyurno.
Ngohi done ona tangaho tasingosa o Gilead de Lebanon ma tonaka,
sidago o riho ma ngale ona lo ihiwaka.
11
Ona done o teo ipopeneto yanonu de o bi moku-moku o teoka yangapo
sidago lo o riho dangodu o Nil ma seleraka idadi daowa.
O Asyur ma nyawa done yaturaba sababu yomasihihie de o Mesir manga bobareta done isikuruka.
12
De ma JOU ngohi done ona tasiputuru,
de ona done yomadagi ma JOU Awi ronga ma rabaka,"
komagena ma JOU Awi demo.