¹ De dabolo de magena una woi si kelelo ma Imam wi lalamo o Yosua o ma oko e o Jou Awi simaka de o ibilis o maoko wi gubalika ma ngale wi goda. ² Jou wo temo o ibilis ka magena, Jou wone dogore ngona ibilis, o Jou wa hiri o Yerusalem, ni do gore ngona, una manena wi sowo o ukuka de wi titide, ? ³ Kanaga o Yosua wo masitiba awi baju da fafaja de wo maoko e o malaekati ma sima ka magena. ⁴ De malaekati magenai temo, ona yo ma oko masimaka megena, nia hoi nia baju da fafaja magena nia rohe no. " una wo temo kali o Yosua ka nanano, ngohi toni si palako ngona o dorou no, de ngohi asa toni si tiba o rarame ma baju ⁵ De ngohi to temo, no masitiba ani sahe ma bobiliku da tebi ni sahe no de ona ya hado o sahe ma bobiliku magena wi sahe ka de wisitiba wi baju, ma orasi wi tiba, o Jou Awi malaekati i makoe kagena baju ⁶ O malaekati ma gena wi jaji de wisi puturu o Yosua ka : ⁷ Ma Jou Gikimoi wo temo komanena : nako ngona no oha de na mate maro o ngeto tosi dumuka, de na aka ni manara toni hihika ka ngona ka ngona asa no parenta Ai tahu ka, de na urus Ai loloha, ngohi done toni si maha ngona no wosa ona yo leleani ka kanena. ⁸ Imam ni lalamo o osua no ise ! ngona de ni dodiao yo gogogeka an sima ka, gogou ngini koloko nanako moi, igogou ngohe donetowi si kahinoai susulo, o Tunas. ⁹ Sababu igogou, ta hadoku o Yosua awi simaka o paramata ma lako tumudingi. De i gogou ngohi asa ta aka o dulada ma tdokuka komagena Jou wo temo, ngohi asa ta piki o daerah manena ma dilaku, ka o wange moi." ¹⁰ O wange magena ma Jou giki moi wo temo, " nia nyawa magena, asa ya bi koro manga dodiao la yo goge ku o anggu de o ara ma gola ka.