O YERUSALEM YA TUGA ¹ Ai lako ta pelenga de to ma ginano, igogou o nyawa moi wa coho o gagu si tutuga awi gia ma sohaka. ² de towi sano, " kia ka no tagi ?" de wosi ngasu ngohi ka, "o Yerusalem ka, mangale ta tuga, de mangale ta nako ma ngoha de ma gaku." ³ I gogou, o malaiket woi dedemo ngohi ka gena wo tagi wo ka hika de malaikat ma binuka lo yo tagi ya kahika unaka, ⁴ de wi temo una ka, "no ma gogora, de no wi singangasu o gohidu'uru ka magena, o Yerusalem ima okoli koloko o doku ma boberesu ihihiwa, ode o nyawa ya dadala de o binatang ma rabaka. ⁵ Ngohi manena to dadi o boberosu ma tero uku, de tini si giloli no, komagena ma Jou Awi demo. De ngohi done to dadi mulia marabaka. MA GIKI MOI AWI UMATI WA ASO LA YO LIHO ⁶ "Hie ! Hie ! o koremie ma tona ku ni lotda, " komagena ma Jou Awi dedemo. "Sababu, ngini tini si kokitinga si dago o paro ma gola iha ka," komagena ma Jou Awi dedemo. ⁷ "Hie, Sion ! ni masi salamati, de ngini ni goge o Babel manga ngopa ngopetdeka ! ⁸ SAbabu, komanena ma Jou Awi dedemo o dunia wa popareta, Awi mulia ma rabaka ngohi woi sulo to tagi o bi bangsa kania arata ya koko'ora, sababu na goona la ni tigi gena i matero maro ma Jou awi lako ma gomo ya tigi, ⁹ " ya gogou, ngohi asa ta si tapatdu Ai gia ona ka , ona done ya ko'ora mangale o bi nyawa i tdotdoma ona ka yo ta'aluk." So komagena, ngini done nia nako, ma Jou giki moi o dunia wa popareta, ngohi Woi sulo. ¹⁰ " He, Sion ma nyawa, ni ma sosanangi de ni more-more. i gogou, mgoho done to bola de togoge nia sidongi rabaka. "Ma Jou Awi demo. ¹¹ Ma orasi magena, o bangsa ya dala done yo masi tdogo ma Jou ka,de done yo dadi Awi nyawa. Ngohi done to goge nia si dongi raba ku, so ngini, done nia nako, nako ma Jou giki moi o dunia wa popareta ngohi woi sulo nginika to tagi. ¹² ma Jou done o Yehuda wa Tdehe idadi to una Awi gimina, o tona da tetebi ka, de una done o Yerusalem wa hiri. ¹³ He o nyawa ni ngodu, Mma Jou Awi sima ka ni goge, sababu una wo ma okoka Awi riho ds tetebi no.