¹ O POCI MA TDOHU DE O ZAITUN MA ROHE NGAI SINOTO KA I liho ka o malaekati ibobicara dede ngihi, de woi si momi, koloko o nyawa awi si momi awi gidu ku. ² Una wo sano ngohi ka, "o kia na kelelo ? de to sango, "ngohi ta kelelelo o poci ngai moi, da ngodu ya aka o guraci no, de ma gososo ma riho ma tdoku ka. De poci ngai tumudingi de o gososo ma cocora ngaitumuding ka daku ma tdoku ka. ³ De ma dalate ka o zaitun ma rohe ngai sinoto, ngai moi ma girina ka o gososo ma riho de ngai moi li ma gubaliku," ⁴ Pasa de, malaekat ka ta ma sano sabubu mi ari jarita, " o kia ma arti dangodu magena ai tuan ?" ⁵ De ma malaekati ma gena ai da sango, "so maro na nako wa okia mangale dangudo manena ?" de ⁶ Pasa de wo bicara ngohi ka, " ma nena la o Jou Awi demo o Zerubabel ka, ani loha de ani buturu da sowo, mangale ma de Ai Gurumi, " ma Jou Giki Moi Awi demo. ⁷ ngona nago'ona , he o tala i lalamo ? Zerubabel awi sima ka, ngona asa no dadi o tana i rarata. Una asa wa aho wo si supu o teto i tdotdoma pasa de wo masi gaso : Baloha ! da loha poli o teto magena !" ⁸ Pasa de, ma Jou Awi demo ngihi ka Wosi guti kali, komanena, ⁹ "de o Zerubabel awi gia tahu ma nena masotde wa hado ka, de de una awi gia lo asa wosi bolo. Dedone i pasa de ngona nanako ma jou giki moi a dunia ka woni sulo ngomi ka. ¹⁰ Sababu nago'ona yo si ceke o wange de o bi hali da ceceke dadai, ona asa yo more de yo more ya kekelo o teto magena ya hihiri o Zerubabel au giaka. o Poci ngai tumudingi magena ma Jou Awi lako de dunia mana ya kilolino." ¹¹ dabolo ku, ngohi to masano una ka, " akia mangale o Zaitun ma rohe ngai sinoto, magena ani girina ka de ani gubalika o poci magena ?" ¹² mangale ma sinoto ka, ngohi to ma sano una ka. " o kia mangale o Zaitun ma uma ngai sinoto ka o pipa guraci ma dalate ka yo guguse de ya uhi o guraci magena ?" ¹³ Wo sango ngohi no, "na nako wa magena ma arti dangodu ? to sango, "ta nako wa ai tuan !" ¹⁴ pasa de una lo wo temo, "ona manena ya sinoto ya hihiri, de yo ma oo ma Jou awi dalate ka o dunia ma giloli !"