¹ " maorasi magena, asa ya pelenga o ake malako mangale o Daud Awi tahu maraba de o Yerusalem makawasa mangale manga dosa de manga dorou yapiki. Pamake kawa o Nabi datotorou ² maorasi magena, Ma Jou o dipa de o tona Awi demo komanena,"Ngohi asa ta sisa o ronga-ronga berhala o Negeri magena so ona lo yosininga kawa. Ngoho lo ngini tini dusu o bi nabi-nabi de o gurumi ifafaja o Negeri kiano. ³ Nako so o nyawa moi o nubuat waaka li, mababa de maawa wisibubuoka asa itemo unaka: Ngona asa no oho kawa, sababu ngona nasihaga de ma Jou awi ronga. baba de ni awa nisibubuoka ngona asa ni suru ngona, maorasi ngona o nubuat naaka. ⁴ Maoras ngona magena, o bi Nabi asa yamade ya make mangale manga goginano koloko Nabi. ona yapake kawa manga jubah da gogogo la manga damato ya aka kawa. ⁵ Duma ona lo asa itemo, ngohi o Nabi isowo, duma ngohi o nyawa imanara o tona ilalamo. sababu tona magena to ngohi i harata o ngopa sih. ⁶ nagala o nyawa moi de wosano ngohika,"nabo ma boke o kia ani rohe magena? Una asa wo sango: nabo magena ta make Ai dodiao-dodioa matahuka!" ⁷ " he taito, nimomilah,de nowi meta Ai sowohi, de nowi meta Ai dodiao awi sininga daloloha!"komagena ma Jou awi dunia isidadadika Awi demo." toomaka o sowohi la wi duba-duba imakokutingaka! ngohi asa Ai gia tosi coho ilolamahangka. ⁸ Asa, idadi o Negeri dangodu,komagena Jou Awi demo, o gimina sinoto asa yasisa yangodu yosone de yobinasa duma o gimina moi asa itatapu yooho. ⁹ Ngohi ta hado gimina moi gena o uku marabaka de asa ona tasi dodo koloko o nyawa o salaka yosi dodo. Ngohi asa tauji koloko o nyawa o guraci ya uji. Ona asa Ai ronga ya aso de ngohi lo asa ta balu. Ngohi asa to temo: Ona gena to ngohi Ai umati, de Ona asa yo sango: Jou gena ai Gikimoi!"