YOGELELO MANGALE O BANGSA-BANGSA YEHUDAKA ¹ Komanenalah ma Jou awi titah mangale o Israelka. ma Jou o si bobita ngawa-ngawaka, o dunia mananaho wahado ku,de una o sidadi o gurumi datetebi o nyawa manga rohe marabaka. ² "Igogou ,ngohi to sidadi o Yerusalem imadadi pasu, de yasi dalu bangsa manga gilolino, o susah asa ya make ma orasi o Yerusalem yosiroboku. ³ De o orasi magena, Ngohi asa to sidadi Yerusalem idadi manga momoku moi o teto magena de bangsa dangodu. de nagoona yatide done yadabo datubuso. de o bangsa asa imatolomu de yakudoti. ⁴ O orasi magenalah ma Jou Awi titah, ngohi asa o jara magena ta taaka imasihoda kawa, sidago waaaho witogosa. de ngohi asa Ai lako tapelenga o Yehuda manyawaka, de o bangsa- bangsa manga jara magena to sidadi datataro. ⁵ Magena dabolo, o Yehudaka manga sahe asa wo temo awi sininga marabaka, de o Yerusalem manga buturu ya cohono sababu o Jou dede ona. ⁶ De o orasi magena, ngohi asa tasidadi o Yehuda manga sahe koloko o boso gota uku madokuka, de koloko o uku ma rihoka moi o gandum madongirabaka. ona asa imasibiau yangodu o bangsa o magirina de o gubalika, duma o Yerusalem ona asa salalu yogoge manga rihoka. ⁷ O Jou asa wo sisalamati o yehudaka manga dadaru manonomaka, la mangale o Daud awi gianongoru de o Yerusalemka manyawa upa imapade mangale o Yehudaka. ⁸ Ma orasi magena,ma Jou asa wajaga o Yerusalem ma nyawa, la mangale yo lalamahang asa yo dadi koloko Daud, de o Daud awi gianongoru yodadi koloko o Gikimoi, koloko o Jou malaikati ya tuda onaka. ⁹ De o orasi magena, ngohi asa tomasitiari o bi bangsa yahino yakudoti o Yerusalem. ¹⁰ Ngohi asa to siguti o gurumi karunia de o gurumi gogolo o Daud awi gianongoru, de o Yerusalem manyawaka, ona asa imaginano Ngohika,yasusuru ka de asa wigari una koloko o nyawa yo gari manga ngopa yo ma tetengo de yo duka sababu una koloko nyawa manga ngopa iriria. ¹¹ De o orasi magena, done kanaga o gari isitotoore o Yerusalemka, koloko o gari o Hadad-Rimon Megido ma pido ka. ¹² O negeri magena, de o nyawa moi-moi gianongoru de manga pedeka moi-moi asa yo ari, magena o Daud Au gutiku. de manga popedeka, de o Natan awi gutiku de manga popedeka. ¹³ o Lewi magutiku de manga popedeka, o Simei de manga popedeka. ¹⁴ De dangodu o kaum ma soohu, de o kaum moi-moi de manga popedeka moi-moi.