¹ I gogou o Jou Awi wange I masi diadoka, yo koora de yosi bubula manga sidongi rabano, ² Ngohi asa ta tolomu ya ngodu o bangsa ya si binasa o Yerusalem, o kota magena yo goora tahu-tahu ma gena asa yo ko ora de ngpoḋeka-ngopeḋeka asa ya si idu masononga o kawasa o kota no de yo tagi ka doka ya umo duma ma boloi magena naga nyawa o kota ka asa ta binasa. ³ Pasa de ma Jou towi dagi de towi parangi ta lawan o bi bangsa magena koloko una wo parang de o wange ta lawang onaka. ⁴ O wange magena awi tdohu magena asa ma riho ta sari o tona itotopu o Zaitunka ya hado o Yerusalem ma simaka o wangema siwa ma sononga ka. O tona itotopu o Zaitun ka magena asa ileta sinoto de o wange ma siwa ka de o wange ma dumuka , de ima dadi o dadadi ilalamo moi. Ma sononga o tona itotopu magena asa ima tuluru koremie de o kore sara ka. ⁵ 5. Ngini asa ni lotda de nia ado o dadadi ma tala ka sababu o dadadi ma tala magena ya tuga ma gakuka ngini asa ni lotda koloko ngini o osu so ni lotḋa ma orasi o Uzia wo pareta ma kolano o Yahuda ka. De ma Jou Giki Moi de yo ma kangaho de o nyawa yo bobanari. ⁶ O orasi magena o nita lo I hiwa, o marasa awi alo, de o dipa asa da puputu. ⁷ De ipasa de o wange moi asa dema ena, ma Jou asa wa nako o puputu asa o wawange, asa I tarangi ma orasi ilangi-langi. ⁸ Ma orasi magena o ake idodo asa i uhi o Yerusalem no de ma sononga teroka isupu wange ma siwa no de ma sononga o wange ma dumu sa o do dadi maga asa ikahika isiturusu o musung da sasahu de o musung da aalo. ⁹ Ma Jou asa wadadai o kolano kadaku de o duniaka de o wange magena ma Jou wo matetengo de awi ronga ka ngai moi ka. ¹⁰ Dangodu o negri magena asa wa tagali koloko Araba-Yordan, de o geba ma bati o Rinom de ma sononga o Yerusalem ka, o kota mengena yo si dola ka daku. De o ngora I lalamo ma pupuku ka, de menara Hanael de ya ado o anggur ya aaka ma riho ka de ma kolano. ¹¹ De onyawa asa yo goge ma rabaka, sababu o kia kawa idadi de o Yerusalem magena asa idame. ¹² Komagena la ma Jou wosi guti o bala o bangsa ka de yosi binasa o Yerusalem, manga lake magena da mela, de ona yo ma oko e kadaku manga tḋohuka, manga lako magena asa da mela nanga gohore de manga latḋe magena asa damela de manga uru ma raba no. ¹³ Ma orasi magena ma hukuman ilalamo idadi ma Jou no de ya raba ona ka. De onyawa ona asa yoma teke ko coho ya amo-amo ka de manga gia ya tide ya lawani manga dodiao. ¹⁴ O Yehuda lo asa ya parang o Yerusalem ka, de manga eena ka magena dangodu yo polu de yo sigiloli o bangsa ya ngudu-ngodu. Manga guraci, salaka de manga pakiang idadala. ¹⁵ O bala magena asa ya hike manga jara, dagali o unta, keledai, de dangodu o binatang. De manga dadaru marabaka. ¹⁶ De dangodu o nyawa de ma soohuku o bangsa no ya hihinode ya lalawang o Yerusalem ka. De asa ya hino o taongu yosi geto-geto de ona yo suba ma kolano ka, enagena o Jou dipa de o tona ka, de ya hino yosi rarame, manga wange ilalamo pondok daun. ¹⁷ Nako ma orasi ka de o kaum Yahudi no o Yerusalem de o Yosua ma kolano ka ena gena ma Jou odipa de o tona de ona muura ya raba wa. ¹⁸ Nako o kaum Mesir ya hino wa de awi risima wa ona asa ya makewa o muura. De ona o bala asa ya duguti ku ma Jou no de o bi bangsa yo hoholu ya hino yosi rarame manga wange ilalamo o pondok Daun. ¹⁹ Manenalah o hukuma o Mesir ka de o hukuman dangudu bangsa yahi hinowa manga wange ilalamo Pondok Daun ²⁰ O wange magena o jara I rupa-rupa asa I si lefo da tetebi mangale o Jou ka de o bi kawali ma Jou Awi tahu ka asa ima dadi o bi bokol de yosi osi o mesba ma simaka. ²¹ Dangodu o kawali o Yerusalem ka de o Yehuda ka asa idadi datebi ma Jou o dipa de o tona, de o nyawa ya ngodu asa manga suba ya aho de ya hino ya ḋehe de yo sakahi marabaka. O orasi magena yo masi I ija ya hiwa ka ma Jou Awi tahu ka o dipa de o tona.