¹ Ma orasi o Yehuda de o Benyamin manga saturu yo gi ise kia ka obi nyawa ya u'umo, o Israel kah manga Jou awi tahu isi goko, ² Ona ya hino o Zerubabel de o Bolu menga tutuda kah de yo temo ; " tanu nimi si maha la ngomi lo mi manara misi goko dedengini sababu i matero moro ngini, ngomi lo miwi sari nia Jou, de ngomi loh mia aho kah mia suba moi-moi una kah, ka ma orasi o Esra Hadon o Asur manga kolano womi ngaho nonena. ³ Duma o Serubabel, Yosua de obi Israel manga bobolu ma tutuda yo temo ona kah " ngini nia hali dede ngomi na i hiwa mangali mi si goko mia jou awi tahu, duma ngomi masirete mi ngodu-ngodu, asa misi goko oh Israel kah manga Jou awi tahu i materto maro ma kolano Koresh o Persia ma kolano awi bobita. ⁴ O daerah magena manyawa loh yo si ceke o Yehuda ma nyawa manga sininga de ya si momodo ma orasi yo si goko. ⁵ O daerah magena manyawa lo ya sewa o nyawa i papade la ya lawani o Yehuda ma nyawa la manga edekati magena upa i dadi ma oras o Koresh o Persia manga kolano wo pareta sidago lo o Darius o Persia manyawa manga kolano wo pareta. ⁶ Ma orasi o Ahaswero wo pareta ma nonoma si de ona o Yehuda de o Yerusalem manyawa o dorou moi-moi ya gaka de yo si lefo. O ISRAEL KA MANGA SATURU YO HOLU O YERUSALEM ISI GOKO KALI ⁷ Ma orasi o Artahsasta wo pareta, o Bislam, Mitredad, de Tabeel de lo manga dodiao o surati yo lefo o Artahsasta o Persia ma kolano kah. O Surati magena ya lefo mote o Aram kah manga demo de mangale lo mote o Aram kah manga demo. ⁸ Ma Gubernur Rehum de o Simsai wo lelefo o suratri ya lefo makolano Artahsasta mangale o Yerusalem ma demo komanena : ⁹ Ma Bupati Rehum wo lelefo Simsai de manga dodiao masomoa li, o bi hakim, gubernur, o bi nyawa yo momanara, o Persia manyawa, Erek manyawa, o Babilon, de o Susan manyawa ena gena o Elam mangopa de ma dano, ¹⁰ De o bangsa-bangsa ma somoa kia ka o Asnipar wo lalamo de wo momulia wa umo de wa si goge o Samaria ma kota ka de lo o riho ma somoa li o selera ma sononga ka. ¹¹ O surati ma genena gena i matero maro o suratui ya lelefo ka de yo si dingo. " ma kolano Artasasta ka, ani gilalo-gilalo no de o nyawa o selera ma sononga ka. ¹² Kolano, "tanu o hali manena na nako, kia ka o Yahudi ma nyawa, ngona ka de ya kahino ngomi no o Yerusalem ka yo masi di adoka. ona isi goko kali o kota i fafasik de da totorou de ma tembok-tembok lo da bolo ka de o sosode isi di ahi. ¹³ O orasi manena tanu na nako kolano noko so o kota manena yo si oko ka de ma tembok-tembok lo isi bolo ka done o balasteng, o ngingike, delo o leo ma somoa asa yo fangu kawa si dago o hali magena i dadi sababu no rugi de ani arata lo i doga wa. ¹⁴ O Orasi manena o gasi mia otdo lo masi hino ka o kadaton no de i patutu wa mia kelelo misi madte kolano so ngomi o surati mi sidingo de mini si ngangasu, ¹⁵ la ngona aku na tai lako ani ete de ni topora manga jarita buku ma bara no done ngona asa na make de na nako kia ka o kota manena na o kota i fafasik, sidago o kolano-kolano de lo o daerah-daerah lo ya si rugiki ka. O orasi i dtodtoma si ona de ona selalu i ma teke kodoti ma sababu magena o kota magena ya binasa de ya turaba. ¹⁶ Ngomi mini si ngangasu ngona ka kolano nako so o kota magena isi goko kali de ma tembok-tembok lo ya manara dabolo ngona ani gimina o selera ma sononga ka gena i hiwa ka ¹⁷ de ma kolano wo sango manga surati magena, ngini Bupati Rehum, o Lelefo Simsai, de nia dodiao ma somoa yo gogoge o Samaria ka de masomoa li o selera ma sononga ka tabea ¹⁸ O surati ni si didingo ngomi no gena ya baca ya totiai ka ai sima ka ¹⁹ Ngohi ai bobita ta hike ka nako nia sari ka de nia make kiakah o kota magena o orasi i dtotdoma si i ma oko ka de ya lawani o kolano o kudoti de o hiyanat i dadi kah o kota magena marabaku ²⁰ Okolano-kolano da poputuru lo yo kuasa ka o Yerusalem ka de o balasteng ongo ngike de o leo moi-moi lo yo fang ona ka ²¹ Ma sababu magena o bobita nosi supu mangale o binyawa ona magena la yo ma togu yo manara de o kota ma gena lo upa he yo si goko kaloi ma bati o bobita i supu kali ngohi no ²² Ni masi dodiahi upa sidago o hali manena ka nia tdoha ka da do oha so hali ma doruo magena yo dogo-dogo sidago o bi kolano-kolano yo rugi ²³ Ma orasi o surati ma kolano Artasasta no ya baca o Rehum, de o lelefo Simsai e ona manga dodiao i ma cocapati i tagi o Yerusalem ka o Yahudi manyawa ka, de manga manara yosi togu ya pakisa si dago lo manga gia yo si jobo O MANARA MANGALE MA JOU I SI GOKO YA TOGU ²⁴ Magena da bolo de o manara mangale ma Jou awi tahu o Yerusalem kah gena i togu ma bati o taong ma sinoto ka ma orasi o Darius o persia ka manga kolano wo pareta.