¹ Ma orasi o ngoosa ma tumudingi ya ado, de o'Israel manga gutiku yo gogoge manga bi kota ka, de o bi nyawa yo ma tolomu i dadi bolo moi o'Yerusalem ka. ² de o'Yesua, o'Yesadad awi ngopa, de awi gia nongoro, ode o'Imam de o'Serubabel, o'Sealtiel awi ngopa de manga gia nongoro ya aka awi susuba ma riho o'Israel ka manga Jou, mangale kagena manga suba ya tupu i matero maro o'Musa ma Jou awi leleani wa lefoka. ³ ona gena o'suba ma ngihi yosigoko ma riho i tdotdoma ka sababu ona yo mado o,doku maduhutu ka ona yo si suba manga suba ya tutupu ma jou ka, i langi-langi de i matda-matda. ⁴ Ona lo ya aka o'pondok daun ma wange ma rarame, koloko i si lelefoka, de yo si suba o'suba ya tutupu wange yo si geto-geto mote de manga gegeto yo si tatapu mote de atorang wange yo i si geto-geto. ⁵ Pasa de i togu-togu wa dema ena o'suba i tutupu komegena lo mangale o'ngo'osa da momoane de mangale o'wange ilalamo ma jou wa tetebi ka, de o'nyawa moi-moi no ode manga suba ya hike ma jou kah de manga sininga i totiai. ⁶ Ma wange ma nonoma ma ngoosa tumuningi ka, ona yo solano yo si suba manga suba ya tutupu ma jou kah, ngaro ko ma Jou awi tahu ma sosetde ya hadu wa asi. O'JAU AWI TAHU YO SI GOKO KALI ⁷ De ona pipi ya hike o teto ka de o gota kah yo mamanara ; de o ino, de o ake, de o gososo, o'Sidon de o'Tirus ma nyawa kah, mangale ya aho gota Aras o'Libanon no sidago o'Yafo ma teo ma bati kah, kolo ma kolano Persia, o'Koresh wa si maha ka. ⁸ Ma taon ma sinoto ma oras ona yo masidiodu ma Jou awi tahu o'Yerusalem kah, de ma ngo'osa sinoto Zerubabel, o'Sealtiel ma ngopa, de o'Yesua, O'Yozadak ma ngopa de meng ria nongoru, o bi Iman de o'Lewi ma bi nyawa, de o nyawa ya ngodu yo liliho o'gugumo no, yo solano ya manara o'Yerusalem. ona ya sulo o'Lewi ma nyawa manga umuru o,taong monahalu de i kahie mangale ya nanano o,manara ma jou awi tahu kah. ⁹ Kagena de o'Yesua de awi ngopa-ngopa de awi gia nongora, de Kadmiel de mangopa-ngopa ona mageno o'Yehuda ma gutiku ona ya ngodu-ngodu ya nanano yo mamanara ma Jou awi tahu kah. koma geno lo o'Henadad awi gutiku, mangopa-ngopa de manga gianongoro, ena gena o'Lewi manyawa. ¹⁰ Ma orasi yo mo mamanara ma Jou awi tahu ma sosotde ya hado, o bi'Imam lo ya hino de manga juba yo masitibaku de manga trmpet ya coho no, de o'Lewi ma bi'nya o Asaf awi gutiku o ceracap ya aho mangale o Jou wi puji koloko, matero maro ma kolano Daud wosi tatapu kah. ¹¹ De ona yo nyanyi yo ma koka sango ma Jou wi si giliri, de manga syukuru ya tide ma Jou ka, de i temo : "Sababu awi laha ", Sababu awi dodara o'Israel ka kasi dutu i kakali. o'nyawa ya ngodu wi giliri ma Jou de manga ili ya lalamo sababu ma Jou wi tahu ma sosotde ya aka da boloka ¹² Duma o Iman ya dadala o Lewi ma bi nyawa de gia nongoro manga tutuda ena gena o'nyawa-nyawa ya kokelelo ma Jou awi tahu manonoma ka de yo ari manga ili ya lalamo, ma orasi manga sima kah de ya hado o Jou awi tahu ma sosotde. de magena o nyawa ya dadala yo more sababu ya nali. ¹³ o nyawa-nyawa yo simake wa naga yo nali de ekola o'ili yo ari, sababu ma bi nyawa yo more-more manga giliri de manga ili yo ise bati ikakaku ka.