¹ Ma orasi o dodadi, ma kolano Ahasyweros Haman awi tide, o Hamedata awi ngopa, o Agag ma nyawa, una wisidola de wisigoge kadaku yangodu o nyawa yalalago. ² Ma kolano awi leleani o gerbang ma ngoraka yo ma puguku de yo suba o Hamanka, sababu ma kolano asa o pareta duma o Mordekai o holu wisuba. ³ Kagena de, ma kolano awi rorio, o ngora ilalamo, yotemo o Mordekhai ka, "dadoohaso ngona ni holu nisiduduga o makolano awi bobita." ⁴ Dabolo de ona awi sidapano o Mordekhaika wange isi geto-geto de una o holu o ise onaka de ona asa yo singasu o Hamanka mangale yanako idodoohaso Mordekhai o matahan sababu una asa o singangasu onaka sababu una o Yahudi ma nyawa. ⁵ itekawaali o Haman wi kelelo mordekhai wo holu o ma pugu de wo suba o Haman dadi wo ngamo. ⁶ De una o manginano to una awi rohe rasa o masikudahu nako una o Mordekhai wisibodito sababu o nyawa yo singangasu Mordekhai awi bangsa unaka. O Haman wa usaha wa tooma yangodu o Yahudi, ma nyawa o bangsa Mordekhai ona o Ahasyweros awi pareta marabaka. ⁷ O ngoosa ma nonomaka, ena gena o ngoosa nisan, ma waktu o ngoosa mogiowo de sinoto ma kolano Ahasyweros awi pareta marabaka, so ona yaumo o pur, de o jojobo, O Haman au simaka ma wange isi geto-geto de ngoosa isi get0-geto, sidago ngoosa mogiowo de sinoto, magena o ngoosa adar. ⁸ Kagena de, o Haman wotemo ma kolano Ahasyweroska," kanaga bangsa moi imasibiau de yogogoge obi bangsa-bangsa, ani bareta ma daerah marabaka. Ona manga atorang imatero wa de o bangsa ma somoa, de ona yo mote wa ma kolano awi atorang, de ipantas wa na dohaka kanena yogoge. ⁹ Kolano nako no mode o bibita no sisupu la ona pabinasa de ngohi asa toni hike salaka o talenta o cala mogiowo (10.000) O nyawa yomomanara manga gia ma sohaka la isi ngosa to ngona ani arata marabaka. ¹⁰ Kagena de, ma kolano wahoi awi ali-ali ma raragano, de wa hike O Hamanka O Hamedata ma ngopa o agag ma nyawa, yahudi ma nyawa manga musuh. ¹¹ Ma kolano o temo O Hamanka, salaka de o binyawa magena gena to ngona, o kia nanano daloha." ¹² Ngoosa manonomaka, ma wange mogiowo de saange, ma kolano wa aso awi nyawa yolelefo, de ona yosilefo imatero maro o Haman awi bobita o bi kolano o daerahka de o bareta yakokuasa o bi daerah ka, de o bi nyawa ikukuasa imatero isilelefo marabaka de mote to ona manga demo. Bobita magena yosilefo de ma kolano Ahasyweros awi ronga de yo sisaha de ma kolano awi ali-ali masirete. ¹³ surat-surat magena yo sidingo ma kolano awi daerah la yaturaba, ya tooma, de ya binasa O Yahudi ma nyawa yangodu, goho-goho sidago bebereki ngopetdeka de o ngopa-ngopa, de yakoora o Yahudi ma nyawa manga arata, wange moi maraba, de o wonge mogiowo de saange, de o ngoosa mogiowo de sinoto magena o adar mangoosa. ¹⁴ O surati yalelefo de isingongasuka magena idadi o hukum o daerah-daerahka de isingasu o nyawa dangoduka la ona imasadia yodamaha wange magena. ¹⁵ O susulo magena yo ma jobo yomacocapati mote ma kolano awi bobita de bobita magena isi ngongasu o susan ma kadatoka. Ma kolano de o Haman imatame de yo udo-udo duma o susan ma kota irame.