¹ Ma orasi o dodadi manena ipasa, ma orasi ma kolano Ahasyweros awi doosa isisa, una ongo Wasti womisininga o kia waaakaka de wositatapuka ma ngale muna. ² Kagena de ma kolano awi bi leleani, yotemo, " O ngopedeka ka momasigogohosi de ami jamani daloloha nia sari ma ngale ma kolano. ³ Tdoha la ma kolano wasulo awi nyawa yomomanara o daera isigeto awi bobareta ma rabaka ma ngale ona yotolomu o ngopetdeka yomasigogohosi de manga jamani daloloha dangodu de o kadato Susanka yangaho. Ona done yangaho o riho moika de o Hegai ma kolano awi nyawa yomomanara moi wasiroriri. ⁴ Kagena de, o ngopetdeka ma kolano wadudupa yodadi awi petdeka ongo Wasti ami dagali." O gololo magena ma kolano wanano daloha, de waaka. ⁵ O kadato Susanka o nyawa moi awi ronga o Mordekhai, o Yair ma ngopa, o Simei, ma ngopa o Khis ma ngopa, o Benyamin ma nyawa, ⁶ ode yangaho o Yerusalemno imakangaho de o nyawa yauumo ode yatatago imakangaho de o Yoyakhin, o Yehuda manga kolano ode o Nebukadnezar, o Babel manga kolano wangaho. ⁷ Una o Hadasa wisilamo, ena gena ongo Ester ma babadodo awi ngopa ngoptdeka sababu muna ami awa de ami baba yahiwaka. O ngopetdeka magena duruhe ami jamani daloha. Ma orasi ami baba de ami awa yosone, o Mordekhai womi ngoso de womisidadi awi ngopa masirete. ⁸ Ipasa de ma kolano awi sulo ode wositatapuka yangodu yoise, de o jojaru yangodu imatolomu o kadato Susanka, de o Hegai wasinanano, so ongo Ester lo ma kolano awi kodato ma rabaka mingaho, o Hegai wodadi o ngpetdeka ma jojaga. ⁹ O jojaru magena daloha manga goginanoka awi galusiri,Hegai asa wahike de ibao wewangian de o ino damomonge,de yatumudingi manga nyawa yo leleani yasigoge ma kolano awi pareta marabaka. ¹⁰ Ongo Ester momasingagasuwa ami tahu maraba moi masihino sababu o Mordekhai womisimahawa. ¹¹ O wange isigeto o Mordekhai wotagi-tagi o ngihi o ngopetdka yogogoge ma loloha ma simaka ma ngale wanako ongo Ester ami oho de o kia idadadi munaka. ¹² O ngopetdeka mageto ka yomasigogohosi o gimina ya make ma ngale yowosa ma kolano Ahasyweros wirisima, magena dabolo muna mipalihara madeka o ngoosa mogiowo de sinoto mote de o kia yositatapuka mangale o bi ngopetdeka magena, sababu o orasi dangodu yapake mangale o bou daloloha yasipake: o ngoosa butanga de o mur ma gososo, o ngoosa butanga de o kasai ma gososo, de o bou daloloha ma somoali. ¹³ Kagena de, o ngopetdeka imasigogohosi ma kolano wirisima, de dangodu muna modudupa gena done munaka yahike ma ngale yaaho manga riho yogogogeno ma kolano awi kadatoka. ¹⁴ Imatda-matda ma wange, muna mowosa de ma orasi ilangi-langi muna momakiliholi manga riho yogogogeka, de o Saasgas ma kolano awi nyawa womomanara mangale ma kolano awi bi petdeka wajajaga wasinanano. O ngopetdeka mimoi done ma kolano wirisimakawa, duma nako ma kolano womidupa de asa ami ronga waaso. ¹⁵ Ma orasi ongo Ester, o Abihail ma ngopa, o Mordekhai ma babadodo, ode ongo Estar mitide modadi awi ngopa, o gimina ma make mangale ma kolano wirisima, muna o kia-kiawa mogolo duma ka o kia o Hegai, ma kolano awi nyawa womomanara, o ngoptdeka wajajaga wosusuloka. ongo Ester ami sininga maloha mosidumu o nyawa yangodu manga simaka nako muna mikelelo. ¹⁶ Muna mingaho ma kolano Ahasyweros wirisima o kadatoka ma ngoosa mogiowoka, ena gena o Tebet ma ngoosa, ma taongu tumudingi ma kolano wopareta. ¹⁷ Ma kolano ongo Ester womidupa ifoloili de ongopetdeka ma somoa, de muna ma make o dodara de o sininga ma loha ifoloili de o ngopetdeka ma somoa yangodu, so muna o kadato ma tuala ami saheka yosingado de misidadi ma kolano awi petdeka ongo Wasti ami dagali. ¹⁸ Kagena de, ma kolano o rarame ilalamo waaka ma ngale o nyawa yalalago yangodu de o nyawa unaka yomomanara, ena gena o rarame sababu ongo Ester. Una lo wosingangasu o wange ilalamo magena o daeraka dangodu de o parasengi wahike mote de awi sininga ma loha. O MORDEKHAI WANAKO O EDEKATI DATOTOROU ¹⁹ O Mordekhai ma kolano awi kadato ma ngora ilalamo ma orasi o bi ngopetdeka mangale ma sinotoka ona yapolu. ²⁰ Ester mosingangasu wa ami sihino de ami bangsa ,koloko o Mordekhai wa popareta. Sababu Ester manako o Mordekhai awi pareta koloko una wipiara . ²¹ Ma orasi moika, pasa de Mordekhai wogogeku o ngora ilalamo ka makolano awi istana, Bigtan de o Teresh, yasinoto ka o ngora yojajaga,idadi yongamo de o ngeko isisari mangale makolano o Ahasyweros wi tooma. ²² Duma, o Mordekhai wanako o hali magena , de wosijarita ongo Esterka, de ongo Ester mosi ngangasu ma kolanoka de Mordekhai awi ronga. ²³ Tekawa de o hali magena yatailako de magena igogou, de yasinoto wisuru de wiliko o golingasuku de o hali magena yalefo o kadato ma bukuka o kolano awi simaka.