¹ Kagena de o mordekhai wanako dangodu magena, okia idadadika de una awi baju warojo de womasingado o duka ma baju de o gaapo, de o doku marabaka una oma totoore de wiili ma dorou lo isupu. ² de wotagi ma gakuka o, ngora ilalamoka, o kolano awi istanakah o duka ma baro wo ma singadoku. ³ Ma kolano Awi pareta de o atorang o daeraka moi-moi.ka doka, o duka maena o Yahudi ma soaka, isimote de yo puasa, de yododora, de yomasi talake o duka ma baro de o gaapo. ⁴ Ka gena de ongo Ester ami susulo Yohika yosingagasu omasala magena maratu misininga isusah. De o baju mosi dingo la Omordekhai womasingado de awi duka mabaro maga wa hoi duma o Mordekhai woholu. ⁵ so kagena de ongo Ester O Hataka womi aso la manga susulo amitumu mosidailako unaka de yotagi, O Mordekhai lawa nako okia magena idadi de do,oha so magena idadi. ⁶ De ohata wotagi o mordekhai o,kadato ma simaka. ⁷ de wosingagasu unaka dangodu, o bi hali wa ma maloka kikia ka o pipi wisigajajika, O Haman wi make makolanoka la watooma o Yahudi ma nyawaka de yahike o surati magena de yosidumu deyosingagasu ongo Esterka. ⁸ la ongo Ester Motagi ma kolanoka demosuba momasigolo unaka. ⁹ O Hatah wotagi de wosingangasu ongo Ester mibeseso o Mordekhaika. ¹⁰ Duma ongo Ester masingangasu o Hatahkah o mihike o popareta o mordekhai, de wotemo . ¹¹ dangodu o kolano wisusulo o nyawa yadadalaka yaki oso la o momoku moi wihike ona gena wisosone, de o kolano wosiguti to una awi didiki guraci lawo oho, duma makolano wo sangowa madeka o wange moruwange. ¹² ona yosi jarita ongo Ester de o mordekhai manga jarita. ¹³ kagena de o Mordkhai watemo ongo Esterka, upa wotemo ngona o istana marabaka. Ngona asi ni palako o Yahudi ma nyawa. ¹⁴ Sababu nako ngona noma ririhika oras manena o ririwo de nisipalako o Yahudi ma nyawa manga soano, duma ngona de ani ria de gianongoru asa ni sone. ¹⁵ ongo Ester motemo, o Mordekhai awi demo asa matiai. ¹⁶ notagi de natolomu yangodu-ngodu o yahudi manyawaka. De nasulo yo puasa mangale ngohika: upa yo odo de upa youdo sidago o wange saange o puputu de o wawange. De ngohi de ai susulo asa mi puasa koloko de ngini de ngohi asa tahika ma kolanoka, ngaroko ima teke kadatewa de o hukum; nako ngohi asa tosone, de tosone. ¹⁷ De o Mordekhai, wotagi, de waaka kikiaka ongo Ester ami pareta.