¹ Kaku naung, aulangse iini ue ateinge niang ? iing ba taurat e hukung ateing angu naung na ue iat mateng hula, aulagse Taurat e hukung ekavasa angu metma nehe nnu adana angu, ana jedung abeta sehi ? ² Aulang anguba nehe jangu nu ana mehal medit ilase, hukung esar met ing partat anung vaila iabetang omimi, arunge misavaka nehe mehal angu ana amina se nikan ehukung angu ana eahalang ila. ³ Anguba naba se nehe jangu ba emehal jedung abeta sehi, ana bot ila nehe mehal abeung at abeta at abeta , anga nehe engmatengse hula jangu jasi via mi lamal , arungbase misavaka emehal angu ana amina , sengse ana bot mehal aeung at nikah, anguseana hukung angu eahalang bot nehe bae hula aing angu nehe jangu jas niang. ⁴ Aulangbase kaku naung , serang naung,iingdi Taurat ehukung angu ebele, iini Kristus Eboa omimi aminat ial, aulange ing metma nehe abeung veg, Aing anguba nehe aminag ehama mi abetat ila, aulange pihi angu metma Lahatala enang. ⁵ Anguba minu pi jedung pi boa ipi omimi abeta sehi , alil amara ,jasi ahala, ba hukung Taurat ana vengkarajang angu, ue pi boa ipi omimi anguba ehi angu amina pi harak. ⁶ Aulang arungbase,angsenehe ping metma Taurate hukung angu eobialang ila, aulange nababa turang metma pitamadi ening angu ana ameang;aulange pi belenta vede anga , kilang Roh hamulang omimi, ua hukung Tura ehurak angu amulung. AHALANG AVALI BOT TAURAT EHUKUNG ⁷ Aulangse nababa hula pi bot vengmateng? Aulangse hukung Taurat angu ahalang avali? Oma niang! mateng emi aung se hula, nabae ahalang avali angu aeing niang; kcuali na ue taurat e hukung angu eamulung , anguba Na oma bae manggarati niang, emateng se hula nehe e pasaka angu omi metma midadang, kalu hukung Taurat ana bae vengbanang niang, "eke omi mi dadanang." ⁸ Aulang arunge, ahalang avali angu ana emana medit ue parenta omimi, anguba naba arinu nomi metma midadanang se,ehi angu metma nediri adana, anguba Taurat ehukung angu niangse ahalang avali oma amina. ⁹ Na Tura abet angu Taurat ehukung ue niang, aerunge minu hukung angu hoa, ahalng avali abeta , naing oma amina; ¹⁰ bot Parenta emolo anguba ping baning metma abetang haak, anguba ana napang pinat aminang via mi. ¹¹ Anguba ahalang avali angu ana vi alaping ue ehukung omimi, aulange naing kabule bot na meang. ¹² Base Taurat ehukung angu hamulang , bot hukung angu di hamulang, molo una bot aung. ¹³ Aulangse nababa molo una angu aminangbaning hoa metma ma nenang? arungbase niang ! ahalag avali angu ehiba amina, Na nomi vaila nababa eaung angu omimi,aulange ana matubing hula , etabit ahalang avali ngu hukung omimi, minuse ana eahalang eavali angu ava matubinh. HUR TEVELUNG UE PI DIRI OMIMI. ¹⁴ Anguba pi ateing hula Taurat ehukung angu, ue Roh omimi,arunge naing anga naneng manusia base ahalann avali naing abalit ila. ¹⁵ Angub nabab na ening angu na manggarati niang, evengbanang hla naba na ening angu nom bae midadanang niang, arunge nababa na ehura anguba na ening. ¹⁶ Aulang arungbase, na hula nababa ue nomimi dadanang bot vengkarajang , angse nandi vengjalit hula Taurat ehukung angu naung ¹⁷ Base angse ual naing bot vengkarajang, arunge ahalang avali angu nomimi abeta. ¹⁸ Anguba Na ateing se nababa aung hama angu bae ae nea betang omimi niang, ue ne boa ipi omimi, anguba nejaling angu ue ne diri omimi, arune hula eung ening angu niang ¹⁹ Angub naba eaung angu nabae vengjalit vengkarajang niang, arunge ejasi ba na vengkarajang bae nejaling amulung niang ! ²⁰ Base na hula nababa na vengjali niang anguba na vengkarajang, angu ual naingba hula vengkarajang arunge jasi ahala ba ae nomi angmi abeta. ²¹ Base hukung anga na ateing ila, anguba , taangmina hula aing hamaangu ening, jasi ahala angu angudi ue nat hama - hama ²² Anguba, Na oma Lahatala eukung anguba metma nomi angmi. ²³ Arungbase, na eulingse hukung eabeung di ae ne boa ipi omimi. iava vilit metma hukungba na veng ukur vengande anga lavang, bot naing metma ahalang avali ehukung ae ne boa ipi ngu adana.