¹ Aulangbase angse neheba Yesus Kristus omimi abetabae hukung metma ia niang. ² Anguba Yesus Kristus e hukung Roh abetang omimi ana ing metma jasi ahala bot aminang ang eolat ila ³ Anguba nababa hukung Taurat ana ening niang angse hula pi abua moleng,turangmi Lahatala ana ening ila ana oal gahing emenghula manusia bajasi ahala metma manusia jasi ahala vengapina ;Ana jasi ahala angu aing hukung ue eoa ipo omimi. ⁴ Aulange hukung Taurat angu ana tangkanap ue pia betang omimi, ual pi ua mi arunge Roh eamulung. ⁵ Anguba nehe abetat eabua omimi angu , iini naba iabua e anguba iini vengukur, arunge neheba Roh omimi abeta se naba Roh anguba vengukur. ⁶ Anguba hula ukurba met piabetang vengmea ue pibua omi se oma aminang harak, arunge ukur ba metma Roh omimi angu se abeta tominu tahanu. ⁷ Anguba ukur ba ue pi bua mi angu se Lahatala aing lawag evengmateng hula ana bae Lahatala e hukung angu vengtou niang bot ana bae ening niang. ⁸ Bot iingba abetat iaua omimi angu bae Lahatala omi ot sanang niang. ⁹ Aulang arunge iini bae iabua omimi abeta niang, arunge ue Roh omimi, iini hula etabit Roh omimi abeta,angu vengmateng hula nababa Roh Kristus ue aing vengniang se aing angu bae metma Kristus eiba edena niang. ¹⁰ Aulangarungbase hula Kristus ue iomi mi abeta s iboa ipi angu jasi ahala omimi abeta base iini amina arnge Roh angu abeta ue molo uba omimi. ¹¹ Aulang arunge have Roh aingba Yesus Kristus ot bale abeta angu ue iomi mi, anguse aingba Yesus Kristus amina bot ot abeta angudi oma aingba iboa ipi moleng angu aminadi ERoh omimi iini abeta. ¹² Aulangbase kaku naung serang naung, ping anga jedung ae ua tevang arnge ual pibua omi, ejaling angba amulung. ¹³ Anguba have iini abetat iabua omimi, angse iini amina arunge hula Roh omimi se iini, nababa vengkarajang metma iboa ipi omimi angu iini ening ameang angse iini abeta. ¹⁴ Aulagbase nehe emampi iba Lahatala E Roh anan tat toang pina se ping angaba Lahatala oal. ¹⁵ Anguba iini bae Roh malea angu medit iot malea niang bot vengbaroti niang, aringe iini Roh ba iing ahit metma Lahatala oal ening ila bot Roh angu omimi anguba piarut aingba Nimang. ¹⁶ Roh angu metma pi Roh angu veng Esaksi ening hula ping angaba Lahatala Oal naung . ¹⁷ Bot hula ping angaba val anguse pingdi Lahatala aol idat metma Kristus veng, bot pi hula etatabit hula oot susalala omimi se , pingdi hamulang kadulang met ing veng LAHATALA OMA HAMULANG KADULANGMET OAL NAUNG IENANG ¹⁸ Angua NA vengnomi se hula susahlala vea aga bae Lahatala ehamulang ana met pi tubing oleh hama naing. ¹⁹ Anguba naba ahami ateni angu naung emampi jedung iomi met Lahatala oal idat angu vengitubing. ²⁰ Anguba nababa ahami ateni angu naung emampi egunang niang anguba vengtou , ual ejaling eamulung, arunge Aingba emampi at hela medit ila ue ivengpinaanguba eamulung. ²¹ Aulange nababa ahami ateni angu di iing met jasi ahala vengmalea eola etahing vaila Lahatala oal idat hamulang kadulang omimi. ²² Anguba pi ateing hula nahami ateni angu emampi hoa anga vengjehi anga iatou tamadi bot hula vengajai se iini vengdira. ²³ Bot ual hula anguba enang kolang arunge ping di Roh ehi mutu pi ae vengtoda, ping ahi atela emenghula Val ba pio boa ipi sai angu ading baing. ²⁴ Anguba tomi metma vengpina, pi salamat omimi arunge pi vengpina angu pi ateingse bae aing niang, angse hula nababa omi metma nababaana ateing ila angu mi anamang? ²⁵ Naing anga manusia jasi laka! Nubaba oma neboa ipi anga me salamat omimi ? ²⁶ Aulang arungbase, Roh ana ping moling ue pi moleng mi; arunge pi apoang niang hula pi etatalang sambajang, arunge Roh anguba na sambajang met pienang. ²⁷ Bot, base ne budi anga ba na metma Lahatala ehukung ang vengbalenta , arunge ne boa ipi ang na metma jasi ahala vengbalenta.