¹ Aulangbase nabaa i bot vengbanang? Aulangse pi kilang ahalang avali anguba pi vengkarajang metma piabetang omimi Eanuerah angu taang toang metma pienang? ² Oma aulang niang! bae aulang niang, pingba ahalang avali omimi aminat ila angu jedung ue omimi abeta ? ³ Nianghe iini bae ateing niang, evengbanang hula ping emampi angu ue jarsarani met pienang ila, ue Yesus Kristus eamiang omimi ? ⁴ Aulang anguba peng metma aing venghama nehe ping tsloul is minu nehe jar sarani angu mapinang uee eaminang omi angumi;Aulange emaghula Yesus aing ba bale abetat nehe aminang omimi ue imang ehamulangkdulang omimi bot pingdi lamal se abetang angu omimi. ⁵ Anguba have nehe ping metma aingveng amung ila ue eaminang angu ot tengkanap , minuse bot ping metma aingveng eabetang omimi aing edadenang. ⁶ Pi ateing se hla manusia evemang ang piing metma Kristus venghama venghilit ila, bot piboa ba jasi ahala veng anga pi bae biana ila,anguba pi jedung jasi ahala angu vengmalea sehi. ⁷ Anguba nubaba ana aamina se ana jasiahala angu ana bae vengkarajang niang. ⁸ Angase ping di Kristus at aminat ila base pitomi venganamang hula ping di bot at hama abeta. ⁹ Pi ateing vengbanang hla Kristus ba aminat ila angu ana bot bale abeta ila ue nehe amina niang, aminang ekavasaa angu aingtaang hela niang. ¹⁰ Aulangbase, Eamina angu, jasi ahala anguba ana amina.minu kolang aulang ejehing abunge eabeta angu ue Lahatala omimi. ¹¹ Aulang diba,ingdi kudi iava rasahula iini amina angu jasi aha omimi amina, bot iini abeta angu metma Lahatala Yesus Kristus omimi ¹² Aulangbase, iini ekevengkilang , jasi ahala ekavasa anguba iboa ipi angu parenta ekang bot iini eke ejaling angu eamulung. ¹³ Bot iini eke eboa ipiangu metma jasi ahala enang ekang, arungbase iboa angu metma Lahatala enang, aing anguba abeta , ue aminang ehama omimi. Bot iboa ipi angu ening molo una metma Lahatala adana. ¹⁴ Evengbanang hula jasi ahala ekavasa angu ba iing taang hela niang, anguba iini bae abetat Taurat eparentat aing ivang niang, arunge iini anugerah anguba ivang. MALEA EMAMOLO ¹⁵ Arungbase nababa pi hula ening ?Aulangse aungba pi eke jasi ahala angu ening ekang, evengbanang hula , pi bae Taurat eparentat angu amulung niang, arunge anugerah aingivang ? Angu bae aulang niang! ¹⁶ Minu mise iini kudi ateing taang mi iini iavaba idiri angu eing emenghula malea edadenang , bot iini nehe nu anguba aing vengtou , iini iava metma neheba iini vengtou angu vengmalea,iini hula jasi ahala anguba iing baning metma amina via angu adang ila, niange molo e una ba iing baning metma vengtou vengliu. ¹⁷ Arungbase, Lahatala tajaning palevang evengmateng hula iing anga turase iini jasi ahala angu vengmalea , angase iini iomi metma vomung pahang ema molo ba nehe metma iavomung ila anguba iini vengtou ila. ¹⁸ Bot angu ebele anguba nehe iing metma jas ahala angu etaloing ila, base ing metma molo una angu emalea ening. ¹⁹ Naba na vengmateng anga mang vengada bae emenghula ing manusia ibua angu moleng haleng, emenghula turang mi iini iava iiboa angu metma jasi ahala emalea ening ila, bot ikavasa angu. ²⁰ Aulangse nababa metma iiuntung ening iini ue ateing , bot iini iava vengaloring angu ? aing angu ba evengabang ilase ana aminang harak. ²² Aulang arungbase, anga se jasi ahala benang Lahatala ana metma emalea ening ila,bot iini jasi ahala angu eahalang ila, iing anga ba metma abetang angu ehi ening,hamulang kadulang ila evengbanang se abetang avening iini harak. ²³ Anguba jasi ahala angu ebili ba minang,Mutu Yesus Kristus ekarunia angu metma abetang avening omimi ma pi enang.