¹ Hula aulang se ingbaYahudi angu naung nababa i toang ening, niange nababa metma iuntung ening? ² Mangtoang rae ue na arinu omi mi angu, ing anguba Lahatala amal angu iomi metma venganamang. ³ Aulangdi have nehe aedeng iomi met venganamang niangse , Lahatala omi metma ingveng mia anga iini vengtering ? . ⁴ Emampi angu e niang? Lahatala anguba molo una minanu se nehe iba ava kabule emenghula ue hurak vengbanang , Aing angu nehe vengbanang hula amateng anguba etatabit emamolo. Mazmur eela ari ising belta nu, evemateng emi taling." ⁵ Aulang arungbase haveba pi molo una niang di pimolo una angu metma Lahatala apang adang mitubing se nababa pi hula vengbanang? Aulangse pi hula vengbanang Lahatala angu bae molo niang di pi molo ba ana ping hukung ? ⁶ Arungbase niang hula aulangse tatalang Lahatala ana poralolang anga vengadang taaning ? ⁷ aulang arungbase haveba Na kabule anga, metma Lahatala emolo ena angu ot hamulang kadulang, se etatalang ba nehe jedung nejasi ahala angu veng naang taaning sehi ? ⁸ Bot emenghula nehe aedeng ue ni hura nimananti etatalang niangse mang vengbanang hula, " mapi jasi ahala ening , aulanghe eung angu oma ana ava matibiding ue jasi ahala omiangu mi ".neheba mateng aulang agu malekang ing hukung. NEHE EMAMPI JASI EKAVASA IING PINA ⁹ Senge bot Naba? Aulangse ping metma nehe abeung vengse pingba etabit miaung ?emampi angu mang niang! Anguba turangmi iini vengmateng ila, hula iing ba Yahudi nianghe bae Yahudi niang, neha aedeng jasi ahala omimi. ¹⁰ Emenghula ue hurak vengbanang , " Nehe nu bae aunghama ening niang, nehe nu di mang niang. ¹¹ Nehe nu mang ebudi eakaldi niangi nehenu di bae Lahatala aingalaping, nehe emampi Lahatala eolat ila, ¹² ii Emampi hama bae igunang niang, nehenu di bae aung hama ening niang , nehe nu di mang niang". Mazmur ela arinu belta buta evengmateng halomang ila emitue vengjehi. ¹³ Ibosar omi angu emenghula dang ba ai anga edadenang . iajabur hula aiver ening iibar iivang emenghula duming ekabisa erang seng ingmi mibit ila.Mazmur ela ising emateng emi arinu ratu nu aributa evengmateng mi tue. ¹⁴ " Aia omi angu bale bot makara ba aving" Mazmur ela arinu evengmateng bititu. ¹⁵ " Ia angu naung nehe eve ahorung. ¹⁶ Susah lala bot tarahak tavetang ue ivia omimi. ¹⁷ Bot iini bae ateing niang hula abetat tominu tahanu angu ening tatalang. Yesaya ela ari iising belta tuninu evengmateng bititu vaila tauru vengjehi. ¹⁸ Lahatala vrng baroti vengbaliul angu bae ue iapang adang oa niang, Mazmur ela aritue belta turinu evengmateng emi aru. ¹⁹ ASengpi ateing ila hula nababa hukung Taurat mi vengbanang ang nehe metma iingba ue hukung Taurat mi vengbanang angu iadana, aulange ai vengipi bot poralolang angu ue Lahatala etaaning angu aingiving. ²⁰ Lahatala, apang adang ,i nehe manusia au bae ana aing eing ot molo niang. hukung Taurat eamulung anguba jasi ahala angu ajarit ho bot ateing . LAHATALA MOLO UMA METMA MANUSIA ENANG UE TOMI METMA YESUS KRISTUS VENGANAMANG OMIMI. ²¹ Aulang arunge angse hukung Taurat ue niang di Lahatala emolo una angu nehe vengmateng ue Taurat ehurak mi bot Lahatala egahingvala abungmi. ²² aulangbase Lahatala emolo una angu ana metma nehe emampi ba iomi metma Yesus Kristus venganamang anguba ienang bot bae tevening niang. ²³ Anguba nehe emampi jasi ahala ening ila bot Lahatala ehamulang kadulang angu bae ing veng niang. ²⁴ Bot molo una angu Lahatala met mainang mang pora sasumang ue Yesus Kristus omimi. ; ²⁵ Lahatala ana omi baleleng metma vengbanang ila, via tominu tahanu , bot tomi venganamang ue Yesus Kristus Eve hamulang omommi. ²⁶ Na Aulang Anguse hula metma Lahatala molo una angu matubing mahoa anga vengjehi , aulanghe nehe toang ateing, bt molo una angu metma neheba omi metma Yesus Kristus venganamang ienang. ²⁷ Aulangse pitava ening atela angu ue taangmi ? ue asingkal ila! hukung naba mi ? Pi hukung karajang omimi? ual arunge ue hukung tomi metma venganamanng omimi. ²⁸ Angu ebele anga ba pi tomi metma vengme hula Lahatala apangadang mi molo una metma manusia enang angu ue iomi anamang omimi ual hukung taurat ekarajang omimi. ²⁹ Aulangse Lahatala angu mang Yahudi ba enang kolang i Lahatala? Aulangse Lahatala angu Ual metma ingba Yahudi niang angu di Lahatala ening ? etabit metma ingba Yahudi niang angu di ioa. ³⁰ Evengmateng sehula Lahatala angu nu kolang ana molo una angu metma neheba eboa ahamulang bot omi anamang bot eboa ahamulang niang, arunge iomi anamang angu naung ienang. ³¹ Aulangse tomi anamang angaba metma hukung taurat angu ot ie niang ? vegaboi sehula Hukung Taurat anguba Ni omi venganamang.