¹ Aulangbase,iingba mannusia , iini bot hula taang iava vili se nubaba nu hula iadang taaning, anguba iini hula iadang taning ingba idiri hukung evengmateng hulo ingb nehe eahalang veng taaning se ingdi hama na ulang angu ening. ² Pi teing hula Lahatala etaning angu molo una, metm nehe emampi nababa iini ening angu edadenang. ³ Aulang arunge, ingba manusia naung, iini have hula Lahatala etaaning angu metma iadana niang, iing ba nehe ahalang vengtaaning angu di naba nehe ue ening angu ingdi ue ening ? ⁴ Aulangse, iini have hula Lahatala e kavasa atangbalea , omi vengtahang, bot omi berang, iini bae hula egunang niang, aulangdi iini bae ateing niang hula Lahatala omi aung Ana ing metma iot iomi aboi. ⁵ Aulang a rung base ii long a na ma ng .bot iini bae iomi aboi Niang angse iini Lahatala etutung Hanangkar angu iini metma iomi mitaloul , vaila Lahatala eved emolo uehoa angu adana. ⁶ Ana oma Lahatala ikarajang evengaboi metma mainang. ⁷ Anghe abetang avening angu metma neheba moi venganamang bot hamulang kadulang angu ala ping bot ada haromat angu mainang, ⁸ Arunge tutu ng harang not all amarah ingba abetat inang kakolang, bot bae molo una vengtou niang, arunge naba emolo una niang anguba eamulung./v 9 Oma minuse ingba yahudi bot yunani bajasi ahala vengkarajang angu ioramana kudi bau pehi bot ivia ipi metma io iadana ¹⁰ Aulang dise hamulang kadulang bot ada haromat bot tominu tahanu tenangeli mulenoa metma neheba aung vengkarajang angu iadana ,ehalomang metma nehe yahudi adana senge bot metma yunani naung adana. ¹¹ Anguba Lahatala ana bae apang vengkalalang niang. ¹² Neheba bae Taurat ehukung ateing niang bot jasi ahala ening , minuse iini oma Taurat ehukung angu vengmina. arungbase neheba jasi ahala ening ue taurat e hukung aingivang ,oma minuse nehe vengiadang taaning ue taurat ehukung omimi. ¹³ Evengmateng se hula Taurat e hukung vengme anguba molo una ue Lahatala apangadang m , arunge neheba vengkarajang anguba oma imolo una ang vengbanang. ¹⁴ Aulangbase iinngba sehe iinni hula ening poralolang eamulung anguse iini metma idiri ba adana. Na aulang anguse evengmatengse hula Taurat ehukung iini vengkarajang angu ue iomimi hurak ila, ue iukur omimi metma isaksi ening bot iini oma taing mamung niange ioinni tehapa. ¹⁶ Minu numi Lahatala ana manusia eukur angu naung vengiadang taaning se iini venganamang di Lahatala amal Yesus Kristus vengbanang angu ana matubinng. NEHE YAHUDI BOT TAURAT EHUKUNG. ¹⁷ Aulang arungbase, mi savaka iini vengbanang hula iing angaba nehe Yahudi bot iini Taurat ehukung anguba venghuri, senge iini Lahatala miabeta. ¹⁸ Lahatala ejahingba aung angu iini vengjali , ue hukung Taurat mi nehe met itubing. ¹⁹ Bot iini iiva ateing hula iing angaba nehe engjasi di iini iatang tedo, ijara Ngu metma nehe kua kete mi Ngu vengajara. Nehe kamuke diiri met itubing bot neheba omi vengjedung di ingba eguru , bot Taurat ehukung molo uma angu ue iabung ila, iateing omimi iini vengmateng ila. ²¹ Ingba hula nehe ot eke buha, aulang se ingdi bae bule niang ? ²² Iing anga ba hula akena mailong veng iong dadat ila aulangse iini bae kadang hava veng iomi mi dadang niang ? ²³ Iini iava matubing hula iingba Taurat ehukung ateing , benangba iini tang tahi, ening Lahatala aingba maniang. ²⁴ Aulangba, ue hurak vengbanang , abang- abang toang Lahatala ehura angu iingba ina ening." ²⁵ Hukung Taurat eamulung se hula iini iboa oha mulang angu ebili veng, arungbase haveba iini hukung taurat angu tangtahi , aulangse ing angu ual nehe eboa hamulang. ²⁶ Aulangse have eboa ahamulang niang di iini Taurat ehukung angu amulung se iing angu bae metma neheba eboa ening ahamulang angu veng taanang niang ? ²⁷ Bot Aulangse Nubaba ana eboa ipi angu ahamulang niang arunge ana Taurat ehukung angu vengkarajang, base oma metma vengiadang taaning hula masiking Taurat ehukung angu ana amulung bot ava ahamulang arunge ana hukung angu amulung niange atatalang? ²⁸ Anguba nehe vengbanang hula Yahudi emamolo angui ual ibut tang anguba ening ahamulang bot hamulang bot hamulang angu ual iboa ipi angu ba ening ahamulang. ²⁹ Nehe Yahudi emamolo angu omi anguba ana etatabit vengbanag hula Yahudi bot hamulang emamolo angu ue Roh Hamulang omimi, ual hukung ba nehe mang hurak angu, neheba aulang anguba nehe aing tajaning ual ue manusia abungmi hoa arunge Lahatala ba abung mi hoa.