¹ Aulangse nababa poma vengmateng metma Abraham adana, tmang pi boa ipi angae? ² Have Abraham ekarajang angu ana molo una, ana metma eela ening bot ava tajaning ;arunge bae Lahatala apang adang mi niang. ³ Anguba nababa Lahatala amal hamulang mi veg mateng? " abraham omi metma Lahatala vengmea bot Lahatala ana aing vengtaanang metma nehe molo una eing." ⁴ Nehe karajang anguba esewa medi, ual met ehadiah ening arung angu malekan met mainang. ⁵ Bot neheba karajang niang, arunge ana omi metma Lahatala ba nehejasi ahala ot molo una iomi anamang ang nehe met molo una angu vengtaanang. ⁶ Anuba Daud di vengmateng hula, aunghama metma neheba Lahatala ana aing vengtaanang met molouna ba ana ening ila angu maenang bae iapang vengkalalang nianng. ⁷ Aunghama angu hula metma nehe pareenta tang tahi, amulung niang di nehe aing ampog bot etammaditoang nehe vengtering. ⁸ Aunghama metma neheba etamadi edosa, angu Lahatala ana bae vengtaanang niang," Mazmur ela aritue belta aru emateng nu ila emi aru. ⁹ Aulangse aunghama anga hula metma neheba ava ahamulang angu ienang? Niang he metma neheba ava ahamulang niang dimaenang? Aulang anguba ni ue vengmateng met nehe molo una ening." ¹⁰ Sengse naba eing e vengtaanang met maenang ? Ana ava ahamulang ila e ava ahamulang jedung ? Ual ana ava ahamulang ila arunge ana bae ava ahamulang jedung. ¹¹ Abraham ana ava ahamulang angu emenghula metma molo una omi metma venganamang minu ana bae ava ahamulang jedung. aulange aing metma neheba ava ahamulang niang diiomi me aing vengmea angu metma iimang ening. aulang molo una angu metma ingdi vengtaanang. ¹² Angse aingba met neheba ava ahamulang angu iimang ening ual iini iava ahamulanmg angu enang kolang arunge via ba iini iomi venganamang turangmi Abraham met imang ening bae ava ahamulang jedung iamana angu ingdi mi lamal.ABRAHAM ANA LAHATALAE JANJI TARIMAT MELALUI E OMI ANAMANG. ¹³ Lahatala palai metma Abraham bot oal idat naung venghula nababa emampi ae poralolang taang anga metma ipasaka ening, bae hukung Taurat anguba ening vengaving niang, arunge molo una venganamang omimi. ¹⁴ aulangba have ingaba hukung Taurat amulung metma emanaing eingse, iomi anamang angu parasemang,bot Lahatala epalai angu niang ila. ¹⁵ Anguse hula Taurat e hukung angu tutung hanangkar ue omimi , evengmateng se hula Taurat ehukung hanangkar ue omimi, vengmateng se hula Taurat hukung angu niang anguse pelanggaran bae ue niang. ¹⁶ Angaba etatalang ba palai angu ue tomi anamang omimi, aulanghe palai angu eelana tomi tejajahi senge palai angudi metma Abraham oal idat ienang, ual hula ue hukung Taurat omimi arunge ue Abraham omi anamang omimi aingba ping emampi tiimang. ¹⁷ Emenghula ue hurak vengbanang ila," Naming be aing metma nehe toang imang ening, Lahatala apangadang mi ana omi metma vengmae, Aingba Lahatala eabetang met nehe amina adana bot aingba vengbanang nababa ue jedung d ana ot ue. ¹⁸ Nababa ana vengomi ana tang vengomi omimi anguba,ana omi metma vengmea aulange eing metma nehe toang imang ening, emenghula ue vengmateng ila." Minuse ana oma ue metma oal idat emea." ¹⁹ Bot, eke tomi anamang angu ot moleng, masiking ana eboa ipi angu ateing hula ana amina heng, angu hula emur angu oma tung ratu nu ila ase sarah atou evalmana angu iminat ila; ²⁰ Ana bae omi babang niang arunge ana omi metma Lahatala epalai anguba vengani, angu ebele omi anamang angu ot tang dairi , Ana lebal tojang metma Lahatala enang, ²¹ bot ana omi veng vila- vila hula nababa Lahatala ana vengapalai angu ana ening tangkanap. ²² Ana omi anamang angu ebele nehe aing met " molo una angu vengtaang ." ²³ Arunge naba aulang angu bae metma Abraham ba enang kolang maenang niang, ²⁴ Arungbase bot metma ping di minuse vengtaanang metma nehaba omi Lahatala Yesus pimutu angu nehe aminang ehama mi ot bale abeta venganamang. ²⁵ Yesus Aingba nehe aing metma ot bale abeta .venganamang angu , pi jas pi ahala bot molo una angu ma pienang ue eabetang omimi.