PING ANGABA LAHATALA ¹ Euling, taang mi Timang omi pijahi angu mi ele, angu ebele vengbanang hula ping anga ba Lahatala Oal, bot etabit ping anga Lahatala Oal angu ebele poralolang te teing niang, bot por alolang bae ateing. ² Kaku naung serang naung, iimba na nomi metma ijahi angse veng banang hula ping anga ba Lahatala oal. aulang arunge pi lamal pi tahi angu nabase naba eda denang, pi bae ateing jedung. Aulang arunge pi ateing se vengbanang hula naba ana hoa se pi uling ateing. ³ Nuba- nuba ba omimi dadenang sehi angu ue aveng ila se, Kristua ue omimi, ana avabahi angu ahamulang Kristus hamulang angu eda denang. ⁴ Nuba - nubaba jasi ahalang aangu ening angu ba Lahatala e hukung ea mulung niang angu, taangmi bot jasi ahalang amba Lahatala e hukung ea mulung niang angu. ⁵ Bot iini ateing vengbanang hula ana ediri avabahi angu matubing aulange Ana piahalang piavali angu vengampong, bot ue omimi, ahalang avali iba niang. ⁶ Angu ebele nubaba ue omimi, ahalang avali angu ening niangila, nubaba jasi ahalang angu vengkarajang memaung, ana bae uling ateing niang. ⁷ Noal naung, neheba eke iiot bir vengahala ekang, nubaba molo una angu ening, e vengbanang hula nehe molo. ⁸ Neheba jasi ahala ening angu setang mi hoa, setang angu halomang mi ue. ⁹ Neheba Lahatala mi hoa, bae jasi ahala ening niang, taangmi Lahatala evomung hamulang angu ue aingveng, bot ana bae jasi ahala angu ening niang, angse nehe angu Lahatala abung ba mi hoa. ¹⁰ Angu e bele, nababa Lahatala oal angu ibilisi oal angu, e molo benang ba, nubaba molo e una ening niang, aing angu bae Lahatala abung mi hoa niang, aulang di nubaba omi metma ekaku e serang ejahi niang angu. TOMI METMA TEJAJAHI ¹¹ Hur hamulang angu iini metila , benang ba pimalekang tomi metma teja jahi. ¹² Eke Kain molo ekang, jasi ahala hoa angu ba ana ekaku ameng. bot etalang ba kaain ana e kaku ameang ? Kain ekarajang angu jasi ekaku ekarajang angu naung. ¹³ Nekaku naung, eke jonga ekang, por alolang angu hula omi metma ilalil. ¹⁴ Piateing vengbanang hula aminang angu piahalang iila, pi tapang metma abetang ba adana. Taang mi pi tomi metma pikaku pi serang ejali. Nehaba bae ekaku eserang angu omi metma ejahi niang ue aminang omimi. ¹⁵ Neheba ekaku eserang angu omi metma ealil, aing angu bavengbanang hula nehe ameang. ¹⁶ Anguba pi tomi tejajahi ang ateing, Yesus Kristus eabetang angu ana vengahit metma pikaku piserang adana. ¹⁷ Nubaba kavasa poralolang angu ue aingveng, bot ekaku eserang angu ue karajang eaung omimi ? ¹⁸ Noal naung, mahe pitomi metma tejajahi , ual hula hurmi, niange ue tajabul elami arunge karajang ba molo angu. ¹⁹ Angaba piateing hula , pi ue aung hama omimi , bot tomi anga aanamang, Lahatala apangadang mi. ²⁰ Aulangba taang mi tomi ping ening ahala, Lahatala lebe mi ele bot emampi angu ana ateing. ²¹ Nekaku neserang bana nomi met ijahi, hula tomi anga bae ping ening ahala niang , pi etatabit vengbanang angu ue Lahatala apamgadang mi. ²² Nababa pibanag , nabase pi abungmedi, hula eparenta eamulung , bot naba- nababa piveng karajang angu omi adana. ²³ Bot anguba Latala Eparenta angu aulange pi Aing parsaja , ue oal mehal Yesus Kristus omimi, bot tomi metmatejajahi emeng hula ana metma veng pimaring iila angu ededenang. ²⁴ Neheba Eparenta angu eamulung, angse ana ue omi mi, bot Lahatala ue omimi, pi ateingse hula , Lahatala metma mapinang E Roh omimi.