¹ Hoi hi, tuaf-tuaf Galatia le a olet! Sekog le es naloepa ki? Ka on fa nane ka anbi ho matam Yesus Kristus mamnita anbi hau nehe anbi humaf-humaf tom faun? ² Lasij mese le au he toti ko, on le mele hi hem simo Asmanak Knino na tuain Hukum Taurat, ai ka atmanek nane hom nen nok palsait? ³ Natuain olel nako hi? Hi lofa mi bol nok Asmanak Knino, aikah nako i kam lomi he mi sopu mani al nok pef? ⁴ Lum-lum kah hi mi susbon nok hakamuit le anfafaun nan-- kalu tebes nane lul-luman? ⁵ nane, on mele in hen sen in mepug Asmanak Knino noi ko ma hen mepug nak lila in kuasat noi ki natuin hi minaob mani Hukum Taurat, ai natuin hem nen nok palsait? ⁶ Pap mese on le nai Abraham in palsai noi Us Nenog es na lasij nane ma soi't noi ne on le alekot. ⁷ Kalu on nan, mihine nai natuin tuaf-tuaf apalsait nan es le at'tek tak anah-anah nai Abraham. ⁸ Sulat Aknino, es na hinen nani sa fe ka fe natuin Us Nenog in es namneob nani tuaf-tuaf ka Yahudi natuin palsait, lofa an nesi nahunu naton Beno Alekot noi nai Abraham nok aguab, " Pah he oke lofa na peni tetus natuin hi." ⁹ Nane, sin le an palsain lofa na peni tetus na bua nok nai Abraham, tuaf apalsait nane. ¹⁰ Fun tuaf le nak fiki ton anbi mepug Hukum Taurat lofa anbi sukat, na tuain ma lula: " Sukat noi tuaf le ka nanebet ton noi a'noni sa le ma lula anbi sulat Hukum Taurat ma nanaob nani." ¹¹ Nane tebes nako ij kan mui fa tuaf nane he namneob anbi Us Nenog in matan natuin Hukum Taurat, Fun "tuaf amneot lofa an moni natuin palsait". ¹² Mes on nane, Hukum Taurat ka nabelak fa anbi palsait. nafani on, " tuaf le nanaob nani Hukum Taurat lofa an moni natuin nan". ¹³ Kristus naupa kiten nako sukat Hukum Taurat ma an jali sukat noi kit, na tuin malula, " sukat nane tuaf le naboni anbi hau nehe!" ¹⁴ Le an boni Yesus Kristus, at'hoes Abraham lofa an tesin noi tuaf-tuaf ka Yahudi na tuin nok palsait hit at simo Asmanak Knino le an pa nanij nane. ¹⁵ Bia benu, lofa au feki aleta nako monit nenog-nenog: Kalu pa nane nabelak nanij, masi nak mansian nok mansian, kan tainine fa kan mu'i fa tuaf le henaeka a'i hen lolug sa'an ha anbi aguab ¹⁶ manpa nan. Ij, an tom man pa nateb nanij in fef belak Us Nenog noi nai Abraham ma noi in sufaf ma kauf ok oke. Us Nenog ka naguab fa, "...noi sufaf ma kauf sin, " le an lek noi nam fau sufaf kauf. " ... ma noi ho sufaf kauf," mes nane an lek noi tuaf mese, es Kristus. ¹⁷ Au tenab, Hukum Taurat le an poi ton 430 afinit nan kan peni fa lalan he naeka fef belak le Us Nenog nabelak nanjel. Es, fef belak nan kanak fa he kan naofa. ¹⁸ Sa le an simog napesit anbi Hukum Taurat, fun simog nane kan pesit an tenij fa noi fef belak. Kalu on nane, Us Nenog nathoeb nanij noi nai Abraham an boni fef belak mese. ¹⁹ Es, nan sa an mui Hukum Taurat? Hukum Taurat an fele natuin tinhais-tinhais, an te ekel am nemat nan on le mel tenab fef belak nan moet. Hukum Taurat nanaoben boni ale asmanak nino nok at nana. ²⁰ On nan, at nana ka noi fa ababat tuaf mese, fun Us Nenog in mese. ²¹ Kalu on nan, on mele Hukum Taurat kan ekuf nok fef belak Us Nenog? Nane kahaf! Na tuin, kalu Hukum Taurat an fel noi hen fekit monit, amneot tebes an poi nako Hukum Taurat. ²² Mes onane, sulat aknino lofa naeka nanij sa sa ma tuafe ok oke le anbi sanat he na fefbelak natuin palsait anbi Kristus Yesus es an felel noi sin le apalsait. ²³ Fe kafe palsait te nem, hit maeka anbi Hukum Taurat, an hatanij on le atam pa'an lek leka palsait le henem naklilon. ²⁴ Onane, Hukum Taurat nane apaot noi kit leka Kristus nem nane hit tapeni lasij alekot noi palsait. ²⁵ Nako ij, palsait nan henemen. Hitkat pake tenifa Hukum Taurat onle apaot noikit. ²⁶ Anbi Yesus Kristus, hi al alaki nane anah-anah Us Nenog anboni palsait. ²⁷ Hi ala ki le him su oel anbi Kristus him tom malak Kristus. ²⁸ Kan mu'in teni falen on tuaf Yahudi ai tuaf Yunani, atel ai tuaf an MERDEKA, atonij ai bifel natuin hi ok oke mese anbi Yesus Kristus. ²⁹ Kalu hinane Kristus inij, hi nane sufaf kauf nako nai Abraham ma amsimo hak nane an matom nok fef belak.