¹ Le au utenbel, fe at simo hak nane fe babaunen, in kanaikaf nako atel mese nak inane an mu'i le al sa sa. ² In henabaunon anbi kuasat apaot ma alekat umenakaf le lekug le an lek nanjel nako amaf nan. ³ Onle hitam sa, kalu hit anah-anah, hit an atenkit onle asmanaf pahapinan ij. ⁴ Mes onane, kalu anbi nenog alefilasij an te, Us Nenog an lelu In Anah nane, lenahonis nako bifel mese ma nahonis natuin Hukum Taurat, ⁵ hen poitan sin le an bin natuin Hukum Taurat hena hit tapen at simog ma naloitan kit onle in anah-anHen. ⁶ Natuin hi nane in anah- anHen, Us Nenog an lek As Manak Nino Anah nanel anbi hit nekak, le no'en "Abba, Amaf." ⁷ Nane, hit ka atel falen, mes in anah. Kalu hinane in anah, Us Nenog najalib ki natuin an boni Kristus. ⁸ Nahunut, neot hi ka mihin Us Nenog, hi on le atel nako lasij-lasij le anbi ateken nan ka Us Nenog fa. ⁹ Mes, nako ij, nako na him mihin Us Nenog ai an nesin teni mihine noi Us Nenog, on le mele fe he him fanim teni moi kuasat-kuasat pahapinan le naklati maka ka ma upa? ai him lomi hem aten namten jom? ¹⁰ Him minaoba am ten tolas nenog-nenog, funan-funan, ulan ma fakunais, ma ton-ton! ¹¹ Au um tau naika-naika au haet puset le au mepug u lal jelen noiko nane lum-lum. ¹² Au toti nako ko, bia ma benu, am jali on le au natuin aum sa es an jali onle hi. Hi ka misanab fa noikau. ¹³ Him hin, anbi ahunut nan au ton Beno Alekot noiko natuin aoke namen le au naben. ¹⁴ Masi nak malulet anbi au aok neki on letis noiko, hi ka mi baunom fa ai am tita kau. Noebanjon, him simo kau on le au ije ahake Us Nenog, on le he tail-tail au ije Yesus Kristus nane an mes! ¹⁵ On mele nok at'hoes le him naben nel nan nako ij? natuin, au malul he saksi an tom hi ahunut, kalu kahit, an loti ho matam ma an fele noi kau ma kat taunok fa. ¹⁶ Nansa nako i au on le hi musug natuin an lek am neot noiko? ¹⁷ Tuaf-tuaf nan an etun lalan he napeni ko, mes ka nokfa tenab alekot. Sin lomin hen tatis ki nok nek afnekan hi lof hem etu sin. ¹⁸ Nane nalek kalu fafe nam lile na nokab lasij-lasij le nanaob alekot, ma ka nugaf neotes au ubua ok ko. ¹⁹ Au anah-anhen, ala ki, au lelnok usek-seke ok asutai men mai honit leka Kristus natonon an bi'ki. ²⁰ Au panet, au malul u bua ok ko nako i ma ubaino u baun au hanak natuin au lali tenab he naeku noi ki. ²¹ Muguab noikau, hoi hi hem lomi amonim bi luli Hukum Taurat, on mel hi kam nen Hukum Taurat? ²² Natuin malula, nai Abraham an mui an atonij nug; ese nahonis nako bi fel an atenon, ma esen ten nako bi fel amat saos aknino. ²³ Mes onan, anah nako bi fel atel nan nahonis nan natuin pef, mes anah nako bi fel amatsaos knino na honis an boni man belak fefaf. ²⁴ Tail tit pe'ot i onle ataka natuin bi fel nug ij ma belak fefa an tom atel ma aknino. Es nane ma belak fefaf nako Nuaf Sinai ma nahonis anah-anah on atel. In nane bi Hagar. ²⁵ nako, bi Hagar in na letan on Anuaf Sinai an bi pah Arab, nam nes onle Yerusalem lekug i natuin in monin bi atel nan nabua nok anah-anah nan. ²⁶ Onane, Yerusalem le an bi fafon nane bifel le naknino, ma in nane inaf noikit. ²⁷ Fun malula, "Tamlilnai, hoi bi fel le kan honif, le kan honif. Am toti nai ma mumlilnai, hoi hilekam naben mitfa men honit. Onan, namfau nes nako bi fel ameset nako bi fel le an mu'i monel." ²⁸ Bia benu, hi nane anah-anah man belak fefaf onle nai Ishak. ²⁹ Anbi neot nan, le na honis an boni pef na le'un anah le nahonis natuin Asmana Knino, onle an tom nako muni ij. ³⁰ Mes onane, sa le Sulat Aknino in a'at? "Liu tis bi fel atel nan nok anah nan fun anah nako atel bi fel nan in ka napeni fa hak nabua nok anah bi fel amatsao knino." ³¹ kalu onan, bia ma benu, hit ka nakfam nak anah nako bi fel atel, mes nako bi fel amat saos knino.