¹ Ton boes sam ha' amnemat, an fanin teni oe kot Yerusalem ok ne Bernabas nok nai Titus nabua nok kau. ² Au nao natuin na belak a'at ma naton noi sin an tom beno alekot le natonel anbi tuaf-tuaf ka Yahudi. Mes au unaob nan anbi au ekut, na tuin lo noksin le nahone he nahakeb na tuin sa le au mepguel ma le au mepu u lalje len kalum-lum fa. ³ On nan, nai Titus, le in nok kau, ka nak fa he lon painotlon masi in nako tuaf Yunani. ⁴ Lasij ij in anjali fun an mu'i bia mabenu amoet le nak mek-meka an tam ma nakosup kit he nail kit nakiso afetin le hit mu'jel anbi Yesus Kristus he nat hit neki nafani kit noi het ate nok. ⁵ On nane te, hai kam lomif he miluli noi sin lekug tukfes he na amneot nako beno alekot nabala anbi ki. ⁶ On mel, nako tuaf-tuaf he na hone nan, le in na tokon nan kan (PENTING) fa noi kau Amaf Us Nenog kan beti fa humaf, sin ka luman fa sa'sa noi kau. ⁷ Nafani kon, sinit natuin noi kau es an palsai Beno Alekot noi tuaf-tuaf le kan painotlon, pap mese on le nai Petrus le in palsai beno alekot noi tuaf-tuaf le anpainotlon. ⁸ Fun in es an mepu an boni nai Petrus an jali mafefa aknino noi tuaf-tuaf anpainotlon, in amsa an mepu an boni au hen jali mafefa aknino noi tuaf-tuaf ka Yahudi fa. ⁹ Nako nan Yakobus, nai Petrus, nai Yohanes, le an palsai sin on sin kulug noi tog aslanit nahine at'hoes le an felel noi kau, sin an fe nimaf ahinet nek bua noi Bernabas ma noi kau he nat haim nao moi tuaf-tuaf ka Yahudi, mes sin an naon noi tuaf-tuaf an painotlon. ¹⁰ Sin al antoti kai he tam nau noi tuaf-tuaf kan muif, lasij mese le au mese amakoe le'leu noi he u naoba anij. ¹¹ Mes on nane, neot nai Kefas nem noi kot Antiokhia, au uguab mat-mat u eka anij natuin tebes in an san. ¹² Le ka fe tuaf-tuaf fen nanug nako amfauf Yakobus neman, Kefas in bijas neku nabua nok tuaf-tuaf ka Yahudi. Mes haef fes sin neman, in an tatison ma an batis aon na tuin nam taus tuaf pukan le anpainotlon. ¹³ Tuaf-tuaf Yahudi bian nok-noka seke naguaben amoel lam sa nokan, on nane barnabas an asan nako sin namoe ken. ¹⁴ Nako nan au it sin nen natuin sin naguaben ka namnes fa nok lasij amneot beno alekot, nane au uguab noi nai Kefas anbi tuaf amfaute matan, "Kalu hi tuaf Yahudi him moni on le tuaf ka Yahudi, on le mele kalu hi taseke tuaf ka Yahudi noi monit on le tuaf Yahudi?" ¹⁵ Hit nane tuaf-tuaf le nahonis kit on uf Yahudi ma ka tuaf-tuaf asanat nako uf ka Yahudi. ¹⁶ Natuin, hit tahin natuin katitfa tuaf fes in nam neobon natuin in nanaob Hukum Taurat, nane an boni palsait anbi Yesus Kristus. Nane, hitam sa het palsai noi Yesus Kristus he na hitam noe an boni palsait anbi Kristus, ka nakfa in nanaob Hukum Taurat. On nan, kan muif tuafes henam neobon natuin in nanaob Hukum Taurat! ¹⁷ Es nane, fe hit taloitan noi he nam neob kit anbi Kristus, hit tapeni hit aokem sa on asanat, sa ka'alekot Kristus nane ameput sanat? Nane kahaf! ¹⁸ Fun au ufena ufani sa le au uleun ulaljelen, au uklila natuin nane au tuaf atinhais noi talas. ¹⁹ Natuin, an boni Hukum Taurat, au lofa amat noi Hukum Taurat he na au peni monit noi Us Nenog. ²⁰ Au napeti nalali kau ok Kristus. Ka nak au es amonit, nok nane Kristus le an monin bi kau. Monit le nako ij au umunib anbi pef nane monit noi palsait anbi Amaf Us Nenog, le an neknis kau ma in an fe in aon nane noi kau. ²¹ Au kabatag fa at'hoes Us Nenog na tuin kalu amneot nem an boni Hukum Taurat, lum-lum Kristus an mat!